|
ملل الأجآزة..
السلام عليكم ورحمه الله وبركاته..
اخواني واخواتي الأعزاااء.. طبعــآ الأجازة الصيفيه ابتدت وبدآ معها الطفش..الملل .. الفرااغ.<<منذو مبطي مأجزة:d في الغالب الناس تقضيها سهر بالليل ونووووم بالنهاار..http://www.lakii.com/vb/smile/26-163.gif البعض يساافر في ارجااء الأرض.. والبعض الآخر مكانك راااوح ببيتهم :d حــآبه اعرف كل عضو كيف يقضي اوقات فرااغه.. الملل كيف يقضي عليه؟؟ اتمنى المشاركه من الاعضااء يمكن نلقى عندهم وسيله فعاله لمكافحه الملل:21: |
وعليكم السلام ورحمة الله وبركاته ....
موضوعك حلو ... عن نفسي أقضي الإجازة .... بدورات سواء أون لاين ولا بمعاهد بحكم طبيعة عملي ... أو بالمطبخ ... لأني بأيام الدوام عمري ما أدخله إلا بس أسخن غداي .... فأجلس ع النت وأطبع كم طبخة وأطبقها طبعا بيتنا آبدا ما يكون فاضي ... أخواتي بإستمرار عندنا ولو سافروا ما يسافرون بنفس الوقت .. ويدخل علينا رمضان ولا عاد يكون فيه وقت فراغ وغالبا ما نقضييه بمكة ونعيد هناك ونرجع وترجع كآبة الدوام ... وبس هذي اجازتي ... إن صح تسميتها اجازة .... لأني دايم أسمع كلام تهزئي من باب يا كثر دوراتك ما تملين من الدراسة ومن هالقبيل .. أنت كيف تقضين الإجازة ....؟؟ أقصد هالأيام بالتحديد أكيد روتين البيت يختلف ... شكرا لطرحك هالموضوع طلعتينا من المواضيع الجادة أو مشاكل حياتنا ... وخليتنا نرفه شوي عن أنفسنا |
هلآ بك اختي غدآ افضــل..
ما شاء الله جدولك زحمه بالأجازة ,لكن والله احسن من الملل والطفش.. انا قررت اجازتي تكون فوتغراافيه, .. ويا اختي يوم جيت اصور لقيت الجو ما يسااعد ابد.. استغفر يا غباار ولا فيه بيئة منااسبه,وان جيت بصور عصافير ما اشوفهم الا طايرين ,شكلهم يفكرون اللي معي سكتون مو كآم خخخخ :d.. والشي الثاني شكلهم مو مرتب واحسهم نحااف وهلكانين من الحر,:21: والآن اشتركت في مجموعه من هواه التصوير واحس استفدت من بعض الدرووس.. وان شاء الله عن قريب اتحفكم ببعض الصور الرائعه بأذن الله .. وياليت لو فيه احد من الأعضااء يشاركني نفس الهوايه عشان ادخل معه تحدي :18: |
لا يشيخه.. :( وين الملل مايمدينا..:25: الله يباركلنا في الإجازة.. ويمد في ثونيها.. وتكون إجازه حلوة.. كلها سعاده وصحه وخير..:22:
إقضيها في العبادة.. زيارة الأرحام.. قرأة القصص.. الخروج مع العائلة.. تأمل السماء في الليل:25:.. يكفي أني أرتحت من فجعة الدوام:30: .. والله بعد جسمي ما ارتاح من وجع الشغل.. يازينها.. ما شاء الله تبارك لا أحسد نفسي:11:.. قال أيش؟ قال ملل.. والله لو يسمعونك زميلاتي.. كان أكلوك:29:.. |
براااافو عليك أصعب حكاية
معاي زميلة لي بالدوام مصورة محترفة وكان السبب بعد الله النادي وبرضو بنت أختي دايم تعمل لنا " جلسات تصوير " خطييييييرة واحترافية درجة أولى وأضمن من اللي برى ... أما طبيعة عندنا بالرياض وهالأيام .... مالك الا تنتظر الشتاء وبعد المطر وإن شاء الله تخضر الدنيا وتلقطين لنا كم صورة ... " حلم الأمان " يمكن ماشاء الله انت ما تملين عن نفسي لو ما أدخل دورات تمنيت الدوام كرف الدوام كرهني أجلس بدون هدف .... بالإضافة للي ذكرت لازم أستغل الإجازة بشي يفيدني اذا رجعت |
والله في البيت مااروح مكان
ايامي كلها فراغ في فراغ خصوص بعد تخرجي من الكليه بس ان شاء الله هالسنه تصير غير اقضى ع الفراغ بااشياء النافعه من النت مثل دخول في بعض الدورات او تعلم بعض الطبخات لاني ماعرف نهائي في الطبخ اواشغل نفسي في القراءه والكتابه الاجتماعيه او النفسيه وتطوير الذات وهذا مااسعى اليه الآن .. كل الشكر لك .. |
|
موضوع حلو الله يعطيك العافية
إجازتي أجلتها لشهر رمضان إن شاء الله وما كنت أصلا اريد أخذها بس لان صار فيه خطه أن نروح نؤدي العمرة في رمضان مع الاهل فتحمست أني أخذها سبب عدم رغبتي في الإجازة هو أن بيتنا ما شاء الله زحمه أخواني وعيالهم دايم معنا والأطفال طول الوقت صريخ ونزاع وبطبعي أحب الهدوء والقراءة كثيرا وحاليا هذا شيء مستحيل عندنا إجازة نهاية الأسبوع أرجع منها وأنا مهلكه وأعصابي تلفانة على الاخر فعشان كذا أظل في مسقط بعيد عن الضجيج أحسن لي هههههههه لاجازتي في رمضان إن شاء الله عامله برنامج بعد ما نرجع من العمرة أني أعمل حلقات ذكر مع عيال خواني على أقل اسيطر على ضجيجهم كما أني مجهزة عدة محاضرات لمشايخ مختلفين ودي أسمعهن من زمان وبسبب ضيق الوقت ما صار ليوهذا غير عن زيارة الأهل والصديقات |
اجازتي ودي اتفرغ فيها لاشياء اول شي هالشهر ودي الفلفلي كمن شغله بالفريزر لرمضان وكل يوم اطلع واقول بكرا ويروح هالبكرا ماودي اشغل روحي بهالمطبخ برمضان ،،
ثاني شي شريتلي كمن كتاب عن الاطفال وطرق تربيتهم بحكم اني جديده في رياض الاطفال ابي استفيد منهم بس بعد مالقيت وقت اقراهم فيه وسلامتكم ،، يعطيك العافيه اصعب حكايه. |
حلم الأمان...
تصدقي بالله لو الأجازة يخلوها اسبوعين احس تكفي وزيااده<< ياويلي من حلم :d --------------- غدآ افضل: بالاضاافة الى الدورات الي تاخذيها ممكن تاخذي لك كام وتجربي التصوير,مدري حسيتك بتبدعي فيه..:28: ---------------- سيده الموقف: شكل اجازتك يا 12/8 او 28/8 , مسوية ذكيه ابي اعرف وظيفتك خخخخخخخخخ وبالنسبه للدورات ابشرك مسجله في معهد من شهر 6 والى الآن يقولون العدد ما اكتمل عشان نسوي دورة,شكلهم بيلهطون قريشااتي ..:25: ------------------- العابده: الله يحلي ايامك بالطااعه,وماشاء الله شكلك عايلتكم كبيره ,وخير ما فعلتي اجلتي اجازتك الى رمضان,احسن من الايام هذي كلها نوم وتكبير مخاااد.. ------------------- متفاائله: انا بوادي والمطبخ بواادي خخخخخخخخ:23: وبالنسبه لدوامك الجديد الله يبارك لك فيه ياارب, احس ان التعامل مع الأطفال يجي تلقاائي , بس ركزي اهم شي على اوراق العمل ,الوسائل,افكار عرض الدروس.. انا كنت بمركز رعايه نهارية وكان التعاامل جدآ صعب لكن الحمد لله ربي يسرهاا.. الله يوفقك ويعافيك يالغلآ.. |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©