|
اخت زوجي مراهقة و تعامل إبنتي بشكل سيء
السلام عليكم ورحمة الله وبركاته
الى اخواني واخواتي الاعزاء الكرام اطرح بين ايديكم مشكله لطالما ارقتني وسببت لي الهم انا انسانه لااحب الحساسيات والا المشاكل واحب العيش بهدوء وسلام ................................................. واليكم التفاصيل لدى زوجي اخت صغرى وهي في سن المراهقه في السنتين الاخيره اصبحت شخصيتها ممله وعصبيه ((وطويلة لسان)) هذا غيرقلة الاحترام لمن هم اعلى منها سنا وحب التعالي وشوفة النفس والدلع..... طبعا انا لدي طفله عمرها 6سنوات ونصف مشاغبه وكثيرة الحركه اخت زوجي دائما تحط دوبها بدوب بنتي تتلفظ عليها الفاظ سيئه تهزئها تصرخ عليها تضربها احيانا تعمل فروق بينها وبين اطفال اخواتها وتحسسها بالنقص تطردها من البيت احيان ومن غرفتها ايضا واذا تركت بنتي عندهم لمشوار او لظرف معين تقعد تتشكى بنتك وبنتك واذا شكيت لها من اذية ولد اختها قالت والله حبيبتي هذول بزران!!!!!!!!!!!! وايضا فيه موقف تكرر اكثر من مره وهي المره الاولى كانت اخت زوجي معصبه والنفسيه ليست على مايرام وطبعا بنتي كانت متواجده بالحجره اللي متجمعين فيها ولا اذكر وش سويت بنتي قامت قالت اخت زوجي لبنتي اجلسي ترا والله اضربك امك موجوده او مو موجوده!!!!!!!!!!!!!!!!!!! انا هنا مسكت نفسي وقلت اعذرها لاجل نفسيتها المره الثانيه كنت اصلي العشاء وكنا راح نروح عزيمه اخت زوجي كانت تحط بعض الميك اب الا واسمع بنتي تقرب من عمتها وتقول ببراءه ايش هذا الوان مائيه ردت عليها رد مني فاكرته بالضبط وبالاخير قالت ترا باضربك امك موجوده او غير موجوده!!!!!!!!!!! شيروا علي يااهل الخير والله ان نفسيتي تعبت منها اصبحت اكرهه المسيار الى بيت اهل زوجي بسببها لانها تنكد علي الجو وحتى لااظلمها فهي في بعض الاحوال تكون طيبه معهم وتلاعبهم وتتحملهم وتتودد وتشتري لهم لكن الاغلب ماذكرته لكم ماهو التصرف الامثل معها انتظر ردودكم.......... |
جوابي علي مشكلتك مع اني ماشوفها مشكلة وتازمك لها الدرجة
قلتية بموضوعك اقتباس:
اما كلمتها فانتي كلميها قولي لها لو بنتي قللت ادبها عليكي تعالي وقوليلي وانا اخاصمها او اخليكي تخاصميها اسلوب تكسييها بية بس بزعل منك لو تقولي لها امك موجودة او لا لاني ابغاكي تحترمي الاكبر منك :)لان مو جلوة كلمتها لبنتك بوجودك مو انتي امها ولك حق تدافعي عنها |
الله يعينك يا أختي في جميع امور حياتك ..,
اتفاهمي معاها لحالكم انصحيها وجهيها اتكلمي معاها بكل طررق الادب صدقيني كدا حتقوي العلاقه بينك وبينها وحتحبك وتحتررم بنتك وماراح تتعرضلها .., وصدقيني فتررة وتعدي وحتعرف غلطها .., الله يسعدك ويصلح اموورك يارب تقبلي مروري دمتي بووووود=) |
اشكرك احساس عمري ع ردك وبكونك اول من رد
لكن عندما تجدين اشخاص تقابلينهم دائما ويسئون معاملة اطفالك والانحطاط من قدرهم فهذا شئ قد تتحمله النفس وتتغاضى واحيانا لا وانا ذكرت انها مراهقه صحيح لكني اجد في بعض كلامها شيئا من الحكمه والتصرف السليم يعني المراهقه شئ وتصرفاتها شئ اخر لان كثير من تعاملها يحوي الكثير من اللامبالاه وعدم الاحترام والذي اقصده ان المراهقه والتمرد شئ وعدم الاحترام والدق بالكلام شئ اخر وقولها بوجود امك او بعدم وجودها الى الان لم اتصرف معها الله يعييييييييييييييييييييييييييين |
وللعلم هي ليست مراهقه صغيره عمرها تقريبا 18 سنه
وبعض من هم في سنها قد تزوجت وانجبت شكرا لك يازهرة الرمان وللعلم انا دائما ردودي معها بذوق واحترام انتظر مزيد من الردود الله يوفقكم نوروني.............. |
غاليتي نسيم الوسم تذكرت اختي ومشاكلها مع اخت زوجها سبحان الله نفس التصرفات نفس الاطباع لكن اختي تفرق عنك ان بنتها الحين عمرها 10 سنوات تقريبا المهم هي دايما ماتشتكيلنا وانا ارد عليها واقولها طنشيها ولاتحطين عقلك بعقلها , وحتى لو كان عمرها 18 بعضهم في الثلاثينات وعقولهم عقل طفل يبلغ العاشره من عمره واتوقع ان اخت زوجك هي الصغيره ومااخذه كل الدلع والاهتمام وفعلا كلها فتره وتعدي ...ربي ييسرلك امرك
|
والله يا اختي بعد ماهو من الأدب انك ترمين عيالك عند اهل زوجك وانتي جالسه تتمشين او تروحين عروس مالها داعي او سوق
يا انك تاخذينها معك او انك تقرين في بيتك وتتركين عنك كثر السعسعه >>>معاني من مرة اخوه وعيالهم الطبيعي انك ترمين عيالك عند اهلك ماهو عند اهل زوجك تلاقينهم المساكين عندهم بزارين بناتهم بعد ومو فاضين لملاحق بنتك وترا اخت زوجك ما غلطت ان كان بنتك شقيه مو مسؤولين هم عن تحملها وشقاوتها |
أنا عشان كذا ماأطيق مرحلة المراهقة ولاأحبها أبداااااا طولة لسان وقلة أدب معليش تحمليها مع إنه اللي تسويه لايطاق بس خذيها على قد عقلها وبالنسبة لأبنتك لاتخليها تجتمع معها كثيييير يعني بشكل محدود وقدام عينك |
توني صغير والله مااعرفنا لكم يااهل الزوج
ان حطينا بزرانا عندهم قالو ماايستحون ان حطينااهم عند اهلنا قالو ليه يودون بزران لبيوت الناس حنا اولى الواحد يقطع نفسه ولا احد راضي حبيبتي شووفي بنتك لازم تكون مؤدبه وعااقله يعني الحمدلله بنتك في سن تستوعب الصح والغلط قولي لها ياماما اذا مازعلتي عمتك بجيب لك كذا وكذا وقولي لما تلعبي لاتخربي شي في بيتهم عشان يحبونك اما اخت زوجك مااهي بزر امسكيها وقولي ياقلبي اذا غلطت بنتي علميني انا امها واولى بتربيتها واذا سمحتي لاتهدديها وانا جالسه لو غلطت انا اربيها واخليها تعتذر منك ولاتخلي بنتك تغلط عليها ولا على غيرها ولاحظي سلوك بنتك يعني لو اخذت شي من اغراض عمتها ولعبت فيها عاتبيها بالبيت وعاقبيهاا ترى بعض الامهات يخلون عيالهم على كيفهم ويزعلون لو احد تنرفز منهم انتي وقفي كلا عند حده بنتك علميها تحترم عمتها وعمتها قولي لها هذي طفله والطبيعي تتحرك وتلعب بس لاغلطت عليك كلميها بهدووء ولاتهينينها ولاتمدين يدك عليهاا ربي يسخركم لبعض |
اقتباس:
انا مع رأي الاخ توني صغير اهلك وتمونين عليهم ويتحملون عيالك لكن اهل زوجك لا لا لا الا للضروره القصوى وانتي تخيلي نفسك لو اختك تحط عيالها عندك وتروح تتمشى على عيني واتمنى انها تطلع كل اسبوع لكن عيال اخوي لا وهذي الطبيعه البشريه ان عيال الاخت اقرب والشرع اعطى حضانه الاولاد للخاله قبل العمه وللجده من الام قبل الجده من الاب وبالنسبه لاختة انا عندي الحل ( عن تجربه) اكسبيها شاوريها باشياء شريتيها اشتريلها هديه وقولي ان بنتك الي اختارتها لك اذا كان عندها موهبه كالرسم مثلا او الفن او الديكور اساليها وش رايك باللون هذا مع هذا وغيرها او الاكترونيات عطيها الجهاز وقامي امدحيها انها ماشاء الله فاهمه اكثر من الرجال هي لما تشوف تقديرك لها بتقدرك انتي وبنتك والله يوفقك |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©