حساسيه الجيوب الأنفيه مستمره طول الحمل
 

السلام عليكم
أنا حامل فى اخر الشهر التالت...ومن اول حملى وانا عندى عطس شديد وأنسداد فى الانف يعنى اعراض زكام ...بس انا عندى التهاب جيوب أنفيه وحساسيه بس مش مستمر كده على طول
انا الان ليا 3 شهور واانا عندى الاعراض مش بتروح ...فهل هى بسبب الحمل ؟ وانا كنت باخد دواء "قبل الحمل " مش متذكره أسمه بس فيه ماده اسمها ( الهيستامين) او مضاد للهيستامين مش فاكره علشان حساسيه الجيوب الانفيه ..ممكن أخده ام لا ؟
وهل الحساسيه دى لو استمرت لحد الولاده البنج هيأثر عليا ولازم بنج خاص أم لآ ...و فى واحده نصحتنى أسأل الطبيب وانه يعطينى حقن كورتيزون قبل الولاده بيوم وذلك لتفتيح الشعب الهوائيه او شئ من هذا القبيل ...فما هذا الكلام صح او خطا......أعذرنى ياا دكتور على كثره أسألتى بس خايفه جدا من البنج بالنسبه لحالتى ...وشكرا وجزاكم الله كل الخير

لا ماتاخديش مضاد الهيستامين خالص دلوقتي
واعتني فقط بنظافة الأنف واكثري من الإستنشاق بمياه عادية

مافيش اي مشاكل بالنسبة لولادتك وتخديرك لو احتاجنا تخدير خالص