منتدى عالم الأسرة والمجتمع - أمي تعزلني عن العالم لإني ابنتها الوحيدة

السلام عليكم
كيفكم اخواني اخواتي اليوم ححط ين يديكم مشكلة ربما تكون غريبة أو تافهة او واقعة للبعض ولكن هي مشكلتي انا شخصيا ألا وهي أني الإبنة الوحيدة ومنذ ولادتي مع والدتي زي مايقولو ديل أمي كانت تلبسني بمزاجها وتوديني بمزاجها ليييييين كبرت ورحت المتوسط طبعا حسيت انها بتتضايق لمن اكلم صحباتي بس قلت عادي ولكن مع لايام حسيت انها تغار من اقرب صديقة ليا ودائما تشوه صورتها قدامي وكل ما ارزورها بس ارجع البيت تسوي مشكلة ولا لما تجيني فمنعتني من اني اروح عندها قلت مو مشكلة هي تجيني قالت طيب وبس تجي وتمشي البنت تقلب البيت حريقة وتتخاصم معايا واتنكد واقولها انتي رضيتي تجي ودائما تسبها وتقلي دي قوية وبتعلمك من قوايتها حتسيري زيها لسانك طول زي صاحبتك مني عارفة من فين بتجيب الكلام دة ومع ان البنت والله يشهد اعز من اخت والاهم انها تتفهمني واشكيلها وتشتكيلي والحمدلله اني محبوبة في عيلت امي طبعا وكل مايشوفوني البنات حضن وكيفك وحشتنيا وكدة وبس نرجع البيت الاقي ماما تقول لأخواني والله البنات اليوم حضننوني وقالو وحشتينينا يعني تجمع نفسها معايا مو مشكلة عادي عزايم الاهل يعزموني بنات العيلة ترفض قلت مو مشكلة اكيد تخاف عليا بنها الوحيدة كل يوم بتزيد الضغط عليا لكن توصل للشك دة ما اقدر اتحملة وانا معاها 24ساعة وجهي وبوجهها وجوالي مرمي ما احد يدق علية ولا عندي حركات ادخل الغرفة واسكر على نفسي ابدا ودائما لما اقولها البنات يقولو اهلهم ضاغطين عليهم ولا مثلا اقولها والله بنت خالي بتقول كل البنات الصغار اتزوجو واحنا قاعدين وزي كدة تتضارب معايا وتقول لاتلفي وتدوري قولي انتي بتقولي دة الكلام وتحطية في احد احلفلها لكن ماتصدق دائما تجرحني بكلامها دائما تئزئني تحطمني تحبطني وحابستني معاها في البيت لأن هي العيلة شوية بعيدة عنها لأنها ما تحب احد وففحالها ودائما تقلي الناس مافيهم خير وتكرهني في الناس ومافي احد طيب كلهم سيئين ومافي احد يحب احد خلتني اكرة الناس بس انا احب الناس والخرجات والفللات ولما اقولها طفشت ابغى اخرج زيي زي البنات تقلي احمدي ربك انا دلعتك ومدلعتك واخوانك لو عايش ابوكي ماكان شوفتي ربع الخير دة ومشيت حالي والله اني بكتب ليكم ودموعي على خدي بس الي حارق قلبي ان دي الايام عشان سمعت وحدة من بنات العيلة تكلم شاب سارت بس ترمي كلام وتشك فيا والله نفسيتي مرررررررررة تعبت ايش اسوي