|
رسالة من امرأة في جوال زوجي(مستجدات الرد 44)
أنا عضوه جديده هنا,,, وأترددت قبل ما أكتب مشكلتي صراحه....
المشكله انه عندي 3 عيال ...أخر طفل كمل شهرين... والمشكله الي قاهرتني وخلاني أبكي الليل ...إني حصلت في جوال زوجي رساله معروضه تلقائيا في الأيفون ... من وحده تودع زوجي وتدعو انه يرجعلها بالسلامه..!! أنا مصدومه وكالطير المجروح....ما أتوقعت شي زي كدا.... المشكله عيالي...أخااف أطلب الطلاق عشان لا يضيعوا وينحرموا مني... ما أعرف كيف نتصارح ولا إيش أقول لزوجي....؟؟؟؟ الرساله معروضه تلقائيا في الأيفون مكتوب : توصل بالسلامه وترجعلي ياعمري...وحاولت أفتح الجوال عشان أشوف الإسم بس حاط رقم سري.. مدري إيش أسوووي ولا كيف نتصارح.... وترا زوجي مايسافر برا.... بس عنده شغل في منطقه ثانيه ...أحيانا يطلع يجلس يوووم..وينزل اليوم الثاني...على قوله يبات عند قريبه وهوا شريكه في العمل ... قسم إني أحب زوجي وعمري ما فكرت كدا يصير بعد كل دي السنين؟؟؟؟؟؟ إيش أسوي ولا كيف نتصارح؟؟؟ سااااااااااااااااااااااعدووووووووني جزيتم خيرا |
اول شي اقعدي فترة دوري وراه وتاكدي ولا تخلي وحدة تخرب لك بيتك ولو حصلتي دليل فاتحيه بالموضوع ولا تطلقي الا لو كنتي متاكدة ولا تخربي بيتك بها البساطة
|
التوفيق من عند الله
اقتباس:
الله يكون في عونك والله ما في أصعب من الخيانة ليش الزوج يخون زوجته وليش الزوجة تخون زوجها يا ربي إسترنا عزيزتي تأكدي أولا من الأمر ثم بعد ذلك صارحيه بالموضوع إن آعترف وقال إنو نادم .... سامحيه ولاتخلين إلي ما تستاهل تاخد زوجك وأبو عيالك أكيد مو سهل إنك تسامحي الشخص إلي خانك بس ما باليد حيلة خصوصا إنك ما شاء الله عند 3 أطفال طمنينا عن حالك وربنا معاكي إن شاء الله |
طيب ممكن يكون متزوج مسيار ؟؟؟ هل أنت متأكدة إنها خيانة . دوري وان شاء الله ما تكون كذلك أسأل الله لك حماية بيتك وان يجعلك قرة عين زوجك .... أما إذا كانت خيانة فأنا لا أدلي برأي .... مع أني أشوف ان الفعلة هذه لازم الواحد يتأدب عليها و ينفضح و تطلع ريحته ...
|
الله يعيينك ويساعدك لا تسوي شي لمن تتاكدي يمكن بي الغلط او وحدة تبا تهدم بيتك
كل المشاكل خيانة بسب وسائل الاتصال الله يفرج همك |
:: |
غاليتي...
ادرك حجم معاناتك وانها ليست بالشي السهل او الهين لكن تبقى المواجهة أفضل الحلول والصراحة في هذا الموضوع لا تحتاج إلى تعتيم أبداً اظن ان صاحبة الرسالة هي زوجته ..صارحيه بهدوء..وبدون عصبية مهما انفعل ...ويسر الله امرك. |
يا أختي امامك أمرين:
- إما الصراحه وتقبل تبعاتها - وإما السكوت وتقبل تبعاته بمعنى: لو صارحتيه .. ولنضع اسوء احتمال لديك أنه متزوج زواج كامل..وليس فقط مسيار -فهل سيضعك تحت الأمر الواقع؟ وهو الأغلب -هل ستطلبين الطلاق ؟ - هل وضعك الآن أفضل قبل مصارحته؟ لو سكتي: - هل تتحملين وتصبرين..لعل الله يحدث أمرا -أنتي تعرفين اخلاق زوجك ؟ هل تغلبين جانب انه متزوج أم انه يخون؟ - قد يكون زواج ...وهذا الظاهر من فحوى الرساله - وضعك الآن أفضل من أن تصارحيه أم لا...؟ يعني اهدأي واذكري الله واسترجعي الله قل اللهم آجرني في مصيبتي واخلفني خيرا منها واستغفري وازني بين سكوتك ومصارحتك.. وأخبرينا بما تفكرين |
بما أنه يعمل بمنطقة ثانية الله أعلم إنه متزوج مسيار
وأكيد إن مشاعرك عنده غالية لذلك فضل المسيار حاولي تتماسكي وتهدي نفسك وقولي الحمدلله انه فكر بالحلال بدون مايجرحك .. بس انتبهي تتهميه بالخيانة وتتسرعي بأي قرار قبل لا تتأكدي الله يريح بالك |
دعي من الله يهديه حبيبتي والله صعب فهاد ازمن الفتيات بحبو الي متزوجين الله يصطر وبس انتي عملي معاه الي بحب لا تكوني معاه اناني وكوني صبورة ازا حرمتيه من شي عميليهالو يمكن بدو جمال او رومنسية اوشي والله يهدينة يارب
|
| الساعة الآن 07:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©