|
صديقتي تقيم علاقة مع شاب وتريد الخروج معه
صباح الخير ع الجميع انا صديقتي من زمااان لي معها 21 سنه واحبها مره واقول لها اسراري وهي كمان تقول لي كل شي من فتره قالت لي انها تكلم شباب ونصحتها وقلت حرام وخوفتها قلت بيسجل صوتك واهلك لو دروا بيذبحونك قالت لا مايدرون اكلم بالجامعه يعني مانفع فيها وقالت لي في واحد قلت له على اللي قلتيه لي قلت هي خوافه وخجوله من الرجال وتقول مايصلح تثقين في رجال قال اعطيني رقمها اخليها تشيل الفكره من راسها وقالت لي تبغين رقمه قلت لالالالالالالالالالالالالالالا اعوذ بالله اني اكلم ان شاء الله لا اعرفه ولا اعرف غيره وللاسف اعطته رقمي لكن وصارت فوق 8 ارقام ازعاج بس الحمد لله انا مطنشته ولا ارد وتقول يرسل لها رسائل والله ماني عارفه وش اقول المهم انها تخص الجنس والجماع ويرسل صوره لها عريان وشبه عريان اسفه ع الكلمه هاوشتها لكن مانفع حاولت لي تقريبا 3 شهور واليوم قالت لي الفاجعه انها بتطلع معه قلت اكيف تضمنينه قالت هو يحبني ويخاف علي حتى من اهلي وقال ما ح يسوي شي يضرني بس يقول حركات خفيفه ما ح يقرب عذريتي والله انا خايفه عليها حتى كلمتها وانا ابكي واترجاها ما تطلع تضحك علي وتقول انتي اساسا خوااااااااافه اتذكرك لو مر من جنبك رجال ارتجفتي حتى لو ناظر فيك تموتين من الخوف حاولت اخوفها و قلت الفندق بيكتشفكم ابغى اخوفها قالت لا قال بيوديني بيت ولد عمه ولد عمه متزوج وبيطلع هو وزوجته واحنا ح نروح قلت كذاااااااااااااب صدقيني ح يلعب فيكي قالت لالالالا ما ارضى عليه احبه واثقه فيه لدرجة انها تسوي فطاير وتعطيه من بيتها يعني اذا ابوها واخوها مسافرين تدق عليه واذا امها واخواتها لاهين عنها تروح تعطيه من فوق الجدار وهو مره جاب لها عصير واعطاها اليوم قالت بطلع معه قريب الله يسعدكم وش اسوي انا مالي علاقه باهلها انا ما اعرف الا رقمها هي وبس ابغى اسوي شي او اقول ش ييخوفها اسفه طولت بس خايفه عليها |
والله ياخيتي هذي للأسف لو تحجرينها بقفص بتسوي اللي برأسها
الله يهديها يارب ويفتح على قلبها بيجي يوم تتذكر فيه كلمات الرجاء اللي كنتي تقولينها في سبيل انها ماتطلع ... واذا طلعت مره بتكررها مع هذا الرجل او مع غيره الله يستر على بناتنا وبنات المسلمين أختي انتي سويتي اللي عليك بس هي مغرر بها وماشيه ورأ قلبها اللي بيوديها بدهيه اذا طلعت ابعدي عنها لانها تبي تخليك مثلها نصيحه ابعدي عنها ابعدي عنها |
الله يهديهاا ويهدي كنت بنت غافله ومستمرره في الغلط ..
:: خليها تنتبه على نفسها وخووفيها بحكاااوي تخليها تبطل وان شاءلله تسمع كلامك .. :: ولو استمررت في دا الطرريق راااح تندم ووقتها هي بنفسها رااح تتذكر كلامك .. الله يهديها يااارب .. |
اقتباس:
مرررررره مغرر بها وبقوه تصدق تكره اخواتها تدعي عليهم علشان مره شكوا فيها اختها المتزوجه شافت صور ابدا مو زينه بجوالها وهزئتها لكن مانفع انا ما ابغاها تطلع لانه اكييييييييد بيلعب فيها مستحيل ما يقرب عذريتها انا احبها احبها كانت معي ملتزمه ماتسمع اغاني ولا شي اما لما دخلت الجامعه تغيرت انا احبها وما ابغى لها الشر والله لو عندي احد يوديني لعندها لروح عندها بنفس اليوم وامنعها بنفسي والله اني اتمنى اروح عندها وابكي يمكن تشيل هالفكره من راسها |
اقتباس:
اميييييييييييين دائما اوصيها واخوفها وكمان قلت لها والله قدام عيني بالجامعه لما كنت انتظر الباص شفتوا الامن مسكوا بنات كانوا يبغون يروحون مع شباب المشكله انها مخطوبه قلت لها حطي كل عواطفك ومشاعرك في خطيبك قالت لا انا ما احبه قلت بتحبيه بعد الزواج وترى الطريق اللي انتي فيه بيخليك تتطلقي من زوجك بعدين اللحين ارسلت لها يا فلانه تبغين تكلمين كلمي لكن تطلعي معه لا يافلانه لالالا صدقيني ح يسوي لك بتندمي عليه طول عمرك شوفيني ابكي اللحي علشان اني خايفه عليك فكري بعقلك اتركي عواطفك افرضي الهيئه تمسككم قالت لا معاه كرت عائله قلت افرضي صار عليكم حادث قالت لالا قلت له قال تفاىلي ردت لي والله يا نعومة انثئ اني ابكي خايفه وعارفه ان الطريق اللي انا فيه خطا ودائما اصلي وابكي لان اللي اسويه خطا لكن خلاص تعودت عليه وما عد اقدر اتركه قلت روحي ارتاحي ونامي وفكري زييييييين اذا مو هامك نفسك فكري باهلك فكري باخواتك اللي راح ينحرمون من اشياء كثيره بسبتك لو عرفوا اهلك ياربي والله اني خايفه عليها |
اختي الفاضله
النصيحه لك انتي مو لها اقطعي علاقتك بهذه الفتاه لانها ستجرك الى هذا الطريق ويفترض انك فعاتي هذا من اول شهر مادري اذا يويدوني الاخوه والاخوات او لاء تحياتي |
قال الرسول صلى عليه وسلم
(من رأى منكم منكر فليغيره بيده فإن لم يستطيع فبلسانه فإن لم يستطيع فبقلبه وذللك أضعف الايمان ) أنتي بكذا سويتي اللي عليك وزياده الكلام ماراح يجيب معها نتيجه كــــــــــــــــــــــــــــــل اللي عليك تسويه تقطعي علاقتك فيها إلين تحس على دمها وتحس أنها محتقره من قبللك وثاني شئ اذا اتصلت عليك لاتردين على مكالماتها و وأنتي بعد الله يهديك غلطانه كيف تقولي لها مكالمات كلمي لكن طلعاااات لا الشئ الصغير يجر الشئ الكبير لابد معالجة الخطا الأكبر وهي المكالمات لأنه في البدايه مكالمه ثم موعد غرام ثم النهاية وضياع فتاة أنتي انصحيها للمره الأخيره وقولي لها علاقتي فيك راااااح اقطعها واعتبري نفسك في طريق ونا في طريق والله يستر عليك وعلي وأنتي بالفعل اقطعي علاقتك اهي ماراح ترتاح إلا الين تمشين في طريقها والله يستر علينا وعلى بنات المسلمين |
يالله الله يستر عليها وعلى جميع بنات المسلمين يارب
خوفيها وقولي تحلمت فيك حلم يخوووف علشان تخاف :( ماتخاف انو حاط كاميرا بشقته أو اصحابه يكونو متخبيين بالشقه أو يكون واحد مشبوه والهيئه تراقبه ويستنو يمسكوه بالجرم المشهود صحي هالغبيه اللي عندك وربي ضغطي مرتفع منها او يشربها اي داهيه وتروح فيها يعني المفروض البنات بذآ الزمن يكونو اوعى اكثر من قبل |
خيريها بينك وبين الشيئ الا بتسوويه ..
|
اقتباس:
لاحول ولاقوا الا بالله وبعد مخطوبه مسكين هذا الزوج والله امه داعيه عليه الله يعينه على الحياة معاها |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©