|
ساعدوني مره اخرى
السلام عليكم ورحمه الله
اعتقد الغالبيه يعرفون قصتي ملخص القصه متزوج عندي, بنت , زوجتي تركت البيت وهي حامل وتخلت عن البنت, انا سافرت وتركت بنتي عند الوالده الجديد والطريف ايضا اعود بكم الى الوراء , مقتطفات عن حياتي للمعلوميه زوجتي سقطت وحملت مره ثانيه وجابت بنت والحين حامل ( جايكم في الموضوع ) الجدير بالذكر في حمالت زوجتي الاولى جاني خراج في رجلي اكرمكم الله وحاولت اعصر فيه ذيك الايام وجات زوجتي وقالت بحاول اعصره لك وبعد شوي حطت يدها على راسها وكالت يووووووووه الحين مايروح الا مع ولادتي قلت ليه قالت يقولون الحامل اذا شافت هذي الاشياء تجلس مع الشخص لين تولد قلت يالله هناك بلا خرافات ولكن فعلا ضل الخراج معي ولايمكن عصره حتى سقط الطفل الاول وذهب الخراج دون ان اعصره وفي الحمل الثاني رجع وكان يكبر مع الحمل وكنت مستغرب معقول كلامه صدق المهم ضل معي وكان بعض الاحيان يؤلمني واسالها اذا كان الجنين متعبك ذي االايام تقول اي المهم يوم ولت زوجتي زال هذا الخراج والحين لمن حملت رجع معي وسافرت و هي الان عند اهلها بس الاسبوع اللي طاف الخراج آلمني يوم واختفى والحين زال اثره مره بديت اشك معقول طاح الجنين طيب ما انتشر خبر لان هي قريبتي يعني بيوصل الخبر لبيتنا بسرعه اللحين انا قررت بعد نصح الاغلبيه اني اطنشها ولا ابين لها اني مشتاق او اتصل عليهم ولا ابي اتصل حتى بس الحين ابي اعرف واطمن على وضعها ووضع الطفل بس كيف اسوي اتصلت على امي وعلى خواتي يتصلون ويتطمنون بس كلهم اعتذرو لن زوجتي اثناء المشكله ماخلة احد في حاله لا انا ولا امي ولا اخواتي ( اشاعات وتمثيل دور الغلوب على امرها والمظلومه ) طيب ابي نصحكم وش احسن طريقه لاخذ المعلومات عنها وعن الجنين شاكر لكم تعاونكم مقدما لا تقولون سالفه الخراج خرافات الاولين اقلكم ثلاث مرات تكررت معي في كل حمل |
معقول ما احد عنده خطه خنفشاريه مبهره
|
صراحة ماعندي خطة خنفسارية :dعقلي مقفل لكن عندي دعوة الله يحقق لك مرادك وييسر لك زوجتك ويردكم لبعض وانتم افضل من قبل ويحنن قلبها وقلبك على بعض
|
الخطه الخنفشاريه المبهره
اذهب للمستوصف او المستشفى الي تراجع فيه زوجتك واطلب الملف وخل الممرضه او الدكتور العام يعلمك عن وضعها بدون ما تدخل على دكتورتها لانها بتعلمها انك جيت والافضل انك تطلب تصوير الملف وتذهب به لدكتور او ممرضه غير المستشفى يقراه زياده احتياط علشان لا تدري زوجتك والله يوفقكم ويرجعكم لبعض |
والله ما عندي خلفيه عن ما تتكلم عنه
ولكن كان لنا قريب وقت تحمل زوجته يفضل يدوخ التسع اشهر ويتقيء وآخر ولد فضل يتقيء شهور مع ان زوجته حملها جميل ولا تتعب وآآآخ وقت تشوفو ياكل حوامض ويشوف اي شجره فيها حوامض لوز اخضر مشمش اخضر اي شي اخضر |
سبحااان الله من جد شي غرريب ..
ان شاءلله زوجتك وجنينها مافيهم الا العااافيه ..=) دمت بسعاااااااده |
اقتباس:
ويعلي قدرك |
اقتباس:
بس انا بامريكا ويني ووين المستوصف بس فكرتك حلوه لاني فكرت اتصل على المستشفي بارك الله فيك |
اقتباس:
الله يعينه و صبره مشكور على المرور |
اقتباس:
|
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©