تأنب الضمير يعذبني جدا بسبب كذبي على أخي
 

السلام عليكم ورحمة الله وبركاته
ابدخل بالموضوع على طول
أخي انسان تعبان يعني مريض نفسي اليوم اردت أن اخذ بعض المال قمت واخذت صرافته على العلم اول كان يعطيني صرافته واخذ اللي ابيه والله مايقول لي أي شئ ابداا ويعطيني المهم خذت صرافته ورحت للصرافه طبعا خذتها من غير مايدري أول كنت عارفه الرقم سري حق صرافه ويوم رحت نسيته وقمت اخربط بالارقام وفي اخر شئ انسحبت الصرافه ولا عاد اطلعت اضغط اضغط ماطلعت جلست اصيح قلت ياويلي المشكله ماقلت له أني اخذتها
ورحت وعلمت امي هاوشتني كم هوشه وقلت ياربي وش اسوي قلت مالي إلأا سوي خطه وقلت لاامي تروح تقوله قالت له امي أن فيه واحد اتصل ولقى البطاقه طايحه بشارع واخذها وودها الفرع ويقول راجعو البنك علشان يطلع له صرافه وقام يهاوش ويقول صرافتي كانت هنا مين اخذها المهم قام يهاوش
وصراحه قلبي اوجعني قال جعل من خذها يده تنقص
احس بتانيب ضمير واحس أني سخيفه وماله داعي اسوي ذي الحركه وادري انه عيب
تتوقعون وش الحل هو بكره بيروح الفرع
على فكره بطاقته حقت صرافه ححقت سامبا وصرافه ادخلت ولاعاد اطلعت في حقة راجحي
ضميري يأنبني والله انه مايقصر معي يعطيني هو بس مدري وش اللي خلاني اتلقف واخذها
هل بيطلعون له صرافه ولا ايش تكفون اللي عنده خبره يعلمني

ما دمتِ تشعرين بتأنيب الضمير فاذهبي لأخيكِ واعترفي له بما فعلتِ .. واعتذري له وتعهدي أنكِ لن تكرري فعلتكِ تلك مرة أخرى.

لو كان اخوك شخص طبيعي وسليم نفسياً لقلت لكِ اعتذري

لكن بما أنه وحسب وصفك مريض نفسي فلا تخبريه .. لكن اتمنى ان لا تستغليه مرة اخرى بما انه ما يقصر معك

حتى انا مع ذكريات لاتغيب وزهرة الرمان مسكين يمكن تزداد حالته

بس لا ترجعي لهذا الفعل وتطوعي الشيطان

هذا درس لوكان اخوك موتعبان كان تجرأتي وخذيتي الصراف ؟

أكيد بعيطونه وحدة ثانيه

اعتذري منه ولاعاد تكرريرها مرة ثانية
موفقه

تصحيح لمعلوماتك
هذه الفعله حرام وليست عيب كماذكرتي
انتي حاولتي سرقه اخيك وفشلتي مو اخذتي
نكون صريحين
احبتي دمار الامه اننا بدانا نسمي الاشياء بغير اسمها الشرعي عشان نقنع انفسنا انا بعيد عن الشبهات
قبل ان تعتذري من اخيك ادعوك للتوبه
اليوم تجراتي على سرقه اخيك بعذر انه اخيه وما تعتبر سرقه
غدا تسرقين امر اخر وستجدين مسمى اخر كا ظوق نجاه
لكن ماذا ستقولين لربك اذا قال لك لماذا سرقتي اخيك ولن يقول اخذتي مال اخيك تعالى والله وتنزه سبحانه
ارجو من الاخوة الاعضاء التمييز بين المصطلحات
اخذت اي برضى الاخر وعلمه
سرقت بدون علم الاخر ودون رضاه
اتمنى ان وصلت الصورح
اعذريني لا املك طبل حتى اطبل لك
تقبلي رايي بصدر رحب
اسال الله ان يغفر لك
تحياتي