|
زوجي والسفر
السلام عليكم
متضايقة كثير وداخلة بس افضفض مدري انا غلطانة ولا اللي اريده شي طبيعي مشكلتي اذا تصدقون بدعوه مني تقولون دعيت على نفسي وانا مادري شوفوا سخرية الحياة كيف ع بداية هالصيف كنت كل يوم اقول لزوجي خاطري اسافر حاسة بكرووووب واريد اغير جو طبعا كان مجرد كلام لأني عارفة امكانياته وانو الحين ما يقدر بحكم انه يبني بيت تخيلوا كنت اقوله يارب تجيك سفرة من الشغل ونروح كلنا سوا وعلى غفلة تحققت الدعوه .. واجته مهمة عمل لألمانيا .. !! فرحت كثير .. بس طبعا مستحيل تتم فرحتي قالي انها مهمة عمل ... وفمهمة عمل ما يصير يصطحب عايلته معه صارت نفسيتي زفت وطول الاسبوع اللي قبل سفره واحنا مشاكل وراح.. كان اسبوع حزن مدري ليش طبعي كذا . اذا سافر شخص احبه تجيني حالة اكتئاب وحزن .. واكون سرحانة طول الوقت لدرجة الكل يلاحظ علي هالشي اهلي من يومين سافروا .. ونفس الضيقة جاتني ومو مصدقة انهم بكرا راجعين اكره البعد والشوق << هالمشاعر ما اطيقها نجي لمشكلتي الحين بعد ما رجع من المانيا باسبوع.. قالي محضر لك مفاجأة .. وطلعت المفاجأة انه عنده كورس فلندن مدته 3 اسابيع وانه راح نسافر كلنا سوا بس كالعادة مستحيل اللي اريده يصير بسبب البيت اللي يبنيه نقص عليه مبلغ .. وكان متضايق كثير واضطر يستلف عشان يمشي امور البيت وما يتوقف البناء وكان يقولي عن سعر التذاكر (لي ولودي) وعن التامين الصحي وكيف بندبر مصاريفنا هناك ووو << كان هالموضوع مضايقه كثير وطبعا كالعادة مدري غباء مدري طيبه زايدة اتنازل عن اللي اريده عشان غيري قلتله اذا تحس انك مو قادر تاخذنا معك خلاص كنسل تذاكرنا قالي انتي بتزعلي وانا مابي ازعلك بس قلتله عادي ما بزعل المشكلة حاسة بقهر بتعب بضيق وكل ما اتذكر انه بيسافر اتضايق اكثر واكثر ما احس الا بدموعي تنزل باقي اسبوع ع سفره وما احس لي نفس حتى اجهز شنطة سفره وعشان اكون صريحة اللي مضايقني بعد كلام اهلي باول سفره كل حد كان يقولي ليش ما اخذك معه وليش وليش وليش وكنت ارد مهمة عمل ومايصير قلتلهم هذي اخر مره يروح بدوني والحين نفس الموقف تكرر وعارفة الطنازة اللي بسمعها من كل حد يعني ما يكفيني احساسي ببعده .. كاني ناقصة اسمع كلام غيره ومن الحين يهيأني انو فيه سفره ثانيه لفرنسا ع شهر 10 والحين تضاربنا قلتله هذي السفره اخر سفره له بدوني قالي انتي ما تريديني اتطور فشغلي قلتله حالك كذا يكفيني مابغي زياده واذا تطورك بس بالسفر عساك ما تطورت قالي انتي تحسسيني بالضياع بهالحالة كأنك تخيريني بين شغلي وبينك! قلتله واحساسي انا بالضياع لما تسافر عني مو مهم؟ اريد افهم اللي احسه انا غلط؟ غلط اني ماريده يسافر بدوني؟!! او ما يسافر من الاساس؟! ليش بس انا اللي لازم اراعي واهتم واسكت عشان راحة غيري ليش غيري ما يهتموا براحتي انا؟! بشعوري أنا؟! احس بقهر لما الموضوع تعلق فيني وفسفرتي معه الميزانية صارت زباله وهو طول الوقت متضايق والحين لما حسيت الميزانية بادية تتحسن حتى مافكر يقولي باخذك معي << عشان اكون صادقة احس هالكلام من شيطاني لانه بالعادة مايقصر ابد علي ماديا بس كذا من القهر افكر بهالتفكير :( |
تحكين عني انا :(
انا زوجي مو شغل سياحه .. وقليل يسافر صراحه .. بس اذا اضطر يسافر لحاله انواع الكئآآآبه والضيقه .. ما احبه يبعد عني ابد :( وغير كذا اتضايق اذا فكرت انه بينبسط لوحده بدوني او بدون عياله واحنا محرومين هالصيفيه :(:( اتضايق كثير وتجيني وساوس كثير بس وش نقول الا الحمدلله على كل حال الله يحفظهم من كل شر وبيعوضونا ان شالله مره ثانيه ونصيحه اذا مره نفسك فيها لاتتنازلين عن شي تبينه ومتحممممسه له .. الرجال بيدبر نفسه وماراح ينزنق ابد ومدامه عارض عليك هو السفره من نفسه معناته يقدر يدبر نفسه .. تمسسسسكي بسفرة فرنسا والله يهينيك فيها يارررب ويسخر لنا ازواجنا :) |
فديتك هايدي ع ردك
للاسف it's too late مايصير اروح معه هالسفره لان سالفة الفيزا يبيلها اسبوعين لين نستخرجها وهو ما باقي ع سفره الا اسبوع :( اصلا كرهت شي اسمه سفر ما عدت ابيه يسافر مكان ع فكره هو واعدني نروح نزور اخته في فلوريدا بس كل ما يتكلم فالموضوع اقوله بليز لا تكمل لأنه اكيد بيطلع شي ونكنسل تذاكرنا كالعادة << تاريخ عندي في سالفة نكنسل حجوزاتنا :( الحين لما يرجع البيت ماعرف كيف استقبله اكمل تبويزي ولا اكون عادي :( |
شنو نوعية شغلة عشان كثرة هالسفر؟؟؟؟ ولاهي دراسة مثلا؟؟ هل هو يطوول مرة ولافترة بسيطة كم يوم ولاأسبوع؟؟ |
اختي انا نفسسك ميييته من القهر على هالسفره
وماني عارفه كيف بستقبله ان شاءالله .. المشكله اذا سافر طنشني يالله يرسل او يكلم وانا انوااااع الوسواس :( كيف يبيني استقبله كويس ...؟؟؟؟ |
اقتباس:
اول مرة كانت مهمة عمل مدتها اسبوع وهالسفرة كورس لمدة اسبوعين انا مطمنة ما ناحية سفراتها انو ما بها شي غلط بس البعد مشكلتي :( وكيف اتعامل معه لما يسافر والمشاكل اللي تصير بينا هي اللي تتعبني |
اقتباس:
واذا ما اتصل يمسجني المرة الماضية تزينت وتكشخت لرجعته وهالسفرة هو بنفسه يقولي عاد بنتظر الكشخة لما ارجع بفارغ الصبر بس بجد احس مالي نفس.. احاول اكون عادي معه .. بس الضيقة تخلينا نتهاوش اغلب الوقت:( بس انا |
يختي تاكدي ولا شي لك بيتم زي ما تبين وكل اللي بتخططين له بيخرب
اذا انتي بهالسلبية ! يالطيف وانا اقرا موضوعك حسيت بكمية تشاؤم غييير طبيعية وين حسن الظن بالله؟ وين التفاؤل؟ |
اقتباس:
إنتي قلتي بنفسك سفراته عبارة عن عمل يدور رزقه استودعيه الله ربي يحفظه ويعمي عنه بنات الحرام ولاتفتحي عليك باب مايتسكر يعني لاتسوي نكد علشان شي يسويه لك إنتي |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©