منتدى عالم الأسرة والمجتمع - أخي الكبير والصغير لايؤدون الصلاة

السلام عليكم

تكفووون ابي الحل عندي خواني اثنين واحد الكبيرعمره 24 والصغيرعمره16
مايصلون ومايعرفون شي اسمه صلاه اكل وشرب ونوم وهاذي حياتهم وربي امي تعبت من كثر ماتحكي معهم صلوا الصلاه تنهي عن الفحشاء والمنكر وتقول لهم نصايح وتتكلم ولانافع معهم وانا وخواتي وامي وابوي الحمدلله نصلي ونخاف ربي حتى اصغر اخواني بثالث ابتدائي يصلي واصلي انا وخواتي قدامهم علشان يستحون ويصلون اصغر واحد بالبيت يصلي وهم لا وربي افكر لو لاسمح الله يصير شي ويتوفون
وش بيقابلون ربهم فيه يصومون ويخافون الله وكل شي بس صلاه مايصلون الصغير معنا يضحك وينكت ويجلس معنا انا وخواتي ويحب يسولف ويسمع لك لوتكلمت اما الكبير يدخن وعصبي واذا تكلمت الوالده معه يصرخ ويعصب ومايسمع بس اذا مروق يسمع لك مرره صار له موقف وبعدها تاب يصلي اسبوع وتركها
صار فيه حراره وتشنقن ايدينه ومايتحركن ويصيح وامي واختي الكبيره يقرون عليه ويمسحون عليه بالزيت المقري وامي تنصحه وتحكي عليه وصار يصلي وبعدها تركها تكفووون وش الحل معهم
كبار مو صغار ابي الحل ساعدووووني ؟؟؟؟؟