|
أعاني من سوء عشرة زوجي وحياتي على المحك
السلام عليكم ورحمة الله وبركاته
قبل ان اطرح مشكلتتي اود ان اطلب طلب الرجاء عدم التجريح و التلفظ بغير وجه حق اجتاج رأي ونصيحة وحل ان وجد لا اكثر .. بإختصار انا امرأه متزوجة من سنة وستة اشهر لم ارزق باطفال الى الان مشكلتي مع زوجي هداه الله واصلحه .. حصل سوء تفاهم بيني وبين زوجي وهوا اني واجهته بامر كذب علي فيه وقام كبر المسألة وقعد يقول اني انا مااصدقه وانه هو مايكذب بس انا مااصدقه ومااحترم كلامه وانا متاكده انه تضايق انني عرفت بهذا الامر وواجهته به وقام تلفظ علي( ياحيوانه انقلعي بيت اهلك وخذي ملابسك كلها ودفني بقوه للأسف في هذه الللحظه عرفت انه لايحبني ولم يحبني بل كان يكذب علي ) طبعا هذه ليست المشكله الوحيده بل فيه الكثير والكثير ودائما يتصرف معي بهذه الطريقه يوديني لبيت اهلي ومايرجع لي الا لمن اتشكره واجلس ابكي الين يرجعني انا احبه ولكن هوا لايقدر هذا الشيء لايثق فيني ولايحبني ولايحترمني وماعمره قدر تعبي دائما يشوف اني مقصره ودائما يتهمني بصفات كلها موجوده فيه لايحترم اهلي دائما احصل عنده مقاطع اباحيه واذا قلت له قام يدور ااعذار اخر شيء صار يقول لي طز فيك ايوا انا اشوف مقاطع واشوفها على الشوتايم 24 على 24 ساعه ماهمني فيك اذا حصل بيننا سوء تفاهم لايلبي لي اي طلب اطلبه حتى لواروح المستشفى ونجلس بالايام وينقصني الاشياء وبرضوا مايتنازل لمن ازعل منه نجلس متزاعلين ايام اقوم انا اتعوذ من الشيطان واروح اراضيه ..واحب راسه . طلبت منه اغراض لي لان عندهم زواجات خلال الصيفيه هذه قام قال لي مااقدر الحين واتصلت وحده من اخواته متزوجه وطلبته يوديها السوق وراح لها ركض وقلت له خذني معك ابي اشتري اغراض قال لي لا قلت له طيب اختك توديها وانا زوجتك لا راح وطنشني تعبت انا كثير منه ومن تصرفاته. انا الان عند اهلي ولم استطع احضر االزواج واتصلت على والدة زوجي واعتذت منها واحسست انها متغيره علي والان انا في بيت اهلي من اسبوع تقريبا اتصلت عليه يومين وارسلت له بحجه ان يأتي ويوصلني للزواج ولم يرد علي وانا الان في بيت اهلي والدي يقول لن ترجعي الا بحظور والده وانا احبه واخاف ان يطلقني ... ماذا افعل الان انا لم استطع البوح عما في نفسي لا اعلم لماذا اسألوني وانا اجيب لكم كيف حياتي لااعرف ان اشتكي |
معليش ياحبيبتي قسي قلبك وخلي ابوك يربيه لانه اذا مالقى من يادبه راح يتمادا انا تزوجت واحد كان كلمت سي شوي عليه وتحملت وصبرت في الاخير تركته بعد زواج دام 3 سنوات الا كم شهر وربي رزقني باخير منه بالف مره والحمد لله الله يباركلي فيه يعني لو انتي مظلومه تاكدي ان ربي راح يعوضك واطلبي ربي دائما العوض
|
أنتي قلتي انك تحبينه ولا تبين تتطلقين . يعني الرجل فيه حسنات ليش ماذكرتيها ؟؟؟
عموماً .. خليك في أهلك ولا تطلبين الطلاق خلي أبوك يتفاهم معه ويكلمه ولا تتصلين نهائي عليه . واذا اتصل هو كلميه ولا تفتحين الموضوع الين هو يفتحه .. الله يهدي سركم .. |
اقتباس:
هذا النوع صعب يتغير و كل ما تجاوزت عن أخطاءه زاد تجبر و تعنت انتبهب تحملين و تتوهقين و يزيد همك و يتعقد الوضع استخيري حبيبتي الله يكتب لك الخير |
تبغي تفكير الرجال ؟ < رجآآآآل واحب اقولك ان سبب المشاكل والهموم الي انتم فيهـا يالحريم .. ممآ جنت أيديكم !! والله اكره شي عند الرجآل ان الحرمهـ تصير ضعيفهـ مشكله بناتنا انهم مايعرفوآ ان الفرق بين الضعف والانوثه كبيرررررر : كالسماء والأرض انتبهي تنكسري بعيون زوجك او يحس انك ضعيفه ومكسوره ومالك شخصيه .. اذا هوآ غلط مره اعتذري .. بس مو كل مرهـ لو تمادى عليك مو تروحي تعتذري له وتحبي راسه بعد !!! وشلووووون الرجل يحترم حرمته حتى لو انه يحبهـا ؛ وهيآ مالهـا كلمه وخايفه ومهزوزه وضعيفه !!! وين شخصيتك كأنثى او كانسانه او كزوجه !! خذي موقف من البدايه خليه يحترمك .. قولي لأبوك اخوك يتفاهم معاه .. ولا تقولي مابدخل احد بيني وبين زوجي !!! لو ماقدرتي تحلي مشاكلك مع زوجك وزادت المشاكل .. وش تنتظري !؟!! قولي لأمك او لاخوك الكبير .. خلي زوجك يعرف ان وراك احد انك مسنوده انك صاحبة شخصيه ومبدأ .. ويعرف انك مو ضعيفه .. قولي لهـ انت تشوف افلام sex ؟ طيب بس قولي لا تخبي علي ولا تكذب علي .. وبينلي ع الاقل انك ندمان او بينلي انك تشوفهـا غصب عنك مو تقول ايوه اشوفهـا يا حيوانه 24 على 24 !!! نصيحه / مني لك .. خذي موقف؛ ؛ قوي شخصيتك خليك ع مبدئك .. حلي مشكلة قلة الاحترام هذي الحين قبل ماتكبر .. ( همسه ) احب اقولك يعني .. احيانا الرجال يكون عنده شوية انحرافات او يحب اشياء معينه هوآ عارف انهـآ خطأ مثل الدخان والـ sex .. الخ وآجبك كـ زوجه انك تعوديه يقولك كل شي مايخبي عنك شي ابدا .. ولو قالك اي سر من اسراره وحتى لو ضايقك تتقبلي كل كلمه بإبتسامهـ وتعرفي منه ليه يحب هالاشياء وتدوري ع المشكله بنفسيتهـ وبالاخير تبدأي بكيدك كـ إمراه .. تخليه يبطلهـا او يخففهـا .. بس احنا الرجال نعاني احيانا من بعض الحريم .. يجي الرجال لزوجته يقولهـا بصراحه بقولك شي ( بيصارحها ) .. انآ صارلي سنه ادخن !!! تروح تقوله انت كذاااااااااااااااب مخبي علي .. انت عاااااااااااار على الرجال انت وش اسوي فيك وش اسوي بنفسي يااااااااربي !! وتجلس تلومـه وتبكي .. وتكرهه الساعه الي جآ يسولف معها ويفتح لهـا قلبه .. بس الحرمه الشاطره الذكيه تعرف كل شي يسويهـ زوجهـا ويسويه تحت عيونهـا .. وتمشي الامور بكيفهـا ومزاجهـأ لين تجي اللحظه المناسبه والوقت المناسب وبذكائهـا تخليه يترك هالشي او يخففهـ .. والله يجمع بينك وبين زوجك ع خيرر .. بس صراحه تعاملك معاه لما عرفتي انه يشوف افلام مره مو حلو .. كانه مسوي جريمه وكارثه .. وكانه بقفص الاتهام وانتي القااااضي .. طيب خير ياطير يشوف افلام عارفين انها حرام وعيب وخطأ بس كل كثير رجال يشوفو .. والحل مايكون بالزعل والنكد .. يكون بالحب والتفاهم والحنان .. |
أعرف تماما بماذا تشعرين !!! وأنا واثقة أنك قوية .. لكن تحتاجين بعض الوقت لترتيب أفكارك وأوراقك .. ركزي معي شوي حتى أساعدك على ايجاد الحل بنفسك .. أولاً : أنتي متفقة معي أنه غلطان معك .. وغلطان بشدة أيضاً .. وحتى أنك تقولي أنه لا يحبك .. إذاً .. في هذه الحال ... وبما أن الحب غير متبادل .. أو على الأقل غير واضح من طرفه .. بهذه الحال .. عليك أن تضعي عاطفتك جانبا ... وتفكري بعقلك قليلاً.. أولاً : لا يصالحك حتى تصالحيه .. لماذا ؟؟؟ لأنه تعود أنك دائــما تصالحيه .. لا يحترمك .. لأنك دائما تسكتين عن حقوقك .. ولا تتعاملين معها بحزم ... -تماما مثل ما قال الأخ عاشق الأروى في رده- الحل الآن ... أن تفعلي مثل ما يقول لك والدك على الاقل مبدئياً .. حتى نشعره أن الموضوع كبير .. وأنك تغيرتي .. ولم تعودي تلك المرأة التي لا يهم إن زعلت لأنها سترضى لوحدها .. وإن زعل زوجك فلن تقدري على زعله و ستراضيه .. حتى ولو كان غلطان ... وافينا بالمستجدات ... وبإذن الله سنجعلكما تعودان مثل أيام العسل ... رزقنا الله وإياك حسن التصرف ... |
الله يهديك انا بقولك راي بس لاتزعلي اذا فيه تجريح انا اشوفك والله زي اختي
كيف يدفك ويقول روحي عند اهلك المفروض تروحين من لحظتها ولاترضين الاهانه اذا رحت عند اهلك لو تموتي لاتدقين عليه ولاتكلميه خليه يتفاهم مع رجال بيت ابوكي له احترامه انتي مو زوجه بالساعات بعدين ليه تدقين على امه وتعتذري على ايش الخطا خطا ولدهم الله يهديكي قسي قلبك حتى لو طلقكي والمظلوم ربي ينصره ولو بعد حين |
اقتباس:
شكرا لك ام هتان اقتباس:
مع العلم انه يقول لي انه يحبني ويحب اهلي ولكن انا لم ارى هذا الشيء اقتباس:
نعم نعم انه تمادي معي كثير ليس اني ضعيفه بل لاني وضعت رضا ربي ثم والدي واهلي نصب عيني حاولت جاهده ان اكسبه واغير من سلوكياته واطباعه ولكن فشلت كل محاولاتي ولاني اعرف واعي ماهي مكانة الزوج في الاسلام حاولت ان اصبر عليه واتغاضي عن تصرفاته ولكن للأسف تمادي معي وتجبر عليولاحول ولاقوة الابالله |
مثل ماقال احد الاخوان الرجل لايحب المرآه الضعيفه
آبدي عدم إهتمامك به يهتم هو بكِ ربي يسر لك آمرك |
اقتباس:
اشكرك بس احب اوضح نقطه مهمه وهي مشكلتي الاساسية ليست في مشاهدت زوجي لافلام اباحيه لا لا انا اعرف ان ثلاثة ارباع الشباب مبتلين في مشاهدتها والزوجه الذكية تخرج زوجها من هذه الفتنه .. ولكن مشكلتي معه انه لايتفاهم معي لا بالخير ولابالشر ينكر ويكذب في جميع تصرفاته وانا اعلم بخافاياه ولم اخبره انني اعلم الا في الفتره الاخيره والا في بداية زواجي منه كنت اتكتم واحاول ان احل الموضوع بشكل غير مباشر ولكن للاسف انه لاينفع معاه التفاهم والحب والحنان ولم افلح في تغيرسلوكيات زوجي السيئه وعلما بانه يعرف تماما انه مخطئ وكان في بداية زواجنا يعتذر لي ويوعدني انه يتغير لان مشاكلنا وصلت لاهله وكانوا يصلحون الامور ولكن للأسف لم يفيد معاه والمشكله الاكبر انه يعرف انه لو يلف الكون ماراح يوجد مثلي انا لست مغروره ولكن هو يعترف لي بهذا الشيء ددائما لاني ولله الحمد اتمتع بصفات واخلاق ولاازكي نفسي ولكن واثقه من نفسي والحمد لله ولكن من كثر اهتمامي وتقديري لهذا الزوج طغى علي وتكبر وللأسف انه جنى على نفسه في هذه المره |
| الساعة الآن 11:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©