|
عريس وجدت صور لزوجتي عند شخص هددني(حُلت المشكله الرد 64)
السلام عليكم ورحمة الله وبركاته.... يا ناس أبغى أفضفض وأتكلم مني عارف أنا مجنون ولا زوجتي مجنونة....... أنا عريس ليا 5 شهـور وماكملتها.... عندي غيره شديدة جداً جداً جداً لدرجة إني أشك في نفسي من غيرتي على زوجتي... طبعاً... بدأت القصة من أيام الملكة لما سألتني زوجتي سؤال: حبيبي إذا في يوم من الأيام أحد جاءك وقالك أنا أعرف زوجتك ولا عندي صور لها... إيش راح تسوي؟؟؟ طبـعاً: أنا جن جنوني ليش بتسأليني السؤال هادا.؟؟؟؟؟؟؟؟؟ طبعاً قالت إنوا سؤال عادي وإنوا خطر في بالها كدا من غير شي وأتهربت من الموضوع بخداع البنات... المهم.... بعد ماأتزوجنا جاءتني التهديدات إلي قالت لي عليها...... من رقم مجهول وقالي نفس الكلام إلي قالت لي هوا إنوا هوا يعرفها وإنوا عندوا صور لها ويبغى يحطلي هيه في أي مكان...... رجعت البيت وأنا موووووووولع نار قلتلها لازم تقولي لي مين إلي ممكن يكون هادا الشخص....أعترفت لي بإسم شخص محدد وبدأت أدور عليه في المدينة إلي أنا موجود فيها خصوصاً وإنوا من سكان نفس المنطقة.. بدأت أسألها عن صلتوا بها قالت لي: إنوا صلح لها اللابتوب وبعد فترة هددها بالصور وقال لها إنوا في لها صور عندوا....وهيه خافت من هاداك الوقت وكلمتوا مجبورة وإنوا وإنوا وإنوا وقالت لي إعترافات خطيرة والله ياجماعة 5 شهور وأنا أدور عليه هادا المعفن وهيه قالت لي أسم وأنا بأدور على إسم تاني.... بعد فترة شهر ونص تقريباً رجعت فتحت معاها الموضوع... وسألتها بنظرها عن إسموا... فجاوبتني بالصراحة.... وبإسم الرجال الحقيقي وفي يومين طلعتوا ومعايا هيئة الإبتزاز ولما وصلنا بيتوا وهيه معايا ودلتني على البيت طبعاً الشاهد إنوا هادا البيت بيت صاحبتها وهادا الكلب أخو صاحبتها ولما دخلنا عليه (( قالت إنها ماتعرفوا وأنكرت كل شي قالت لي هوا سابقاً )) - طبعاً أول ما خرجنا من البيت طلقتها طلقة وحدة وصرت زي المجنون بس أضربها وأصيح عليها وكان نفسي أقتلها جاء واحد من أخوانها وهدا الوضع وقالي خلاص أهدا وأنسى وماأدري إيش...... تاني يوم أخدتها وديتها بيت أهلها على أساس إنها زيارة عادية.... وفجأءة راحت فرطت سبحتي كلها من يوم أتزوجنا وفضحتني في كل أسراري قدام أهلها وكل أسراري كلها وصلت لأهلي وإني أتكلمت على أهلي عندها وكل شي ماخلت حاجة ماقلتها لأمها وأهلها........ - وبعد المشكلة هادي كلها أكتشفت إنها حامل........ إيش أسوي أرجعها ولا لا؟؟؟؟؟؟؟؟ شوروني |
أخي الفاضل (بعد العداء حب شديد طالما وقد حليت مشكلتك مع هذا المنحرف إحمد الله وقم في الثلث الأخير من الليل وناجي رب العالمين الذي يفرج الكرب وإكتب رساله عن كل ما بداخلك لها وعن زعلك منها لأنها فضحت أسرارك وحاولو تبدأو صفحه جديده من أجلكم ومن أجل ضيفكم القادم وحاول تخفف من الغيره لأن معظم الشكوك تكون خاطئه جدا)أسأل الله العظيم أن يجمعكما على خير وبركه آمين يارب
|
|
والله مشكـورين على الردين الحلوهـ........ بس من جد والله العظيم أقسم بالله إني في حيره من أمري.......... كثيييييييييير |
اقتباس:
:: خُذ عمره وأستخير الله عند بيته الحرام والله يكتب لك مافيه الخير :: |
يا أخي ..
هل تأكدت فعلا أن الصور مسحوبه من اللاب توب..؟ فتكون مظلومه .. في هذه الحاله |
يا ذكـريات أصـلاً بعد ماوصلت للرجال زوجـتي أنـكرت الشخـص هادا وقالت إنها ما قالت لي أي حاجة
|
ياأخي يمكن أعطت صديقتها صورها وأخو صديقتها شالها أو سرقها من أخته وجلس يهددها فيها حاول إنك تتأكد لأن بعض الصديقات عقارب مو صديقات
الوحدة منهم حتى تصور صديقتها على غفلة علشان تلوي فيها ذراعها في أي يوم من الأيام إذا صارت بينهم مشكلة وصدق المثل إللي قال إحذرعدوك مرة وإحذر صديقك ألف مرة لأن الصديق يعلم بكل أسرار صديقه وبكل نقاط ضعفه. |
- لما ذكرت لك اسم في البدايه ورجعت تسألها بعد شهر ونص وأعطتك اسم ثاني
كيف تصرفت معاها وليش كذبت؟ |
أخي الفاضل يمكن صدق إنها ماتدري عنه إنه أخو صديقتها إذا أخذ صورها من أخته أو صورها على غفلة عند زيارتها لأخته وأخذ رقمها من جوال أخته بدون ماتدري عنه أخته وجلس يبتزها ويهددها من غير ماتعرف إنه أخو صديقتها مثل هالأمور تقع لأن بعض الشباب طايشين ويسون مثل هالحركات مع صديقات أخواتهم .
|
| الساعة الآن 03:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©