|
عائلتي وزوجة اخي..
سلام...
كل مره اكتب مشكله ولا حياة لمن تنادي ولا احد يرررد هالمره خلاص طافح فيني الكيل ومقهوره حييييل .. ومتنرفزه وكل شياطيني قدامي ... مشكلتنااا تمكن في زوجه اخوي.. هي ساكنه مع اهلي بالعماره.. بس بشقتها طبعا.. وهذا خلاها ملقوفه درجه اولى وحشريه لابعد الحدود تدخل بكل صغيره وكبيره ومرابطه عند اهلي هي وبنتها ليل نهااااار .. احيانا انا واختي نجي عند امي نبيي نروق بالنا ونغير جو بعيد عن بيوتنا وازواجنا .. نبي نقعد مع اهلنا تفضفض ننبسط نتكلم من غير اي قيود بس بدون اي فايده بالذات لما نجي نزور امي مرابطتها تزيد حتى غدا بتقعد تتغدى معنا ولا تقكر حتى تطبخ معها شي ولا حتى تسوي حلى او قهوه يعني تبي تنزل تتضيف وكله على راسنا وراس امي الله لا يحرمنا منها.. يعني انسانه بالمره ماتفهم بالذوق.. وبكل شي تبي تحشر خشمها بكل المواضيع واللي مايخصها وتسالنا وامي اساله غبيه وجدا تتلوقف فيها شي مايخطر ببالنا احيانا او هرجه ونسيناها يعني تزيد وتعيد وتعجن فيهااا يعني شي يلوع الكبد عالاخر.. المشكله انها احيانا ماتحشم احد وتسب اخوي قدامنا وهو مو موجود واحنا مو من طبعنا نجرح او نرد عليها طيبين زياده عن اللزوم ومعطينها وجه ومحترمينها زياده وهي ماتستاهل.. صراحه لا شكل ولا مضمون ولا اخلاق .. والله انا واختي كرهنا نزور اهلي من مرابطتها في وجيهنا .. اشك انها مريضه نفسيا لانها تحب تفرض شخصيتها بكلامنا قدامنا مدري وش الحل معها لانها جد خانقتنااا عالاخررررر... وامي شوي ورح يجيها السكري والضغط من قرفها واحنا بعد امي اكيد.. |
حبيبتي يمكن اهي شخصيتها جذي .. فماعليكم منها لا انتي ولا اختج ولا اهلج سولفو معاها عاادي واذا ماحبيتو بس مو اجباااري عليكم تكونون علاقات صداقه وياها ..
الله ايسر امورج كلها يارب |
استهدي بالله عزيزتي ييمكن هي ماعندها أحد وتطفش وتبي تتسلى معاكم بكرة لاجاها طفل ثاني بتنشغل وتنساكم وإذا عالأكل قولوا لها ودنا نذوق طبخك وذوقك بالحلويات بأسلوب رايق عشان تفهم وتقتنع وانتوا إذا جيتوا عند أمكم مافي داعي تخبروا تعالوا من فم ساكت قضووا وقتكم وامشووا ونبهوها مايصير تسب زوجها قداكم عالأقل تحشمكم إنتوا اهله كلميها بذوق قوليلها هذا اخونا ومانرضى عليه الشتيمة بس عاد لاتنفعلي خليك راايقة أحس شوي وبتخنقيها هههههههه موفقة عزيزت |
مووو على كيفها ... حددوا لها يوم تجي فيه الأربعاء ياخميس ...... الي يناسلكم ويناسب الوالده..
|
نفس الحال وزياده
من غير الكذب و المبالغه وطولت اللسان و قلت الدب والاخلاق واشك في اشياء زياده الله يعينج عليها ويعين امك المسكينه صدقيني يا اختي حاسه فيك بس اكثر وحده غامضتني امك لانه نفس امي خاصه لما تكون حرمه كبيره بالسن وما تقهر الكلام الزايد والعك واللك والتلوي في اللسان مالي غير اواسيك واقول يا رب نلقى حل |
طيب هي صارت من البيت , ووشوله تزعلين , سوالف حريم انا قلت مشكلة اثاريها خرابيط
|
اعذريني نرفزني جدا اسلوبك
بس وواضح انه العكس فالاسلوب يعطي المضمون عن الشخصيه مع احترامي اذا انتي ما تبين تزورين اهلك لا تحطين العقده في المنشار تحياتي |
ما اتوقع الموضوع فيه حشرية
احنا وزوجات اخواني صديقات وعلى طول كلنا اصلا مرابطين بيت اهلي بس احنا البنات اذا بغينا امي في موضوع ندخل معها غرفة نومها ونقفل علينا الباب ونتكلم وناخذ راحتنا على الاخر وحريم اخواني كلهم بالصاله واذا خلصت سوالفنا طلعنا لهم وكملنا السوالف والضحك واذا قررنا نطبخ شي كلنا على المطبخ مافي احد يجلس يقول انا تعبان او اي شي اللي يرفض يدخل المطبخ مايحرك من اللي نطبخه ولا حتى يتذوقة والله ان احنا مرتاحين حتى بزارينا يتخانقون ويكفخون بعض واحنا ماندق لهم كرت اطفال وتحملوا اللي تسوونه ماندخل بالموضوع الا اذا صار اللعب قاسي حيل على عيالنا |
تدرين وانا اقرا المووع قلت ياليت مرت اخوي جذي نشوفها وتشوفنا وتقعد معانا لكن وين احمدي الله ان مرت اخوكم تحبكم وتحب تقعد معاكم بس سوو حدود للعلاقات الاجتماعية يعني عادي تقعد تتغدى معاكم وانصحوها جدامها لكن من وراها لا تتكلمون حرام أحس انها فعلاً ما عندها حد وتيي تقعد معاكم بالعكس رحبوا فيها واكسبوها وعلموها ما فيها شي علموها شلون تتعدل وتكون كشخة لو مو عشان حد عشان اخوكم الله يسعدكم يارب |
وعليكم السلام ..
أنا اتفق مع اختي كرز وفراوله .. يعني اذا بغيتوو امكم بموضووع مهم روحو غرفه النوم وقفلو البااب واذا خلصتو اجلسو معاها .. وصدقيني زوجه اخوكي مع الووقت بتتغير وراح تنسغل بأمور بيتهآآ.. دمتي بووود=) |
| الساعة الآن 02:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©