زوجي عقيم وأفكر بالطلاق
 

اعجبني المنتدى وحسيت اني بلاقي الحل عندكم محتاجة احد استشيرة تدرون الحياة هذا صار البعيد اقرب واصدق من القريب - انا تزوجت وعمري 20 سنه ولي 7سنوات بس ما خلفت لان زوجي طلع عقيم بداية زواجي ما فكرت في الاطفال بس هو من اول يوم وهم همه واقلقني ليش ما حملتي صارت نفسيتي زفت ارتفع عندي هرمون الحليب و كنت اراجع المستشفى واستخدم ادويه على اساس العيب فيني وكل يوم يمر يضايقني اكثر مره رحت المستشفى واعطتني الدكتوره ادوية وقالت بعد 3شهور تعاليني زعل وخاصم قال ليش 3 شهور تحملت وصبرت في الاخير الدكتورة طلبت منه تحاليل واكتشفنا النتيجه انا انصدمت لانه عقم مش ضعف بس خليت املي بالله ووقفت معه وكان اذا سالني احد اقول فيني ماكنت ابغى احد يقول فية شي طبعا تغير معي 180 درجه فرحت بس تمنيت لو كان من البدايه الحين كملت دراستي وانا اولى جامعة ما نقصني شي زوجي ملتزم وخلوق وحافظ للقرآن بس ابغى اطفال قلبي يحترق والي منكد على اني ادري لوالعيب مني ما صبر علي ولا فكر يستمر يوديني مستشفيات صار لنا اسبوع متهاوشين وبنسافر الاسبوع الجاي بجلس الصيف كلة عند اهلي وفكرت ما ارجع واطلب الطلاق ومحتارة هو تعلق فيني وانا جالسة مو حب بس شفقة بس اخاف اكبر بكرة واندم اني ما نفصلت تكفون شورو علي ما انام اليل بس احس كل ما افكر في الطلاق ارتاح مع ان حياتي مع اهلي بتكون شينه

عزيزتي..

بغض النظر عن موقفه لو كان الأمر معكوساً .. الأمومة فطرتكِ التي لا يحق لأحد أن يحاسبكِ على حنينكِ لها أو اشتياقكِ إليها.


الأمر بين يديكِ يا عزيزتي .. فكري جيداً واستخيري وانظري ماذا تقررين.

والله ماادري يا مهرة محتارة ما ادري وش شعورة لو يدري وما حولي احد يساعدني بقراري واحس اني ضعيفه لدرجه ما تتصورينها مادري وش الصح والخطى تدرين مجتمعنا لو العيب في الحرمة قالو له حق يتزوج ولو العيب في الرجل قالوا اصبر مالك الارجلك وبيتك

لميندا حبيتي انا لو مكانك راح اكون افضل من زوجي وماراح اجلس كل فتره والثانيه ليش ماحملنا وليش ماحملنا وبعدين هالشئ مو بايدنا بيد رب العالمين وراح اصبر وادعي ربي عسى يفرجها علينا ومافيه شئ بعيد عن رب العالمين وحاليا الطب تقدم يعني باذن الله مع المتابعه راح تلاقون العلاج.
وبعدين افترضي انك طلبتي الطلاق هل تبصمين بالعشره انه راح يجي نصيبك مره ثانيه؟ طيب فرضا وجاء هل تتوقعين انه بيكون مثل زوجك من ناحيه الدين والاخلاق؟ ولو كان ملتزم دينيا واخلاقيا يمكن ربي يبليك مره ثانيه ويكون الزوج الثاني عقيم ماتدرين فمالك الا الصبر حبيبتي و ربي يرزقكم بالذريه اللي تسعدكم وتملأ عليكم حياتكم ياااااارب وبعدين غريبه عشره 7 سنوات ولاتحبينه !!!

والله يأختي انصحك روحي مستشفى ثاني وحاولو وإذا مافيه نتيجة استخيري و

تحاوري معاه بهدوء وبيني انك نفسك في طفل عسى تجي منه ويطلقك بدون مشاكل

وترى الطلاق ماهو الموت بس تأكدي بعد الطلاق مافي الارجل متزوج يمكن يجيك

ا

لحل بيدك امامك خيارين

اما الزوج او الاطفال

اعرف نساء من قريباتي ( ضحت بالزوج وبعضهن ضحت بالاولاد ) والكل عايش بسعاده

الحل عندك اذا كان زوجك ( مليه ايدك امنه ) وتحبينه فقدميه

اما اذا كنت متعلقه بالاولاد فانت وشأنك

وفقك الله

اشكر كل الي رد علي اختي شوقه ما فهمتيني موانا الي كنت ازن على الحمل هو الي كان يبغاني احمل بسرعة تدرين حتى الحين ما عمري حسسته بشي دايم ابكي لحالي اخاف اختارة وافقدة يوم من الايام والقى نفسي وحيده انا حتى الاهل كل واحد في وادي ابوي متزوج وامي متزوجة وماهم احد الا حياته بس اشكركم من جد اراكم خلتني اعيد نظر في قراري .

ينقل الى قسم المتزوجين

بالتوفيق أختي