|
الخطيب و فارق االعمر ..؟!!
السلام عليكم ورحمة الله ..
اريد استشارتكم في موضوع يؤرقني كثيرا .. واتمنى حكيما يرشدني .. والله انا سجلت هنا لأجل آرآئكم فقط ولأجل مستواكم الرفيع .. خطبني طبيب عام - أجنبي - مثقف جدا .. لكن المشكله في فارق العمر .. عمره 44 سنه وانا 22 سنه .. انا بصراحه أميل إليه لأنه شاريني .. وانا كنت اتمنى ان شريكي في المستقبل يكون كبير ولكن ليس بهذا الفارق ! واتمنى ان يكون بمدينه غير مدينتي .. وهو كذلك .. انا بصراحه اريد ان اخرج من بيت اهلي باسرع وقت ولكن لا اريد ان يؤثر هذا الأمر بقراري .. * هو لم يتقدم رسميا لاهلي لانه ينتظر رأيي بالموضوع .. وانا لا اعرف ماهو رأي أهلي ومتخوفة جداا .. مايقلقني برأي أهلي لان مابين امي وابي تقريبا 3 سنوات فقط .. واختي التي تكبرني ايضا بينها وبين زوجها تقريبا 4 او 5 سنوات .. وشيء آخر أن عمر والدي أكبر من هذا الخطيب بـ 6 او 7 سنوات فقط .. حينما افكر بالامر اقول هل سآخذ رجل في سن أبي !! أنا في حيرة شديده .. فرغم كل هذه الامور إلا ان مايعيقني هو اني أميل إليه وأشعر نحوه بالارتياح .. وعلى فكره انا سعوديه ابا عن جد .. ومن أسرة محافظه جدا .. وانتم تعرفون الحساسيات بشأن مصاهرة الاجانب .. أريييد آرآئكم من فضلكم .. انا ابعتمد على رايكم .. يعني قولوا لي لأ او نعم , يصلح او مايصلح ..؟؟ |
ونسيت حاجه هو أعزب ولم يسبق له الزواج ..
ودمتم بخير .. |
أحس لو صار نصيب بتتعبي بهالزيجه
اولا مافي تكافأ بالعمر ولابالنسب ولاتستهيني بذآ الموضوع ابداً انت حاليا حابته ومرتاحتله ويمكن هشي عامي بصيرتك عن اشياء كثيره وثانياً خلي نظرتك طويلة المدى فكري لو بعد بكره تزوجتيه وجبتي منه عيال كيف بيكون وضعهم افرضي لاقدر الله صار بينكم انفصال واخذ عياله وهج لديرته بيني وبينك ماانصحك بالمررره فكري كثير بالموضوع استخيري مره ومرتين واكثر لين ربي يحلها لك لاتنسي انو فارق العمر بينك وبينه 22 سنه انتي لساتك شابه وبأول عمرك يبغالك واحد بعمرك او اكبر منك بكم سنه بالكثير 10 مو 22 سنه تدري يوم يوصل عمرك بالثلاثينات يعني تكوني بعز شبابك بيصير بالستينات وبتتعبي كثيير فكري لو جاك عيال وكبرو بيكون ابوهم بذآك السن مافي حيله لتربيتهم او تدلعيهم او حتى تدلعيك وايش ضمنك انو مو متزوج لحد الحين ممكن متزوج وعنده عيال وبديرته ومخبي هالموضوع عنك وإذا كان مو متزوج وينه طول ذي السنين ماتزوج لاتقول دراسته وتحضيره للماستر والدكتوراه الرجل قرب لـ 50 ماتزوج شي غريب صراحه انتي شكلك فاقده حنان وبالاخص حنان الأب + تبغى تفتكي من وضعك مع اهلك علشان كذآ تشوفي انه هو الرجل المناسب لا استني لاتستعجلي وتندمي بعدين |
اجنبي >> كلمه واااااااااااااسعه ممكن تقولين لنا من اي بلد ؟؟؟
لان بعض البلدان مقبوله وبعضها لا ... من ناحية العمر انت صغيره يعني المناسب لك حده 35 هذا زاد عليه ب 20 سنه وبعدين ماشاء الله طبيب وش مقعده للحين ماتزوج ؟؟؟ صدقيني وضعه مريب ... يبدو لي انك ممرضه اليس كذلك ؟؟؟ مسالة اهلك انا اجزم انهم ماراح يوافقون فلذلك اصرفي النظر عن الموضوع لانه صدقيني بياثر على ثقة اهلك فيك لو عرفو انك لك علاقه باحد ... وبعدين معليش وشلون شاريك ابسالك وش التضحيات اللي قدمها ؟؟؟ بالعكس لما تتزوجينه انت اللي بعت نفسك برخيص عموما لاتنسين الاستخاره والله يوفقك ... |
اهلين يا أختي العزيزه ..
والله بصرااحه فاارق السن بينك وبينه جدددداً كبير .. وانا مع كلام الاعضااء ايش الا خلاه يوصل لداا العمر ومااتزوج ؟؟ استخيري ياعسل قبل كل حاجه .. دمتي بسعاده=) |
,,, مممم انا ما احس ان فيها شي خذي الأمور بعقلانية أكثر من العواطف الله ييسر لج كل خير استخيري حيل حيل حيل والله بيكتب لج كل خير يارب |
أختى :
موضوع تأخره فى الزواج ليس عيب ... فمعظمنا هنا تاخرنا ... أنه النصيب.. مشكلته الحقيقية فى شيئين: أولا : أنتم فى السعودية مسألة الزواج من اجنبى ( غير سعودى) لها أهمية كبيرة جدا كما أسمع... وقد تشكل لكِ مشاكل كثيرة فى المستقبل .. ولاأنصح بزواج المختلط فى هذه الحالة.... إلا لو كان خليجى فأعتقد أن هنالك أرضية مشتركة.. ثانيا: السن ... فى معظم القوانين العربية لايسمح بتوثيق الزواج لفارق اكثر من 25 سنة... وأنا شخصيا أرى ان اكثر فارق مسموح به هو 15 سنة بالكثير.... وأنتم بينكم 22 سنه وهو كثير ..... أنت كمان 10 سنين ستكونين عندك 32 يعنى فى عز شبابك... وهو 54 ...!!! هذه تجربة محفوفة بالمخاطر برأيى... أخوكمm.s |
بعدك صغيرة و راح يتقدم لك من هو في عمرك , و لا تقولين ابي اطلع من بيت اهلي بسرعة و تخلين هذا الموضوع يؤثر بقرارك بعدين تندمين .
|
اقتباس:
انا فكرت لبعدين وخاصه الأولاد يعني بعدين اذا كبروا كيف راح يكون وضعهم مع اعمامهم وكذا ... هذا اللي مضايقني .. اللي محيرني عاداتهم تختلف عنا كثييرا .. هو ماتزوج ابددا وانا اثق فيه لانه رجل صالح ويخاف الله كثيرا .. واذا فكرت بانه كبير عني مرره اقول هذي حياة دنيا يعني ليست دائمه لأختار من يناسبني 100% وقولي لي صراحه وش اللي مميز بالشباب الحين والمحمس لي عشان اخذ شاب .. اهم شي انه يقدرني ويفهمني وهو متفهم جداا وصبور ومرن للغايه بصراحه مميزاته ما اظن انه يتقدم لي احد بهذه المواصفات واخاف انـــدم بعدين .. الله يجزاك خير ماقصرتي والله كلامك كثييير واقعي ومقنع .. |
اقتباس:
|
| الساعة الآن 08:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©