احبة وطلقني.....
 

بنات انا احب طليقي ودائما ااتذكر الايام الحلوة الي بيني وبينة وانصدمت انة طلقني بسرعة هاذي مع انة انا اقولة كلام طلقني موصدقة انة يصيرحقيقة بنات ايش اسوي بحالي لقعدت اتذكر كل شي الي صار بيننا ايش اعمل......

كنت اقولة واللة كلام طلقني لانة ماستقريت معة وماكنت مصدقة انة اخذة بجد وصار بنات ايش اعمل لقمت ونمت اقول لنفسي ليش صار كذا بحياتي فرصة وراحت تتكرر ثاني مرة الزواج والا لا .....

مرحبا أختي مصونات
كم لك مطلقه ؟ وهل طلقك طلقه واحدة رجعيه ؟
وهل بينكم أطفال ؟ وكم استمرت مدة زواجك ؟
وماهي الأسباب التي كانت تدعوك لطلب الطلاق ؟

مطلقة لي اربع سنين /ليس لدي ابناء /طلقة نهائية مافيها رجعة /وجلست معة متزوجة 8شهور /الاسباب التي ادت لطلب الطلاق ماستقريت معة بس اروح وارجع بيت اهلي واللة اني جلست معة وارحو مع اهلة وانزل عندهم وارحو عزايمهم بس هوا ماصبر قال مانمستمرين بديت اتعب ماتفهمنا وطلقني كذا صرت ايش رايكم .....يااخوات

لا تزعلين أختي مصونات الخيره فيما اختاره الله
تذكري دائما "وعسى أن تحبوا شيئا وهو شر لكم" !
لو كان مكتوب لكم تعيشون مع بعض كان ما تطلقتوا أبد حتى لو كنتي تروحين بيت أهلك
كل شوي وبينكم خلافات !! لكن نصيبكم مع بعض انتهى وهذا شي ربي كاتبه عليك من وانتي
في بطن امك .. ارضي بالقضاء والقدر وادعي أن الله يخلف عليك بالخلف اللي يستاهلك ويقدرك
ويعوضك بالزوج الصالح .. كل شي يصير في هالدنيا له حكمه من رب العالمين
ولا تنسين أن من رضي فالله الرضى ومن سخط فله السخط .. فارضي عشان ربي يرضى عليك إن شاالله
وإذا حسيتي بحنين له تعوذي من الشيطان وادحريه هذا ابليس يبيك تحزنين .. دائما تذكري عيوبه
خاصة إنه مطلقك طلاق نهائي لا رجعة فيه يعني بالثلاث خلاص معاد يحل لك .. عشان كذا انسيه
وشيليه من بالك تمااااما وانطلقي في الحياة
صدقيني الدنيا ما وقفت عليه ولا انتهت بطلاقك .. ابدي من اول وجديد والحياه فيها كثير حاجات حلوه
قومي الليل وصلي وادعي ادعي ادعي اطلبي ربك بالعوض الصالح وانه يمسح طليقك من بالك
ويغسل مودته من قلبك وتصدقي واستغفري وتوكلي على الله
معليش كلامي كثير بس حبيت أخفف عنك وأسأل الله تعالى أن يربط على قلبك وبلهمك الصبر
والسلوان والرضا بالقضاء والقدر..
تحياتي،،،،

مابعد كلاااااام أختي دانيه كلاااااام وفت وكفت :22:

يااااااااااارب عوض كل مطلقة خييييييييييير

مشكورة اختي دانية على الكلام الي قلتية واللة انة خفف عني ........

سلام عليكم
هذي المشكله اللي مالها حل الزوجه بوقت قصير من زواجها اذا حصل مشكله قالت طلقني وتستمر بطلب الطلاق عند كل مشكله وقد تصل ان تقول لو انت راجل طلقني وتشحذ همه الزوج برد فعل قوي يفترض فيه يكون اكثر عقلانيه من المرءه ويتجنب النقاش معها في وقت حدوث المشكله ولكن البعض يجابه شده النقاش بمثلها ويحاول ان يثبت انه قادر على الطلاق بغير وعي انما ليثبت لها انه الاقوى والمرءه لاتستوعب مايحدث الا بعد خراب مالطا ثم يبدء الندم وكلمه يالليت
لكن الرجل عليه اللوم اكثر من المرءه لانه صاحب الحسم في مثل هذه المواقف والمفترض يكون اعقل واهدء من المرءه ويتوقع ان يسمع كلمه طلقني كل يوم او كل اسبوع او عند حدوث كل مشكله ويبتعد عن الجو الساخن في تلك الفتره ...
ربنا يعينك ويعوضك خير ويعوضه خير

فما أقول أنا ؟
يا ربي الصبر الصبر