|
زوجتي منغصه حياتي بأمور تااافهه..
السلاااام عليكم اعضاء المنتدى الرائع أنا انسان متزوج من سنتين وثمانية شهور ولدي ولد عمره سنه المههههههم زوجتي انسانه طيبه وحنونه وتحبني واحبها جداً ولكن مانصدق نخرج من زعلنا الا وندخل في مشكله وزعل غيره وهذا الشي من بداية الزواج وكلها اشياء تافهه والله اعلم.. يعني اخرها اليوم مثلاً رحت الدوام وهي نايمه اتصلت زوجتي الظهر على المكتب وقالت ليش ماتتصل تتطمن علينا أنا قلت انا خرجت وانتي نايمه الصباح يعني ماتصحي من نومتك الا العصر وماأحب اصحيكي من النوم خليكي ترتاحي... قالت ياسلام أول شي انا نايمه ماني ميته يعني لو تتصل اصحى وثاني شي انا كل يوم اتصل عليك واسأل عنك انت ماعمرك اتصلت.. اخبرتها ان لافرق مين اتصل ومين مااتصل اهم شي انك في بالي وانا في بالك وعمري مااخبرتك انني اتصلت البارح واليوم دورك تتصلي زي طريقتك معي تحسبي كل اتصال وعصبت جدا وقالت ايش الفايده لما اكون في بالك ومحبوسه ولاتذكرني بإتصال.. بعدها انا استشطت غضباً واخبرتها أن اتصال من العمل ماراح اتصل ابداً الا للضروره القصوى وعصبت زوجتي وزعلت وانا عصبت وقفلنا الخط مع العلم ان هذه طريقتها معي من بداية الزواج عندها عقـــده اسمها اتصال بمعني اخر ان اي خطوه اقوم بها لازم اطير على الجوال واخبرها فوراً. مثال أخر كنت معزوم على زواج احد الأصدقاء وتأخر العشاء جدا بعد مارجعت لقيت الوان الزعل عليها واخبرتها ان العشاء تأخر قالت انا كنت قلقانه عليك وجالسه استنى على نار متى ترجع ماقدرت تمسك الجوال وتطمني اخبرتها ان مع الجمعه والاصدقاء سرقني الوقت ومانتبهت ان العشاء اتأخر الا وقت وانا اتعشى وانتى ليش مااتصلتي يعني لو مااتصلت انا خلاص تزعلي مني وتبدا العصبيه مني ومنها... وعندما تكون في زياره لأهلها اخبرها متى ماتبغي ترجعي اتصلي على جوالي تقووول لي انت لو حبيت اني ارجع اتصل يعني بإختصار مشكلة الاتصالات بيننا ابديه ومالها حل والله المستعان |
ههههههههه
معليش اخوي والله ضحكت غصب اكثر مشاكلكم علشان الاتصالات بعدين اذا حصل لك ضرف اتصل على زوجتك وفهمها ماتخليها على اعصابها الله يديم المحبه بينكم |
الله يوفقكم
اخوي لاتعدل من اتصالاتك كثير عشان لاتدخل في مشاكل ثانيه يعني خل مشاكلك حول الاتصال احسن اذا طلعت برى هذه الدائره راح تندم الله يوفقكم دنيا واخره ايه هذا الحب ولا بلاش |
اذا السالفة ع الاتصالات اتصل عليها وين المشكله يمكن هي تشوف الحب ولاهتمام من خلال اتصالك عليها
والله يسعدكم |
ذكرتني بشروعي الفاشل كنا نتخاصم على النوم وعلى الاتصال
كل ماودي اكلم خطيبي نايم وقافل جواله وانا هالحركة موووت تعصبني او انه مايتصل وكمان كان يرفع ضغطي فيها وقررت اتركه لان الفكره في الاهتمام سواء كان بالاتصال او شيء اخر زوجتك بالمختصر تبغى اهتمام اكثر اتصل عليها من فتره للتانيه اسالها ايش سوت كيف قضت اليوم احكي لها شيء تافهه حصل لك هذا يعني انك تشاركها حياتك ,ترى البنات يتزوجوا علشان المشاركة بكل تفاصيل الحياة وهي حاسه انك هاملها او مش مهتم الحل بيدك اتصل اكثر واهتم اكثر وشوف الحياة كيف رح تكون معاها |
أتوقع زوجتك تحبك جدا .. وحساسة جدا أخي الفاضل ما تطلبه زوجتك ليس أمرا تافها .. حتى ولو رأيته كذلك وجميل أن تراعي هذا الشيء .. لأنه التطنيش يولد التهميش / / حاول مثلا أن يكون لديك عدة رسائل جاهزة .. فإن لم تستطع الاتصال بها أرسل لها رسالة جاهزة. موفقين،،، |
الحال من بعضه إلى أن كرهت زوجتي وهي عند أهلها من فترة وأفكر أن أطلقها لأنها تمادت كثيرا .. قلبت حياتي جحيم بكثرة المشاكل
|
يا أخي الكريم/
لا أجد لديك مشكلة أبداً. إن كنت تسمي هذه مشكلة فيا ليت كل المشاكل الزوجية على هذا المنوال. أولاً) زوجتك تحبك جداً. ثانياً) زوجتك حساسة جداً. ثالثاً) زوجتك تريد اهتماماً أكبر. ::: ملاحظة: هذه الأشياء الصغيرة في وجهة نظرك تعد عند النساء كبيرة. وأعلم أن معظم الرجال يملون لكن اجبر نفسك يا رجل. ::: آمل منك ما يلي: 1) أرسل لها رسائل فقط وقت الفراغ في العمل خصوصاً ما بعد الساعة 12 ظهراً. 2) أرسل لها رسائل إن خرجت من البيت. 3) لا بأس بالاتصال عليها عند أهلها لمجرد الاطمئنان، وإعطاء كلمة جميلة. 4) لا بأس بإشراكها في بعض الأشياء، واستشارتها في بعض الأشياء. 5) استخدم التقبيل عند دخولك لمنزلك وعند الخروج. 6) كن وسطاً. |
اتصل عليها في اليوم مية مره بعد كذا ماراح تدخل في مشاكل بسبة اتصالات
|
طلقها
وقف وقف لاتكون صدقت ياربي منكم يالرجال ماطلبت شي غالي تبي بس تحس انها مهمه ولاتقدر تستغني عنها حبيت زوجي اكثر يوم عرفت طريقه الرجال غيره اذا طلبو منهم زوجاتهم الاهتمام وش بيضرك يعني لو قلت لها كلمه حلوه مثلا قل اتصال ولايهمك اهريك اتصالات انتي وش تبين بس او مثلا قل لها ياله كيف فاتت علي الحركه الحلوه هذيى بس يارب القا وقت مايكون عندي احد واخذ راحتي و و و و والامثله كثير عاملها بعقلها وتفكيرها واشبع احتياجها السهل والبسيط |
| الساعة الآن 02:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©