|
اختي وفارق العمرمن يريد خطبتها..
السلام عليكم جميعا راح ابدا بطرح الموضوع وهو اختي اكبر مني عمرها31 وموظفه تقدم لخطبتها رجل متزوج عمره 50 وعنده زوجتين راح تكون هي الثالثه مدري هل ممكن يأثر فارق العمر بينهم في اتمام الزواج او تتنظر من هو هو احسن منه انا قلت لها لو زوجه واحده ممكن اما زوجتين مدري كيف وقلنا استخيري وهي احس موافقه مع تردد خصوصا فارق العمر وزوجاته معه وهو مقتدر ماليا وذو اخلاق ارجو من الاعضاء مساعدتي في الموضوع وابداء رايكم |
انا اشوف ان الرجل اذا كان معدد فالامر سيان ثنتين اوثلاثا او اربع
هي قبلت بمعدد انتهينا من هالجزئية ... بقيت جزئية العمر والله يااختي الكريمه المشكله انك ماذكرت بقية مواصفاته ومواصفات اختك لكن عموما اذا الرجل تعليمه كويس جامعي مثلا ومعاملته حلوه مع زوجاته وعياله ..ماعنده امراض مثل السمنه او السكر وغيره وغير مدخن ويهتم بنفسه ونظيف فممكن تقبل فيه ... فيه جزئية اقولها وانا محرج هذا وانا رجل كيف اختك اكيد صعب تتفاهمين معاها بهالجزئية ؟؟وهي ان البنت تعرف نفسها هل تحب الجنس بشكل يمكن انه يسبب لها مشاكل بعد الزواج ؟؟؟ لان من في سنه وعنده زوجتين غيرها عادة لايشبع رغبات زوجته فاخاف ان هذا يتعبها نفسيا اضافة للاشياء الاخرى فيه ... |
اقتباس:
الاخلاق سألنا عنه وهو قال للوالد كلشئ عنه بس لسا الامر في وضع البحث والاستخاره وهو جامعي ومدرس واختي جامعيه ومعلمه ايضا الموضوع الاخير مدري انا قلت لاختي انه كل يومين بيكون موجود عندك مو يوميا ولكن الله يعطيك العافيه علا الرد |
فرق العمر كبير (20 سنة )
معدد سببين يكفون بالنسبة لي انا ارفضه هذا وانا مطلقة فما بالك باختك الي لسا ما تزوجت !! واخاطر واقول اتزوجه ليه ؟ عشان اخلاق ما راح اعرفها الا بعد الزواج ! صدقيني مهما مدحو الناس . مالهم الا اظاهر والخافي ما يعلمه الا رب العالمين يعني اي رجل يتقدم للزواج لا تتطمنين لا قالو لك طيب وحبوب ! كون عمرها 31 ما هو سبب يخليها تتنازل !! عموما الي ابي اقول لك .. على حسب شخصية اختك فاذا كانت اختك : تتمنى الاطفال - تتمنى ان تكون ملك رجل حتى لو ماحقق امانيها - لا تتخيل نفسها ابدا عزوبية - مالها طموح ولا وظيفة = تقبل فيه لكن اذا كانت : تريد رجل شبابي باسلوب حياته - تحب تعيش حياتها بالطول والعرض بمعنى تروح تجي تسافر تسوي حفلات - تريد اشباع غريزتها بالحلال - تريد رجل اغلب الوقت يكون عندها - قادرة تعيش عزوبية براحة بال = لا تقبل فيه الله يرزقها الرجل الي يغنيها ويكون قرة عين لها يا رب |
اقتباس:
الله يعطيك العافيه على كلامك لانه هذا الراي اللي بجد مؤيدته بقوة انا تكلمت معها قلت فكري بالاشياء اللي راح تصير بعد الزواج هل ممكن تصبري كل يومين و السفر ووالخ طبعا الاهل معطينها وقت تفكر وبنرد عليه هالاسبوع وقلت راي لها انه بجد باقي عمرك مو كبيره مره وبيجي منهو احسن منه ان شاء الله ومابي اضغط عليه بالكلام وبراحتها ويعطيك العافيه علا دعواتك الله يسعدك |
خليها تستخير كثييييييييييييييييييييييييييييييييييير
نصيحه مني لاتستعجل عمرها بالثلاثين يعني لساتها بعز شبابها + انو هي بكر + وفوق هذا ماشاء الله معلمه فصرآحه يبغالها واحد يكون بعمرها او اكبر منها بكم سنه و تكون هي فرحته الأولى مو الثالثه لكن ماتدري ممكن رجل ال 50 اللي متزوج ثنتين يكون احسن من غيره مليووون مره وبيسعدها فعلشان كذآ لاتستعجل ولاتستعجلو عليها خلوها تستخير مره ومرتين وثلاث لين ربي يحلها لها وانا مع روعة المعنى |
ممكن سؤال ...
مستوى جمالها وهل هي اجتماعية ؟؟؟ ... عائلتكم عائلة بسيطه واللا مشهوره ... كم عدد الخطاب اللي خطبوها قبل ... |
اقتباس:
انا قلت لها نفس كلامك استخيري مره ومرتين لانه زواج مو لعبه مدري ليش احس بنفسها تبيه قلت انتي مو كبيره لهالدرجه تقولي اخاف ارفضه وبيجي من اقل منه اخلاقا مع الاهل فيهم تردد كثير بس هي مدري انا ما بي اضغط عليها كثير ولا ابي اضايقها والله يعطيك العافيه على ردك |
اقتباس:
الجمال عادي ايوه اجتماعيه والكل عارفها بروحها المرحه مع انها تعرضت لظروف قاسيه السنه االلي راحت بس الحمد لله عدت علا خير طبعا ابوي مشهور جدا على مستوى المنطقه اللي احنا فيها لانه كان مدير لاحد المؤسسسات التجاريه بصراحه الخطاب قله مو كثير مع ان ابوي معروف كثيروالناس تمدحه يمكن هي متخوفه عشان هالنقطه بس برضوا احس بنفسي راح يجي منهو احسن منه والله يكتب الخير |
الله يوفقها يارب ويسر امرها دنيا وآخرة |
| الساعة الآن 10:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©