![]() |
**أحتاج تجاربكم في النقل لمنزل آخر.. و ماهي أفضل الشركات**
.. السلام عليكم ورحمة الله وبركاته .. أخواني وأخواتي أدعوا الله العلي القدير أن تكونو بأفضل حال :22: أحتاج مساعدتكم.. :o >>>>> ايش أهم النصائح للنقل من بيت لبيت???? <<<<< :23: والي عنده تجارب مع شركات نقل الأثاث والعفش في جدة يشاركنا تجربته ويعطيني اسم الشركة ورقمها.. :d .. الله يسعدكم مرة محتاجة لشركة ممتازة .. ضروري |
:: |
صباااااح النوووور يا عسل.. أشكرك عزيزتي من كل قلبي على نصائحك.. وفكرة الأكياس ممتاااااازة :22:بس ماني عارفة فين ألاقيها يمكن في ساكو؟؟ أنا نفسي ألاقي شركة ممتازة .. وأريح دماغي :23: لفينا زجاجيات كتير وحطيتهم في كراتين.. بس باقي الملابس.. وأشياء تانية.. زوجي يقولي خلاص.. بس شيلي الملابس والأشياء المهمة والشركة تشيل الباقي بس لسة ماقررنا ايت شركة.. في (هوم باك) يقولو ممتازة اتصلنا قالنا لازم حجز واقرب موعد 13 شعبان .. مرة بعيد.. طولت عليكي .. قاعدة أفضفض .. :o الله يسهل الأموووور.. الله يسعدك وينولك الي تتمنيه.. |
يا جماعة.. مازلت أنتظر أسماء شركات نقل ممتازة في جدة.. وما نستغني عن تجاربكم.. اللهم صلي وسلم على سيدنا محمد.. |
:: |
والله ما كنت أدري انه التجهيز للنقل صعب لهادي الدرجة..:rolleyes: قاعدة احط الملابس في شنط والله ماتكفففففي.. تشوفيها قليل بس تحتاج شنط كتير.. كلامك صحيح .. ماراح أعتمد على العمال أبدا .. عشان كدا قاعدة اشيل وألم أكتر شي أقدر عليه.. وبالنسبة لألبوم الصور .. جزاك الله خير فكرتيني بشي مهم.. وأكيد لازم نكون متواجدين وقت النقل وعيننا عليهم.. أنا جربت النقل مع ماما .. تخييلي بس أنا وهيا وسواق خالتي!! زوجي كان عنده شغل في موسم الحج ومايقدر يجي.. وخيلاني مسافرين.. أنا وحيدة أمي.. بس كنا ب 100 رجال.. :d و طلعت عيوننا..:23: حبيبتي تسلمي على تفاعلك واهتمامك.. |
شركة Four winds أو الاتجاهات الاربع
شركة ممتازة في النقل |
لا شك أن النقل عملية مرهقة لأبعد أحد
إن كان التجهيز للسفر متعب مع أن الإنسان لا يأخذ إلا شيئا يسيرا من حاجياته فكيف بمن يترك المنزل خاويا على عروشه أعانكم الله وسأمر مستقبلا بما أمر به الآن فحبذا لو أعطيتيني فكرة عن أسعار الشركة التي تعاقدتم معها وهل النقل إلى منزل في نفس المدينة أم إلى مدينة أخرى ؟! |
اقتباس:
أشكرك عزيزتي .. رسيل أنا فعلاً سمعت عن هذه الشركة.. وكلمناهم أول أمس.. يا حبيبتي .. هذه شركة على قول زوجي لو لقوكي في البيت ياخدوكي مع العفش.. ممتازين و متخصصين ويشيلو كل شي ويرجعوه زي ماكان في الدواليب .. بس أسعارهم خيالية.. يعني احنا طلبو مننا 7000 ريال..:d دا وبيتي صغير .. تسلمي يا قلبي على مشاركتك.. |
اقتباس:
أشكرك أخي الكريم .. شاطيء المحبة صحيح الأمر متعبببببببب .. أنا دخلت المنتدى قلت أرفه عن نفسي شويه .. وأشوف لاني من أول قاعد أرتب في الملابس والأغراض.. وماابغى أعتمد على الشركة في كل شي .. أنا في جدة وزوجي الله يهديه.. ما شاف أغراضه.. عنده أشياء كتير لازم نصدقها الي ضاق عليه والي محتفظ بيه من سنين من قبل مانتزوج .. ماأعرف ليه كتير من الرجال يشتهرو بالعادة دي ..:d سمعنا عن شركة اسمها فرسان الخليج..؟؟ اعطونا سعر 1800وغالبا هي الي حنتعاقد معاهم.. تشمل نقل المكيفات وغسلها.. ونقل الأثاث وتغليفه وممكن صحون أدوات مطبخ.. وطبعا الأدوات الكهربائية الثقيلة .. وحسب عددها يحددو السعر في هادي الحدود معقول .. الين 2000 أما أكثر مايستاهل :29: لانه بيتي مهو كبير بس مليان أشياء:23: الله يعين.. وزي ما ذكرت سابقاً.. فيه شركة home pac يقولو ممتازة ودولية .. و اعطونا سعر حلو .. بس لازم تحجز وموعدهم بعيد..ما ناسبنا.. إذا عندك فكرة عن شركة ممتازة دلنا عليها.. جزاك الله خير على اهتمامك.. |
الساعة الآن 07:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©