|
آنآ ممله ! وش آسوي مع هآلنآس !
آلسلآم عليكم ورحمة الله وبركآته آخبآركم حبآبيبي ؟ هذي آول مشآركه لي بصرآحه آنآ عندي مشآكل كثير قررت افضفض عنهآ بعد ماشفت مشآكل آلنآس هنآ تشجعت آني آريح عمري و آلآقي حل لمشآكلي ! خآصتاً آنآ من آلنوع آلكتوم ! آول شئ بتكلم عن نفسي آنآ بنت يعني آهم شئ آلنآس مايزعلون دايم اضحك على كل شئ يضحك يقولونه صديقاتي في السكول دآيم آذآ قآلولي سآلفـه آتحمس معهم وبعد كل هذآ يقولون لي آذآ ضحكت آنّي سخيفه تضحكين على كل شئ ! وآذآ تحمست مع سوآليفهم يقولون لي ندري آنك تسلكين لنآ ! يعني مع كل شئ آسويه مو مآلي عينهم ! وغير كذا فيه ناس يعني عيني عينك يحشون فيني وفيه ناس قدامي يسبّوني تحت مسمى " آلميآنه " يدرون اني ماراح ارد عليهم ! وفيه صفه فيني اني مو كثير اتكلم و اقعد افكر اسولف في ايش عشان مايملون صديقاتي بس مع كل هذا يقولون لي آنتي ممله ! احس شوي وانتححر خلاص ماعاد اتحمل انا آلمهم ببدآ بمشكلتي فيه وحده اعجبت فيني وحبتني من كل قلبها آلمهم هالبنت معروفه انه بس تحب و تعجب بالبنات وكذا آنآ آول شئ ما احب هالحركات وغير كذا انا بنت مصليه ومسميه واخاف من ربي قبل كل شئ ! هالبنت انا عديتها صديقتي و صارت كل يوم تكلمني ومايمر يوم الا وهي مسولفه معي ! وقلتلها ترا حبي لك صداقه فقط ! المهم هي سلكت ويعني كانه ماسمعت شئ ! في مرات بدت يعني تقولي اشياء ماحبيتها ! فانا هاوشتها و نصحتها عن هالحركات والحين صارت صديقتي ! المهم هي و حبيبتها السابقه بينهم هوشات وكذا ويمكن عشان كذا حبتني ! بعدها رجعت لحبيبتها بس يعني صديقات فقط ! اولآ هذي آلبنت الي تحبني كآنوآ آلنننّآس يعني يسبونهآ وكل شئ بس آنآ متعآطفه معآهآ شوي ! المهم يوم تغيرت وصارت صديقتي وكذا صاروا البنات يحبونها وكذا وتركت الحركات ويعني من هالشي صارت العلاقه بيني وبينها هوشات ! وصارت تنشغل مع حبيبتها السابقه وكذا ومع الناس وتتركني ! انا حافظت على كرامتي وتركتها بدت تدق علي فالليل وكانت تقولي سولفي ! انا ماعندي سوالف وكذا تقولي انتي ممله ! بعض الاحيان تدق علي وتنام فالسماعه انا انقهههر وهي ولا هامها اقولها ليه ؟ تقول آنتي ميته تجيبين النّوم على فكره " كل النّآس يقولون لي انتي ميته انتي ممله انتي تسلكين " وتغيرت البنت علي مره وحده بعد ماصاروا الناس يسولفوون معاها وكذا تركتني ! و اذا سولفت دايم تسولف عن الصديقات الجديدات ! واذا بغيت اطلع كنها تبغي الفكه على طول تقول مع السلامه واذا تضايقت وقعدت اسولف عليها تصير مشغوله او تشغل نفسها بشئ وترد بالقطاره آمآ آذآ تضآيقت هي والله مااتركها ابد واقعد انسيها وكل شئ اسويه عشان ماتتضايق ! بالله وش آسوي مع هالنآس ؟ يعني يقولون لي انتي ممله انتي ميته انتي نايمه انتي . . . آلخ ولآ حآسبين حساب يعني كل الي اسويه لهم ويقولون كذا ليه ؟ مرآت آفكر مَ آتكلم خير شر بس آمشي وآنآ سآكته ! بس لآ رحت هنآك غصب عني آضحك وآجآمل عشآن " مآيزعلون آلنآس " قولولي كيف اتصرف مع هالناس آلي مو حآسبين لي حسآب ! و هذي آلبنت كيف آتصرف معآهآ وربي ضآيقه ومآدري آيش آسوي ؟ آدري طولت عليكم آلعذر وآلسموحه منكم |
ياحبيبتي الناس مايحبون اللي يتمصلح معاهم ...
والتواضع لازاد عن حده ينقلب وضاعة .. لاتفكرين بالبنات هذولي .. ولاتقولين يزعلون ومدري ايش ... خليهم بالطقاق .. المهم انتي .... خلك على طبعك .. خلك على طبعك ... عارفة شلون ... يعني اهتمي بنفسك ومظهرك واناقتك وبدرااااستك أهم شي التفوق وخلك هادية ومرتاحة ... لاتجبرين نفسك على الكلام .. سولفي بس اذا حبيتي تسولفين والموضوع عجبك وبس ... وغير كذا لا وشوفي النتيجة كيف ... والله راح ترتفعين بعيونهم وراح يصيرون هم اللي يحاولون يتقربون منك |
وعليكم السلام ورحمة الله وبركاته
يابنتي العزيزة لاتتعلقي بالناس وتبحثي عن رضاهم بل تعلقي برب الناس وابحثي عن رضاه عندها سيرزقك الله حب الناس الخيرة التي محبتها صادقة وطاهرة لأن الله اذا احب شخص حبب الخلق له ابتعدي عن صديقتك هذه واعلمي ان المحادثات بالهاتف بهذه الصورة ليس لها داعي أبداااااا الحديث يكون للسؤال والإهتمام بالحال أو عند الضرورة والحاجة وليس لدرجة أن تنام على السماعة!!!! هذه صديقة ومهما كانت درجة محبتك لها فليس هناك داعي للمحادثات اليومية بدون فائدة ابتعدي عن هذا الطريق وهذه الصحبة واشغلي نفسك بدراستك وبتطوير نفسك اقرأي مواضيع تطوير الذات وتغيير الشخصية وكوني قوية ولاتكوني تابعة لكل انسانة مهما كانت أخلاقها وضعي قاعدة لنفسك وهي ( إن لم تكن صديقتك ستقربك من الله فابعدي عنها) لأن الله جعل منزلة عالية للمتحابين في الله والمرء على دين خليله لأن الصاحب ساحب فاختاري صحبة صالحة تسحبك للجنان بإذن الله واعلمي أن الأصدقاء السيئين يكونوا أعداء لبعض يوم القيامة إلا المتحابين في الله قال تعالى(الأخلاء يومئذٍ بعضهم لبعضٍ عدوٌ إلا المتقين) لذا يابنيتي لاتتحسري على هذه الصحبة بل احمدي الله أن أبعدك عنهن ابحثي عن صحبة خير تذكرك بالله إذا نسيتي وتزيد همتك إذا تكاسلتي وتجديها بجانبك في السراء والضراء بدون مصلحة لأن محبتها صادقة لله وفي الله وفي الأخرة تجتمعوا في جنان الخلد بإذن الله |
إعلمي أن رضى الناس غااااااايه لا تدرك
|
لافظ فوك يااام جمانه فعلا مربيه اجياااال ربي يخليلك اولادك ويعينك على تربيتهم التربيه الصالحه :)
|
سلام عليكم
انصحك باستشاره اخونا رجل الرجال وماقصرو الاعضاء معاك |
| الساعة الآن 11:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©