|
ممكن تفهموني هذا التصرف الصادر من أبي
السلام عليكم ورحمة الله وبركاته مشكلتي تتلخص في عدم فهمي لتصرفات والدي حفظه الله ومن أهمها التصرف التالي : أخبرته اليوم بخبر ترقيتي في العمل بحكم أنه لازم يعرف مني قبل لايعرف من غيري فسألني كم سؤال عن الترقية من ناحية زيادة الراتب وخلافه وباركلي عليها ، ثم أعطاني فلوس لكي أحضر عشاء للأهل (الوالدة والأخوان وزوجتي وبناتي)وأعطي جزء منه للجيران (أصدقاؤه) وقال لي جيب كمان أفخم كيكة عشان ترقيتك، وهل فيه شيئ ثاني ممكن نجيبه عشان ترقيتك؟ قلت له مايحتاج هذا كله تكفيني مشاعركم قال لا ماينفع لازم نحتفل. قلت أوكيه ورحت أجيب العشا. ======================================== طيب ياناس بالله هذا كلام ! يعني أنت بتعاقبني عشان ترقيت ؟ ولا تبي تلصق عشا الجيران باالترقية؟ وهو عارف اني ملتزم بحمية يعني لاأكل الكيك ولا الشاورما اللي طالبها (مع العلم أنه نباتي). ونفس الشي لما كنت أشتغل في المنطقة الشرقية واجي للرياض خميس وجمعه ، يقول لازم نحتفل بجيتكم ، يالله روح جيب عشا!!!!!!!!!!! أنا توي واصل الرياض بعد سواقة خمس ساعات وتقولي روح جيب عشا !! أنا والله ماعندي مشكلة أروح أجيب عشا لو قالي روح جيب عشا، لكن المشكلة تكمن في أنه يقول نحتفل بجيتكم للبيت روح جيب عشا ! تبي تحتفل فيني تقوم تمشورني وعندك ولد في الجامعه !!!! ليه مايروح هو؟؟؟؟ حجته أنه يحبني !!!!! وهذه المشكلة كيف يحبني ويكرّهني حياتي ، إلا إذا كان يقصد انه يحبني عشاني الوحيد اللي اطيعه وأريحه في طلباته، وبالتالي أنا أيش أستفدت من هذه المحبة في الدنيا !!!!! طبعاً القصتين اللي فوق على سبيل المثال (لأنه يوجد مثلها الكثير والكثير من المواقف) |
الله يهديك ..مهما فعلت لاباك لن تتجزيه ...
والله العظيم مآآآشوف في طلبات أباك مايدعي للغضب .. بالعكس أباك يحبك ..والدليل إحتفالك بك ... ربي يسعدك...ويسر آمرك |
هذا جزاء والدك يوم حبك واعتمد عليك قمت تتذمر وتقول (يكرهني حيااتي)!!!
انت فكر زين بس بما انك اب , وحط نفسك مكان ابوك,وكان رده فعل ابنك مثل رده فعلك ..ايش بيكون شعورك؟؟؟!!! وحتى عنوان الموضوع احس فيه قله احترااام للوالد,,الله يهديك .. احمد الله على النعمه الي انت فيها غيرك فااقد لوالده ويتمنى لو يرجع دقيقة للحيااه,, الله المستعان .. |
اقتباس:
اقتباس:
شاكر لكما مروركم العطر |
يا أخي في الله..
انت ما اشتكيت الا وانت حاس بالظلم من تصرفات والدك.. رغم اني لا أرى فيها ظلماً.. ما نقدر نقولك إلا ارفق بهذا الكهل 70 سنة الله يحسن خاتمتنا وخاتمته سايره ابوك .. بتغير تفكيره والا بتضغط عليه يعني اعتبرها اي شيء تسلط ظلم..الي تبي ما له الا السمع والطاعه .. ما طلب منك تكفر.. وسع صدرك وسلم على راسه كل ما شفته وأرضه بما يريد كل ما طلب منك طلب قال أبو الدرداء: سمعت رسول الله صلى الله عليه وسلم يقول: الوالد أوسط أبواب الجنة فإن شئت فأضع ذلك الباب أو احفظه. الله يغفر لأمي وابي ويرحمهما كما ربياني صغيرا |
مرحبا بك اخي الفاضل /اخي في الله
من زمان عن مواضيعك اخي كل انسان وله طريقته في التعبير عن حبه ووالدك يراك انسان ناضج وتطيعه بسرعه من غير نقاش وهذا مازاد عيار الحب عند والدك ويكفيك ان يدعوا لك في كل حين فدعوة الوالدين مستجابه برائي انك تستعين بأرقام المطاعم المفضله عند والدك وتطلب منها وسوف تقوم بتوصيل طلبك دون ان تضطر الي الخروج وتذكر ان هناك من الاباء من يقوم بأخذ جزء من راتب ولده حتي وان كان غنيا يعني طلب والدك سهل وبسيط اختك/ ام عبد الرحمن |
تواضع لوالدك وقدر فرحته فيك
والمفروض من نفسك أول ماتوصل الرياض تمر وتجيب عشا تفرح فيه والديك ولا تنسى يا اخي إن هذا من البر وأنت اللي محتاج رضاه .. |
وعليكم السلام ورحمـــــة الله وبركاته
الله يحفظ الوالد ويرزقه بر عياله..انت زعلان علشان الوالد يطلب منك وما يطلب من اخوانك هو يشوف انك مطيع وبار فيه..وهالشي المفروض يفرحك مو يزعلك..لأنه فضلك انك تاخذ أجر الطاعة لاتقول شنو استفدت بالدنيا..؟ والله ما تدري ربي شنو كان كاتب لك من ابتلاء في الدنيا..وعلى طاعتك لوالدك مسحها عنك اذا قالك روح جيب عشاء وانت تعبان من السواقة..قوله أبشر واطلب من اخوك الأصغر يتولى المهمة..وارجع لأبوك وقوله انك ارسلت أخوك لأنك تعبان من السواقة ترى ابوك مايدري انك تشيل بخاطرك..لو درا اكيـــــــد بيزعل وماعاد يطلب منك بعدين يا اخوي تذكر ان في باب في الجنة اسمه باب بر الوالدين..علشان تدخله لابد ان تتعب وتجاهد نفسك وفقك الله وجعلك من الذين يدخلون الجنة من هذا الباب..,,, |
والله ماشاء الله على والدك الله يخليه لك
المفروض الترقية انت اللي تعشيهم من راتبك والله كريم الله يجزاه الجنة ومسألة تعب وما تعب ... معك حق في هالنقطة بس كان بإمكانك تتصل على المطاعم ويوصلون بدل ما تتعنى وتضرب مشوار وتنتظر ... اتصل نصل ومبارك الترقية ... الله يطعمك خيرها ويكفيك شرها |
اخوي ليش ماتغير طريقه تفكيرك في القضية
قريت في النت عنوان يقولك غير تكتيكاتك المعتادة >> يعني اذا كانت عندك مشكله تتكرر بحذافيرها انت غير مسارها وانت جاء للرياض اعط الوالد ألو وقول انا جاي والعشاء علي ونبغى جمعه حلوة اليوم مره ثانية طب عليهم على اساس مفاجأة وكن مرتب لها من قبل ومزبط عشاء من مطعم يوصله للبيت مره ثالثة وانت في الطريق كلمه وقول انا جاي وافكر تكون جمعتنا تصير اليوم غير تصير في استراحه او شاليه او حتى في المخططات >> والله اعرف توك جاي من سفر وتعبان بس وش تسوي هذا الوالد اضغط على نفسك ساعتين زياده واطلب عوضها من ربك انت ماتدري ابوك ليش يعاملك انت بالذات كذا يمكن يخاف انك تتخلى عنهم خاصه انك بعيد وابو عائلة او يمكن هو عنده خوف من الهرم وتلاشي الاولاد من بين يدينه بحال ضعفه حسسه باهميته عندك ادخل عليه بلهفه وشوق شاوره في امورك كثر سواليف معاه اعزم اصدقائك في بيته واكرمه قدامهم اكرم شيبانه وتفانى في ضيافتهم النتائج : رضى الوالد وبرضاه رضى ربك >> يمكن هذي محصلها بس هذي اهم نتيجه دعوات الوالدين تتنزل عليك بكل وقت وتعال شوف البركه في حياتك كيف يتعلمون بناتك البر والله يرزقك بالذرية الصالحة تصير جمعة الاهل وكسبت اجر الجميييييييييييييييييييييع اخوي الافكار المهبطة انساااااااااااااااااااااااها وردد في داخلك هذا ابوي من حقه اكرمه من وقتي ومالي الله يجعلني واياك بارين مبرورين وقبل اطلع انا اهنيك انك تسعى للبر |
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©