|
زوجي مل مني ويريد أن يطلقني
السلام عليكم ورحمه الله وبركاته
بسم الله الرحمن الرحيم انا متزوجه من 7 سنوات الحمد الله كنت عايشه احلى عيشه ككل زوجين احب زوجي وهو يحبني الحمد الله عندي طفلين والحمد الله مشكلتي انانيه زوجي يحب نفسه بشكل فضيع الزم ماعليه نفسه الحين على قولته انه مل مني ويبينا نتطلق ونبعد عن بعض وان حياتي انا وياه مستحيله بس والله لو سالتوني شالاسباب والله مافيه سبب معين كلها اشياء تاااااااااافهه وماتستحق اللي يسويه يزعل على اتفه الاسباب هو حبوب وحليو وعمره مارد لي طلب واي شي ابيه يجيبه لي يحب الطلعات والتمشيات مانقعد ابد بس مشكته ايش مافيه مشاعر مافيه حب عمره ماتكلم او مدحني بشي الكلمه الحلوه عمري ماسمعتها منها مااسمع منه الا الانتقادات وفكره عن الزواج ابش انتي م من حقك تطلبين هالشي مدامي اطلعك واجيب لك اللي تبين مو من حقك تطلبين مني اي شي ثاني انتي هاذا دورك تدلعيني وووووو انا انسانه ولي حقوق ابي احس اني زوجه بالعربي ابي احس اني انثى ماابي قصايد وكلام حب ابي الكلمه الطيبه اذا فتحت له الموضوع بطريقه غير مباشره مجرد تلميح يثور ويسوي لي سالفه يقول هذا انتي اللي تسوينه مو انا انا علي اني اطلعك واوديك ومالك حق نطلبين مني اي شي ثاني وان صار راضي علي يسولف معي كاني واحد من اخوياه ماكني زوجته اسوي له جو ينبسط ويعجبه بس مايتكلم معليش ابدخل باخصوصيات شوي حتى وقت الجماع المداعبات هاذي انسيها انتي اللي تجين وانتي اللي تسوين انا مااسوي شي انا بالغربي صار فيني تبلد بالاحاسيس صرت ماعاد اسوي زي قبل تغبرت نفسيتي والله غصب عني وكثره المشاكل ورى المشاكل الين صار بيني وبينه فجوه كبيره صار زي الغريب بالنسبه لي احبه زوجي وابو عيالي بس مافيه احاسيس تخيلو اذا زعل اقعد اراضيه يوم كامل هذا اذا ماصار يومين بعض المرات اسبوع والمشكله ياليته على شي يستاهل والله شي تافه بس معليه اصبر نفسي واراضيه وبالاخير يفول انتي ماذبحتي نفسك علي اذا شفتيني زعلان وقفي فوق راسي ولا تنامين ويمكن اذا قمت وشفتك صاحيه واقفه فوق راسي افكر اذا ارضى والا الا واذ ا شفتك ذاله نفسك لي افكر اني ارضى عليك والادهى بعد ايش انو اذا تبيني ارضى عليك يبي يجامعني بالحرام من الدبر واذا عييت ومنعته يزيد بالزعل انا طفشت من هاالحال وماعاد فيني صبر بس صابره وساكته عشان عيالي الحين مهددني بالطلاق وهاينه عليه العشره ولا هو مفتكر ويبيني اعدل من وضعي والا بيطلقني وماني عارفه ايش اسوي معاه وان تكلمت معه ووضحت الاشياء اللي مغيرتني عليه تكبر السالفه ولا يرضى اوضح له اللي بخاطري حتى اذا م غلطانه بشي لازم اني اقول اني غلطانه والا والله لويقعد شهر او سنه قدام وهو زعلان ماهمه حت اذا صرت تعبانه ورفضت اني اروح المستشفى يزعل ليه مو عشان اني تعباه لا يزعل اني ناراح اقابه واقعد معه زي اناس ومشكلته انه يجحدني باي شي اسويه له يقول انا عمري ماشفت معك يوم حلو وانتي ماعاد تعنيلي شي ووجودك وعدم وجودك واحد عندي وبعد كم يوم يقول انتي ماغيرتي شي كيف يبيني اتغير وهو يسمعني مثل هالكلام وغير الشتايم اللي اسمعها منه انا وعدته كم مره اني احاول اني اتغير بس والله غصب عنب م فادره ولاني عارفه ايش اسوي عشان ارضيه الحين يقولي اذا ماشفتك ذابحه نفسك علي والله راح اطلقك وغير الزوجه الف وانتي ماعاد تعنين لي شي ؟؟؟ كيف اتغير يانا تكفون ساعدوني والله اني اكتب لكم وانا مشوشه ومقهوره وادري كلامي ملخبط وداخل ببعضه بس والله من حر مافيني وطبعا دايك\م يقولي انا عمري ماغلطت عليك انتي اللي خربتي علاقتنا انا عمري ماسوبت شي اي شي تبينه يجيك مايفكر ال بالشياء الماديه وغيه مالي حق هذا اللي قدرت اكتبه الحين وكلي رجا فيكم بعد الله انكم تيفيدوني وتساعدوني لا والله حياتي عالمحك ونسيت اقولكم انو الحين بادي بعلاقات بالبلاك بيري مع بنات وابي اواحهه بسس عارفه رح يخش بغين ويقولي انتي السبب انتي اللي وصلتيني لهالحال واذا ذكره بعيالنا وانهم راح يضيعون وذمبهم برقبتنا يقول هاذا مشكلتك وذمبهم تتحملينه انتي انا مالي دخل تكفون ساعدوني |
الله يصلح ما بينكم
بصراحة ما فهمت تماما ويش الي يبي تغيرينه من سلوكياتك؟ وشلون يعني تذبحين نفسك عشانه؟ الله يهديه ويسر أموركم |
يؤ يؤ يبي يسوي معاك من .... !!!؟؟
خليه يوولي ياقلبي الظاهر زوجك صابه ملل من حياتكم والروتين اللي فيها فحاب يجرب شيئ جديد وماعنده فكره الا بالحرام لان للاسف صارت افكار الشذوذ منتشره المهم لا تعطينه وجه ابدا وردي عليه بصرامه وانتي اللي ازعلي اذا مجرد يحاول يلمح للحرام.. وحاولي ببقيه امور البيت وعلاقتكم انك تغيرينها بالشي اللي يتمناه كل هذا خلال مده زمنيه تحددينها قبل.. اذا فاد كان بها واذا مافاد شيلي قشك وعلى بيت اهلك وحطي ببالك انك بتجلسين فتره طويله لا تطلبين الطلاق ولكن روحي زعلانه لعل وعسى انه يواجه نفسه ويفهم عيوبه وتتعدل علاقتكم وقبل كل هذا اطلبي الله يساعدك ويعينك |
ياقلبي الله يهدي سرك يارب
اعذريني على صراحتي زوجك يخونك واذا تبين تعرفين خذي ذاكرة جواله وانا بعد اكتشفت انه مع زوجي البلالا بيري الله لا يوفق الي صنعه والحين انفصلت عنه بس جلست بالبيت عشان عيالي لانه طلع يقابل |
حياك الله اختي الكريمه ( ومضه ) ( كل ما اكتبه اجتهاد ليس بالضروره ان يكون صوابا كله لابد من مشاوره العقلاء والسماع من اكثر من طرف ) وانا انتقل في مشكلتك من سطر الى سطر كلما ( اتضح لي شي ) في جوهر المشكله او ( الخيط الرفيع ) الذي ترجع اليه المشكله جاء شي اخر ينقضه فربما كانت مشكلته غير جوهريه ( اي ليس لها سبب وحد واضح ) بل هي تراكميه واعني بتراكميه ( انها بين فعل ورد فعل ) بمعني انك وزوجك كل واحد يجرب مع الشريك ( سلوك ) جديد من اجل اخضاعه لمطالبه لكن دعيني اشرح لك انطباعي العام ثم احلل مشكلتك ثم اذكر لك الحل الانطباع العام ان زوجك فقد دوره ك ( رجل ) ويبدو انه انسان (خضوع وحبوب ) كما قلت في بدايه الامر وانت اخضعته لما تريدين وهو موافق على كل شي فقط انت تطلبين وهو ينفذ ثم سرت هذه التركيبه الغريبه الى العلاقه الخاصه يقول لك ( انتي الي تسوين وتجين في الجماع ) اذن ازمه البيت ازمه قياده تنبتهما لها بعد مرور سنوات على الزواج انت تقولين ( يكلمن مثل واحد من اخوياه واريد ان اكون انثي ) وهذا يدل على انه يراك ( ند ) لاشريك وتقولين ( اريد سماع ثناء واطراء ولا اريد بذل ) وهذا يدل على انك تريد الخضوع للسلطه الرجوليه وتعبانه من هذا الوضع المعكوس تحليل المشكله من خلال سطورك الحكم بالانانيه على الزوج وكونه لايحب الا نفسه مناقض لقولك كنت عايشه احلي عيشه ولايريد لي طلب وحبوب ويبدو انك في حاله نفسيه متعبه فلم تقدري على التوصيف الجيد وجوهر المشكله (حبوب ) لما كان على الدين وخاضع ( مل وسأم ) ثم حاول ( التنمر ) بالهجر والزعل و (نجحت ) معه هذه الطريقه وقد قلت في مشاركه اخري ( اياكم ان تعلمو الطيبين ان الحقوق لاتاخذ بالاخلاق وانما تؤخذ بمخالب الاسد وحمار العين ) او ( ما اخذ بالقوه لايسترد الا بالقوه ) هذا لايصلح ولا يصح في العلاقات البشريه المبنيه على الحقوق والوجبات والتنازل ولذا لما وجد منك الخضوع بالزعل والتهديد بالطلاق اصبح يتشرط لدرجه انه يطالب ب ( الحرام ) والمستحيل ( وافقه فوق راسي ) ونجح معه هذا الاسلوب في كسب (الخضوع ) الزوجي له وانا اسـألك وكوني صادقه مع نفسك هل كنت تخضعين له وتراعينه يوم كان ( حبوب ) لا يرفض اي طلب مثل ما تراعينه الان هل الخضوع والاهتمام به والخوف منه واحترامه زاد بعدما تغير واصبح يهجر ام انه لم يتغير والوضع كما هو الاحترام واحد والخضوع واحد ؟ اذا اجبت عن هذا السؤل عرفت نصف مشكلتك اذن هو اعتقد ان حق ( الحشمه والاحترام ) لايأتي الا ب ( القسوة والهجر واللامبالاه ) وان ( الحبابه وطيبه القلب ) ما ( توكل عيش ) بل تجعلك على هامش الحياه ( الجدار القصير كل يقفز فوقه ) الحل 1 - زوجك حبه بالافعال لا بالاقوال فلا تطالبيه بالكلام الحلو بل عوديه عليه وفي دراسه بريطانيه عن الرومانيسيه اكثر البريطانيات يعتقدن الرومانسيه في كوب الحليب الساخن في الشتاء والمصاحبه في الاسواق ( يعني افعال ) لا اقول 2 - محاولة الاهتمام بزوجك والقرب منه واحتوائه واعطاه ما يريد وكسب قلبه 3 - عدم الخضوع لابتزازه ب ( الزعل ) والهجر وقولي له باسلوب طيب اذا كنت معي حسنا ساكون جيده وطبقي معه هذا السلوك العملي اذا ذهب بك الى مكان او لبي لك طلب او اعطاك هديه فبادري بالشكر حتي يعرف انك من النوع الذي يؤخذ ما عنده من الطيبات بالمعامله الحسنه لا بالقسوه والاحتقار واشعريه انك ( تغيرت ) ولابد ( ان يتغير ) ايضا 4 - حاولي تذكيره بالله وخوفيه به وخصوصا في علاقاته المحرمه وطلباته المحرمه 5 - تقوي الله ومراقبته والدعاء والتضرع والصدقه والاستغفار كلها ابواب للفرج 6 - اذا لم يفيد الاكرام والحشيمه (بعد فتره كافيه ) اظهري لك غضبك وهجرك بطريقه وديه ووقت كاف حتي تعرفي ما هي نقطه ضعف زوجك السلوكيه هل يخاف من الهجر او يأسره الاكرام والحشيمه او ينفع معه المواجهه او الانسحاب اي جربي معه ( الاكرام - الانسحاب والاعتزال - المواجهه - الحيله ) ويسمونها اسلوب ( الحمام والسلحفاه والقرش والثعلب ) ولكن بحكمه وزمان منفصل وكاف مثال طقي اكرام مع المطالبه بالحق شهر ثم الانسحاب مع المطالبه بالحق شهر .... الخ |
اقتباس:
هذي نظريه عسكريه :d ان شاءالله تنفع الاخت وتفيدها وربنا يصلح حالها وحال زوجها |
|
عمران
ما شاء الله عليك استاذ الله يوفقك |
السلام عليكم
عزيزتي زوجك طلب منك بالصريح ان يجامعك بالدبر وهذا محرم شرعا---لاحول ولاقوة الابالله من رايي انك انتي تسيبين زوجك وماتخبري احد باللي طلبه وتعاتبيه قبلها فلامعصيه لخالق في طاعه مخلوق----ومن ترك شيئا لله عوضه الله خيرا منه ربي يسعدك بحياتك |
الله يفرجها عليكم ويهديه ويرده لك -ماعندي حل للاسف ادعي ربك وتوكلي عليه
|
| الساعة الآن 09:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©