|
تعبت من التفكير شوروا علي ارجووكم
السلام عليكم ورحمة الله وبركاته
انا مملكه صار لي 6 شهور واحب خطيبي وهو يبادلني نفس المشاعر بس ضروفه الماديه جدا صعبه خطبني وهو ماعنده ولا شي وانا وقفت معه وساعدته في امور كثيره وعدته اني اعيش معه ع الحلوه والمره وعدته اني اوقف معه واساعده عشان نتزوج بسرعه بنينا احلام كثيره وصلنا للقمر كل يوم نحلم ونخطط انا يمنية الجنيسه لكني مغتربه في السعوديه وعشت طول عمري هنا مااعرف اليمن وهو صار له 6 سنوات مغترب في السعوديه سألني مره اذا اقدر اعيش معه في اليمن قلت له اقدر بس اني اكون في مدينه وهذا اهم شي عندي لاني ماراح اقدر اعيش في قريه تناقشنا في امور كثيره لاحظت انه مايستقر في العمل يعني كل مااشتغل شغله طلع منها ويقول ماعجبتني ومسرف كثير ماقدر يجمع ولا قرش للزواج تعبت وانا اناقشه في هالموضوع بس ارجع اصبر نفسي واقول اكيد راح يبدأ من الشهر الجاي ومرت الشهور ولا سوى شي وهدايا من بعد الملكه ماشفت منه ولا هديه بس اقول مو مشكله يكفيني حبه لي ماراح اكلف عليه قدرت ظروفه كثير والحين يبي يتزوج في اليمن بعد رمضان وهالقرار توه يقوله لي وانا لسى مااستعديت بشي وقالي احتمال نعيش في اليمن على طول وراح يترك شغله هنا صدمني والله بقراره المفاجئ قلت له طيب من وين لك فلوس الزواج والسفر قال راح ادينها قلت طيب من وين راح ترد الدين ووين راح نسكن وكيف راح تكون حياتنا قال ربنا بيسهلها اهم شي نتزوج ونكون سوا انا ماعجبني قراره هذا يعني ابدا مايخطط ولا شي يبي يمشي اللي في راسه وبس وماهمه بكره كيف راح نعيش وزعل مني لما رفضت قال انتي ماتحبيني وماراح تضحين عشاني وجلس يلومني ولما قلت له خلينا نصبر كمان كم شهر ونتزوج مثل العالم والناس رفض قال انا هذا قراري اذا تحبيني راح تعيشين معي حتى لو تحت شجره وش رايكم ؟ ارجوكم اقترحوا علي وشلون اقنعه وشلون اغير تفكيره والله تعبت من التفكير |
حبيتي واضح انه خطيبك يحبك ولكن يمكن قليل الحيله
نصيحتي لا تتخلي ولا تحاولي ان تقنعيه بشيء هو مقتنع مسبقا ومخطط للقرار الذي اتخذه من الممكن انه تعب ويريد ان يستقر ويتزوج ساعديه على هذا الشيء وحاولو ان تضعوا خطة للمستقبل وكيفية الحياة وسط كل تلك الديون ومعلومه مهمه انه لو لم يتدين لتتزوجو وتعيشوا سوية لبقيتي خطوبة 6 سنين وليس 6 اشهر فقط!!!! فكري بعقلك وانسي موضوع قرية ومدينه اعتقد انه اذا كان الإنسان مناسب هذه الأمور تتلاشى تلقائيا . اذا كان الشخص مناسب ويعامل بكل انسانية ولا يبخل عليكي بشيء فتمسكي به وساعديه بقراره اما بالنسبه للهدايا بعض الرجال لا يلتفت لتلك الامور جهلا وليس بخلا ... اتمنى لك التوفيق |
عزيزتي ما راح يفرق وايد موضوع السكن في اي بلد انتو البلدين نفس الرمسة ونفس العادات والتقاليد ما بيفرق وايد عليج الوضع بعدين طبيعي بيراعي شعورج انج ما تبين قرية ولا هو بيتحمل القرية يعني شيلي من بالج هالفكرة فديتج بالنسبة للزواج في اليمن يمكن ارخص عليه وهو مثل ما قلتي ما يستقر في عمل معين الله يرزقه يارب انتي لا تتعبين روحج بالتفكير وايد ارجعي استخيري وتوكلي على الله هو مشكلته ما في حد قاعد يوجهه وانتي اذا عرستي ان شاء الله بتوجهينه مادياً الله يتمم لكم على خير ,, |
الله يكون بعونك
المرأه عليها هم الى ان تتزوج بعدها يشيل همها زوجها يعنى ساعديه لين يتزوجكى بعدين ابدى معاه ببناء حياتكم وانا انصحك انكم تبقون بالسعودية العمل فيها متوفر وفقكى الله اخية |
اشكركم على نصائحكم
|
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©