هكذا أنا.. وتلك هي حياتي..
 

صباحكم سكر..
أنا أول مره أكتب موضوع في هالمنتدى الرائع ..
اعتبروا موضوعي فضفضة ..أو استشاره.. أو .... أهم شي لا تحرموني من ردودكم لو بدعوه..
أمس أبشرررركم خلصت من عدة الطلاق... مدة زواجي شهر واحد بس (أسرع زواج وأسرع طلاق بالعالم)
امممممممم سبب طلاقي أنه زوجي أو طليقي عاااااااجز -الله يشفيه -
بالبداية لا أخفيكم حزنت وحزنت وحزنت وبكيت وتأسيت على الحالة الي وصلت لهاعلى الرغم أني أنا الي طلبت الطلاق
وتطلقت عن طريق المحكمة ..
.. أذكر إني كنت أجهز للزواج وأذكر إني كنت لابسه فستان أبيض وأذكر الناس يسلمون علي ويقولووون لي مبروووك وأذكر أهلي مبسوطيين ومستانسين ويرقصون .....:confused:فجأه أصحى من الحلم وألاقي نفسي ببيت أهلي ومطلقة..
بس الحمد لله والله أني أحسن حال من أول كل يوم أحسن من الثاني يالله لك الحمد..
الموووهم .. الي أحس فيه الحين إني إلى الآن مصدوووووومه إلى الآن مااستوعبت القفزات الي مرت علي خطبة+شوفه+شبكة+ملكة+تجهيز+زواج+عشت مع رجل أجنبي ونمت معه بغرفه وحده وبسرير واحد+اعترافه بالعجز+تعب نفسي+إقناع أهلي بالمشكلة+محكمة+وأخيرآ طلااااااااااااااق... آآآآآآه الي ألاحظه على نفسي بعد الطلاق صرت زعوووووله وحسااااااسه وكل شي يضايقني دائما متنرفزه حتى أهلي صاروا يخافون علي أحس بدووووخه وصداااع وألم بيدي اليمين وأحيانا أصبعي الإبهام يووووقف مايتحرررك..
ونحففففت كان وزني 60 صار 46
.قمممممممة الحساسيه والدمعه على طرف العين والصيحه براس الحنجره ..
بقوولكم ... أهلي الحمد لله شايليني على كفووووف الراحه الي خليهم لي ... هم عزوتي وسندي ماحسسوني بأي شي .. أنا هي أنا قبل الزواج وبعد الطلاق..
هل حساسيتي هذي طبييييعية وفترة وتعدي وإلا بستمر على هالحاااااله؟؟؟؟
تكفوووووووووووون الي مرررت بهالحاله وعدتها أو الي مر بهالحالة وتعداها يطمني؟؟؟
الله يعووضني ويعوووض كل مطلقة /متأخرة بالزوج الصالح ..:14:

طبيعي جدا فترة وتعدي بإذن الله
اهم شي لا تستسلمي لحساسيتك ودموعك لا تكتميها عيشي الوضع بدون مبالغة ولا تتجاهلي مشاعرك..

الله يخلف تعبك ويعوضك خير

حبيبتي لما قرأت قصتك دمعت عيني والله
حبيبتي ليش تسرعتي بالطلاق كان صبرتي عليه بالعالاج عند الدكاترة اعرف بنات عالجو ازواجهم من العجز والحمدلله تعالجوا

عالمعموم حبيبتي الله يعوضك خير يارب ورح ادعيلك من كل قلبي

عوضك الله واخلف عليك والدنيا دآر اختبار وتحتاج الى صبر
وماممرت به يحتاج منك الى صبر حتى تخرجي من هذه المواقف
بكل ثقة وعزيمة