|
تعرفت على واحد من سنتين
السلام عليكم
اول شئ بقوولكم عن موضوعي لان بجد انتوا المنتدى الي اثق فيه انا تعرفت على وااحد بس ع المسن مابينا مكالمات ع الجوال ولا شئ تقريبا لنا سنتين نكلم بعض وانا بصراحة تقدرون تقولون اني حبيته وهوه كمااان يحلفلي بالله انو يحبني ومن ذا الكلام واكثر من مررة يسالني عن عايلتي وعن بيتنا عشان يجي يخطبني وكلنا من نفس المنطقة بس داايم اقوله انو مستحييل يكوون بينا ثقة بعد الزواج وهوه يقوول ليش اني اقول كذا واني ماابغاه بس فييه مشكلة انو مستواهم مو مثل مستوانا يعني احنا الحمدلله ربي منعم علينا فكل شئ سفريات روحات كل الي اتمناه يجيني بس هوه يعني ظرووفة مو مررة ابي منكم تساعدوني ماادري اعطيه عنوان بيتنا اقوله عن عايلتي ولا وش راايكم !! يعني تتوقعون راح يكون فيه ثقة بعد الزواج والشهر مباارك عليكم وكل عام وانتم بخير .. |
أختي"""""" الي يحب يدخل البيوت من أبوابها
والحب الذي يكون خارج القواعد الشرعية فهو خطأ اختي مابني ع بااطل فهوا بااطل والله يوفقك ويهديك يارب |
السلام عليكم
كلام الاخت ريم الحربي صحيح.لكني انا ارى انك تختبري صدقه مثلا تقولين له ممكن تتعرف على اخي اولا و تقابله و تكلمه في الموضوع او تكلم امي اذا تهرب اعرفي انو كذاب اذا رحب بالفكرة و اضهر انه مستعد فهو صادق اذا تهرب ارجوك اختي اتركيه و لا تتكلمي مع الرجال ثانيا لانه شبهة و يادي احيانا للحرام المهم لا تتكلمي معاه لا بالجوال و لا بامايكروفون و لا بالكام و لا تعبري على مشاعرك لان الله مطلع عليكما اختي الغالية اذا مافي شيء يهددك بيه او يفضحك بيه اعطيه اسم الوالد يكلمه حتى لو طلع نذل لا قدر الله لا يستطيع فضحك عند الوالد فهمتي |
لا الحمدلله ماعندو صور ولاعمري كلمتو ولا شئ
وداايم يطلبني انو امه تكلم ماما ويطلبني جووال بابا بس انا اخاف انو مايكون فيه ثقة بعد الزواج لانو تعرفنا على بعض عن طريق النت |
اذن خلي امه تكلم امك و تكلمك و خليه يكلم ابوكي
بيعتي تخافي يكون في شك وانه ممكن يتعرف على وحدة بعدك و هو راح يشك فيكي يا اختي ذلك الشيطان دايما يحب يفسد كل شيء خليه يكلم ابوكي و اسالوا عن اخلاقه واخلاق عايلته و دينه اذا جيدة وافقي واتقوا الله و توكلوا على الله و تقربوا لله الان خليه يكلم الوااالد |
ممكن يكون يحبك ومرتاح لك وصادق وبيجي يخطبك لكن ثقي انو بعد الزواج بيتغير 180 درجة
اول شي مابيثق فيك وصراحه ماينلام انا هنا بنت يوم كشفت اختي تكلم واحد بالجوال نصحتها وتعبت معاها لين عقلت الحمدلله لكني ليومك هذا اشك فيها وماارتاح لتصرفاتها على انو تصرفاتها بعض الأحيان تكون بريئة ودايم اقول لأمي لاتطلعيها معاك كثير برآ البيت وان جآ رقم غريب على طول اشك فيها يعني انت لو تزوجتيه بتكوني بموضع شك طول عمرك وممكن يريح عمره ويطلقك وصدقيني رجالنا مهما سافرو وراحو وجوا وشافو بنات اشكال وألوان واعجبو بالفنانه الفلانيه وكلمو بنات بالمسن او غيرو بالنهاية صدقيني عند الزواج يفضل يتزوج من طرف اهله ( الزواج التقليدي ) وان تزوج زواج من طرفه مسألة وقت لين يطيح اللي براسه وبعدين يالله بيت اهلك وان عشتي معاه بتعيشي وانتي مو قادره ترفعي راسك حبيبتي نصيحه من اخت لاختها اقطعي علاقتك فيه صحيح بتتعبي لكن ماعليه تعب كم شهر ولا العمر كله وكلي امر زواجك على ربي وشوفي كيف ربي بينقي لك افضل زوج لاتستعجلي ترآ ماورآ هالزواج الا التعب المشكله علاقتكم لها سنتين ولاتحرك ولاتحركتي في موضوعكم لو كان مهتم كان من يوم قال احبك ومقدر استغني عنك حاول يصر على موضوع الزواج لكن عاجبه الوضع وترآ وده بسنه ثالثه بعد وكيف تحبي وتتطمن لواحد ماتعرفيه ولا تعرفي ايش حقيقته اعرف وحده تعرفت على واحد وحبته و لها سنه معاه واكتشفت بالنهايه انو متزوج وعمره بالخمسين واكبر عياله بسنها تقريبا لاتأمني به |
انت موملاحظة انه كل اللي على علاقه نتيه ( عن طريق النت يعني )
كلهم كلهم البنت وضعها المادي ممتاز والشاب لا والنتيجه انه ماقدر يوفرلها طلباتها وطلبات اهلها حبيبتي الان الان سوي حضر لايميله او غيري ايميلك واطلبي العوض من ربك ومثل ماذكرتي ماراح يكون فيه ثقه لا من عنده ولا من عندك حتى انت انت راح تشكي في جهازه وتفتشيه كل دقيقه |
انتبهي حبيبتي انتبهي لاتحطي يدك في النار
اغلب التعارف اللي على المسن كذب في كذب وخاصة اذا كنتي من السعودبة انا خايفة تعطيه اسم عائلتكم ورقم ابوك بعدين يستخدمه كتهديد انتبهي لنفسك يااختي خوديها مني انا اعرف لك واحد يغازل بنات وعنده مجموعه كل وحده يلعب عليها من جهة والله لو تشوفي محادثاته يشيب راسك ... وانتي قولتيها بنفسك - بس داايم اقوله انو مستحييل يكوون بينا ثقة بعد الزواج انتي حاسه بالشيء هذا وخايفه منو دحين كيف اذا تزوجتي مستحيل راح تثقي فيه انت وراح تتمشكلي معاه وتشكي فيه اذا جلس على النت وتبدا المشاكل والمتاعب يااختي رمضان كريم ومن الساعة هادي احذفي ايميلك نهائي واستخرجي ايميل جديد وصادقي فيه زميلاتك بدون شباب وصدقيني راح يجيك ابن حلال مع بابك - ومن يتق الله يجعل له مخرجا- الله يبعد عنك اولاد الحرام لكن ماقولتي حبيبتي اذا امك عندها خبر بحبك له ومحادثتك اولا كلميها وخوذي رايها قبل تعطيه رقم اواسم بالتوفيق |
ايام الثانويه العامه كانت معانا بنت ااتزوجت عن طربق التعارف بالتيلفون
تعالي شوفيها بعد الزواج يالله تعيش في انواع الشكوك والمراقبة لدرجة انه يقفل عليها باب الشقة اذا راح لدوامه واذا راحت لاهلها زيارة كل اشوي يدق عليها يتأكد إنها فيه بالله هذا عيشة ؟؟؟؟؟ |
سيخيم الشك على كليكما بعد الزواج
فالشاب يسأل نفسه ويقول وش يضمن لي ما تتعرف على غيري ؟ الي تعرفت علي تتعرف على غيري ومن خان لأجلك يخونك فالفتاة خانت ثقة أهلها بها وبالتأكيد ستخونني طال الزمن أو قصر والبنت تحدث نفسها وستقول وش يضمن لي ما يتعرف على غيري وعلى أقل الأحوال أنه سيتزوج الثانيه وبيجيها بنفس الطريق الي جاني فيه تعارف وعلاقه محرمه ومن ثم زواج فطريق التعارف طريق مظلم ويكفينا أنه محرم وما بني على باطل فهو باطل أيضا التكافؤ مطلوب بكل الأحوال ولو قدر الله وحصل نصيب فراح تتعبين لأنك متعوده على نمط معين بالمعيشه وستصدمين بالواقع الذي يعيشه بعد الزواج ويصعب عليك التأقلم فنصيحتي لك اتركي هذا الطريق ونصيبك بيجيك بإذن الله تعالى كلامي أعلاه فيما لو كان الشاب صادق بحبه وبكلامه ويريد الارتباط فيك دائما ما أسأل نفسي كيف يثقون أرباب العلاقات المحرمه بالطرف الآخر وهم خلف الشاشات ؟ أليس بإمكان الشاب أن يتقمص شخصية الانسان الرجل المحب العاشق مرهف الحس الذي يريد الزواج ولا غيره من هذه العلاقه ؟ وهو لو فتشتي خلفه لرأيتي وراه بلاوي وأيضا أليس بإمكان الفتاة أن توهم الرجل أنه أول حب وآخر حب ؟ وهي لو فتش وراها لحصل أنه الرقم 30 ربما ولها علاقه مع غيره في نفس التوقيت لنجعل هذه الآيه نصب أعيننا قال تعالى ( ومن يتق الله يجعل له مخرجا ويرزقه من حيث لايحتسب ) فلنستشعرها ونجعلها شعارنا بكل أحوالنا لنسعد ونسلم وييسر الله سبحانه وتعالى لنا الخير حيث كان |
| الساعة الآن 05:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©