زوجي يتجاهل توددي له ويصد عني كثيرا
 

السلام عليكم ورحمة الله وبركاته 00
ارجو من الاخوات مساعدتي في مشكلتي مع زوجي احس اني ماني فاهمته ولاهو قادر يفهمني ولا يحاول يتقرب مني واذا تهوشت معاه يقعد (يتلفظ علي ويقول روحي يلي وجهك مجعد انا متحملك وماني طايقك ومن ذا الكلام الي يجرح ) واذا هدئ يوديني مطعم بس ما يتاسف لي ولا يتكلم زي الي يبي يصالحني ويحس انه غلطان بس ما يعترف ويتجاهل ويتناسى المشكله ولا كنه قال ولا سوى شئ وفي الايام العاديه تصرفاته غريبه اول مايدخل مع الباب طبع يناظر فيني من فوق الي تحت هو عارف اني دايم اتكشخ ويقولي وش ذا البس الحلو ويدخل عادي ويجلس مع بناته (بنتين سنتين وثلاث سنين) بس ويلعب معهم ولايعبرني ولا يلتفت لي حتى لمن اكلمه ما يرد علي واعيد الكلام واساله ولاكأني موجوده واتركه واطلع من المكان وعادي ولا يذكرني الا اذا بغاء شي ياكله او يشربه واذا تكلمت معه ما يناظر فيني ولا بعيوني يناظر يا بالارض او يغمض عيونه واذا حاولت اقرب منه وامسك راسه واقول ناظر فيني ابي اكلمك يناظر بعيد مستغربه من تصرفاته احسه ما يبغاني ( انا اكبر من زوجي بسنتين ولي معه ست سنوات متزوجه ) قبل سنتين كان يضربني اذا تمشكلا وبعد المشاكل تعدل وما عاد مد يده علي وتسن كثير عن قبل بداية زواجنا بس احسه غريب اعتقد ان كل زوجين لابد ويدور بينهم حوار وكلام اما نا وزوجي يحاول يبتعد عني واذا كان فالبيت يروح دايم لحاله لغرفة النوم وينام ولا يعبرني ول يناديني ول يحضني ولا يبوسني الا اذا كان يبي شي وخلاص يعطيي ظهره ) على اني اتكشخ كثير واتزين ودايم البس بناتي احلا الملابس وخلي البيت معطر ونظيف واتعطر بس يدخل وعادي ولا كنه شايف حرمه قدامه احس حتى (اذا بغيته احسسه وسوي حركات وادلع والبس احلا الملابس واجي جنبه يناظر فيني ويقول خير وش تبين ويروح احسه يفشلني وما ادري كيف اتصرف اذا رحنا على الفراش يبعد ويعطيني ظهره احاول اجي بحضنه يبعدني ويقول احب انام على راحتي ما احب احد بحضني وبرضو يفشلني اشياء كثيره وتصرفات كثيره تحسسني انه ما يحبني محتاره ارجو منكم مساعدتي في مشكلتي اسفه على طول كلامي بس بجد ما كتبت غير لمن جربت كل الطرق وتعبت وانا احاول اتقرب له اليوم الخميس جاء من السهره الفجر ولمن رحتله قالي انا تعبان خليني انم المشكله كان قبل ما ادخل الغرفه يلعب بجواله لمن شافني عطاني ظهره وقفل الجوال 00000 تعبت تعبت وشكرا

احيان يمر الرجل بضغوطات
والعيب انه لايستطيع ان يتركها خارج المنزل
لا اعتقد انا الفارق العمري هو لب المشكله فهناك الكثير ممن تزوجوا بنساء تكفرهم سنا
يبدو لي ان زوجك يمر بمرحله ملل يعني احسكم ما قد بعدتوا عن بعض اكثر من اسبوع
ان ارى انك تقولين بروح لاهلي ابي ارتاح اسبوع او اثنين اعتقد انك لازم تبعدين عنه أسبوعين بس بدون فضايح ومشاكل حتي يفتقدك في البيت ويحس بعدم وجودك
قولي له ابي ارتاح وأبي أعيد حساباتي وأبي اهدى عند اهلي
واذا وحتي عند اهلك اثقلي شوي مو تزودينها
هذا والله اعلم

سلام عليكم
اختي زوجك اعتقد له علاقات تشغل تفكيره ويمكن تجدينه يسرح عنك كثير ويروح بعيد باافكاره . مشكله كل وحده تتزوج اصغر منها . نصيحه استمري في اسلوب حياتك مثل ماانتي عليه ولا تتحاولين تبتعدين عنه . بيجي يوم ويرجع لك ويعرف انه كان يعيش بوهم .

طيب اذا ماعطاك فرصه تتناقشي معه اكتبي كل اللي بخاطرك بورقه وخليها في اي مكان قريب من عينه واستأذنيه تروحي لبيت اهلك يومين اهم شئ لايقراها وانتي عنده وشوفي وش ردة فعله..تمنياتي لكما بالتوفيق

اختي الله يحنن قلب زوجك عليك ويجعلك قرة عين له
انصحك بقيام الليل والدعاء فالدعاء له اثر عجيب
واكثري من الاستغفار