بقولكم شلون تحسنت نفسيتي وصرت انسانه سعيده بعد حزن الطلاق
 

انا مريت بحاله نفسيه جداً سيئه بعد طلاقي مو من الطلاق نفسه لكن من الكلام والقيل والقال او ستة اشهر صعبه جداً اكتئاب حاااد وصدمه قووويه
لكن الحمدالله الحين نفسيتي مرررره مبسوطه وتحسنت كثير رغم ان الكلام ما وقف لكن انا عرفت كيف اوقفهم عن حدهم :22:

حابه اذكر لكم الاشياء اللي علمتها واللي غيرت نفسيتي للاحسن

• قيام الليل والدعاء "يا فارج الهم وكاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يا رب العالمين " " حسبي الله ونعم الوكيل رب العرش العظيم "
• اشتركت بنادي رياضي وعملت رجيم نزل وزنـي :d
• غيرت غرفتي وخليتها كلها الوان فرائحيه تفتح النفس
• صرت اجلس مع امي اغلب الوقت واطلع معاها نتمشي برا بالاسواق والحدائق ونطلع مطاعم واحاول ما اجلس لوحدي ابداً
• محيت طليقي من الوجود وكأنه مامر علي بحياتي ولو حصل وتذكرته اذكر عيوبه فقط( طبعا هو منغص علي عيشتي يطلع لي بكل مكان ومزعجني حتى بعد زواجه) لكن الحين الحمدالله اختفي من الوجود
• سويت جدول عنايه للبشره والشعر والاظافر
• اتابع اخبار الموضه والفاشن ( هوايتي :d)
• ماصرت ادخل كثير على مواضيع ومنتديات الطلاق والزواج والاشياء هذي وخليت الزواج اخر همـي
  وبدالها صرت ادخل منتديات الجمال والعنايه بالبشره والشعر والموضه .. الخ .

امممم وفيه اشياء كثيره بعد لما اتذكر بقولكم
اتمنى البنات يستفيدون من تجربتي والله يوفقكم جميعا
رمضان مبــارك قبل الزحمه

ياليت الاشراف يعدلون الخـط :)

أن شاء الله تكوني من سعاده لسعاده ومن فرح لفرح ومن وناسه لوناسه
الحياة حلوه احنا نقدر نصنع سعاده ونجملها بروحنا
ونزخرفها بجمال عفويتنا ونطنش علشان نعيش ونصك باب الحزن ونفتح باب الفرح ههههههه >>> صارت قصيده
وبزيد على جدوللك يمكن نكون باب خير في رفع معنويات المطلقات
تحاول كل وحده تتصدق مره كل شهر عن طريق الجوال في كفالة يتيم
وتتمسك بحسن الظن بالله
وتساااامح كل شخص كان سبب في جرحها او انكسار قلبها ولابد تؤمن ان ربي اختار لها الخير وان ربي رحيم يلطف بحال عباده
ومافيه احلى من اللي يكتبه ربي لنا

رمضان مبارك علينا وعليك أختي لا تظلمونه
نصائح رائعه ونفسيه حلوه الله يديمها عليك يارب ويعوضك ويرزقك من واسع فضله
أضيفي لقيام الليل الاستغفار وذكر الله يشرح الصدر جدا .. وقراءة القرآن تفرج الهموم.
علينا بالتفائل والرضا بما قسمه الله لنا وزي ما قلتي حسن الظن بالله فهي عباده جميله
وانتظار الفرج عباده جميلة أيضا، والدعاء علينا أن لا نغفل عنه خاصة في الأوقات اللي فيها استجابه
أسأل الله تعالى أن يرزقك ويرزقنا من حيث لا نحتسب ويوسع صدورنا بالعافيه والطاعات
ويعوض صبرنا خير ويربط على قلوبنا ويقوينا بالايمان انه سميع مجيب
تحياتي وتقديري لك،،،
* أحب المواضيع المتفائله :22:

ردي علي يالمصدومة مرة
 

انا ادخل منتديات الطلاق ايش اسوي في هالشي .....

اساسا اذا كنت قوية :18:بعد الطلاق تكبرين بعيون الناس

الحمدلله بفضل ربي انا كذا

كنت اروح زواجات وارقص وافلها :14:
وعزايم وجمعات ومكالمات
كل فترة اخترع حفله في بيتنا
نجاح ، سلامه فلان ، تذكرون لما رجع الملك من فتره العلاج سويت عزيمة وطنية وجمعت عليها الاهل وكل شي اخضر & اخضر غالب الاكلات وغرفه الجلوس ولبست وشاح انا وبنتي ووزعت سكترات على الاطفال واعلام وكل شي اصوره :28:
والكل يقولي انت تسوين اجواء خرافيه :23:

مره سويت حفاه تنكريه كل شي بلاك & بلاك
لبست الاطفال بات مان

ومره جمعت بنات الحارة 4و5 سنوات فقط علشان بنتي الله يحفظها ويبارك فيها :15: وسويت لهم العاب وبالونات وشبسات وعصاير ومارشيملو ماكلفني 50 ريـال بس الدنيا حلوة اهم شي ماتركنين للهم

حتى اهل طليقي اذا شفتهم في اي مكان ولا كان شي صاير اسلم عليهم مثل باقي الناس يجلسون معاي على الطاوله اوقل لازم اضيف اهل بنتي :d

والله كنت احس بالفخر من كثرة نظرات الاعجاب اللي اشوفها من الناس :25:

الحمدلله ربك كريم

معليش على الخطأ الفني :d العتب على النظر
أجل الدعاء يشمل الجميع ان شاءالله

انشاء الله دووم نفسيتك مرتاحه انا كمان زيك بعد الطلاق اهتميت بجسمي وشعري اقسم بالله كلهم يسالوني عن شعري ايش سر جماله ونضارة بشرتي وانا معلمه منقوله وحده من المعلمات ماصدقت اني عندي اربع عيال بنت في المتوسط تقولي شكلك مررره صغييير بس انا ما قلت اني مطلقه احس اني لسى ما تجاوزت المحنه مع اني الحمد لله في نعمه يحسدني عليها الكثير:17: