|
خطيبي وقصره
السلام عليكم
وكل عام وانتم بخيررر انا صارلي مخطوبه حوالي سنه والى الان ماتمت الملكه لان ببساطه اهل خطيبي باردييين لاابعد حد المشكله وما فيها ان خطيبي انسان طيب ويخاف ربه ومدحووه كثير بس انا من البدايه ماكنت مبسوطه لانه قصير يعتبر بالنسبه للرجال قصير انا شفته نظره شرعيه كان تقريبا طولي وانا 156 بس وقتها ارتحت له وقلت مو مهم لاني بعدها استخرت وارتحت وبلغوني انه اعجب فيني بس المشكله اني بديت افكر بكلام الناس وصايره مررا اتحسس من اي كلمه تنقال عن قصره اقول انا الحين لسه بالبر اقدر ابطل الموضوع وارتاح بس المشكله انها مو حلوه بحقي بعد سنه اقول غيرت رايي بدون سبب مقنع وحرام اخسر انسان كويس عشان قصره وهو ماله ذنب بهالشي ودايم اقول يمكن بعد الملكه والزواج احبه وااتغاضى عن هالشي بس ماقدر افكر بكلام الناس وافكر بمستقبل اولادي مابغاهم يطلعو قصار مثله وفي مشكله ثانيه ان هو قريبي من بعيد وبينا وبين اهله تواصل بس احسهم مو مهتمين بالتواصل جداا مرا يسالو ومرا يطنشو وهو احسه مررا مو مهتم فيني ولامررا فكر انه يوصل سلام مع اخته ابغاه يحسسني باهميتي حتى لو ماملكنا عالاقل عشان اطرد الافكار السوده من راسي وارتااااح بجد هالموووضوع مقلقني لاني ماتعودت الناس تتكلم عني او عن خطيبي لاتقولو عني بنت تافهه انا جامعيه وعمري 20 وعاقله بس الموضوع حسااااس كل مااتقبل خطيبي واحبه افكر انه مطنشني ومايسال ولايسلم اجلس اتضايق طمنوني ارجوكم في وحده تزوجت قصير وحبته بعدين؟ ومشكووورين |
ياغاليتي اول حاجه لفتت لي نظري ..
لكم سنه ماشاءلله والى الآن لم تتم الملكه (عقد القران ) .. وتتحدثي معه عادي جداً .. ترى يا أختي مايجووز يعتبر اجنبي وغريب ولا بمحررم ليكي .. وبالنسبه لقصره .. كم طووله تقريباً...!!؟ بالنسبه لطولك ممتاز مااشاءلله .. دمتي بسعاااده ياعسل =) |
اقتباس:
انا مااكلمه ومابيننا كلام ولاسلام بس قصدي هو المفروض يوصل سلام مع اخته مو يطنشني ونعم لحد الان ماعقدنا القران هو تقريبا طولي يعني 156 قصير بالنسبه للرجال مشكوره ع مرورك |
اهااا ..
طيب شوفي اهم شي اخلاقه .. معاملته معاكي كيف مستقبلاًً .. ترى ماعليكي من كلآم الناس والله كلام الناس لا يقدم ولا يأخر ولا بيفييد .. وان شاءلله يعقد عليكي باقررب وقت ويسير الشي الا يرضيكي .. ان شاءالله الاعضااء بيفيدووكي اكتتر دمتي بصحه وعاافيه =) |
أختي الفاضلة
صدقيني أنا طول أخوي لكن عندما أقف بجانبه .. يطلع أطول مني! ولي قريبة طويلة ومعروفة بطولها .. زوجها يعتبر متوسط الطول .. سبحان الله عندما تقف بجانبه .. يطلع أطول منها! وجهة نظر :: فيه شيء لازم تعرفينه .. أنه أي رجل أطول من المرأة ! وأي رجل أعرض من المرأة ! لأن كذا ربي خلق الرجل . وشكرا |
أختى:
لاأرى هنالك مشكلة... لسببين: أولا : انتم تقريبا طول بعض ... فليس هنالك اى إحراج من مشيكم بجوار بعض... بجانب أن الرجل دائما قامته تكون ممشوقة عن البنت خصوصا بعد الزواج .. الزوجة تقصر قليلا عن الزوج... ثانيا: هو ليس قزم ... ( القزم 150 وأقل) ... وهذا هو المهم أنه طبيعى... وأولادكم سيكونوا طبيعيين ... بجانب أن الوراثة تمتد للجدود ... أما موضوع قلة سلامه نبهى أخته بشكل ذكى عن ذلك... أما لو كنتِ قلقة جدا من مسألة الطول وتفضلين الإرتباط بشاب أطول منكِ... فأنصحك بإنهاء الموضوع فورا حتى لاتستمر غصة فى نفسك... أنتِ فقط من تقررين,, أخوكمm.s |
انا رايي من راي الاخ ms
اهم شيء الراحة النفسيييييية في الزواااج اذا م مرتاحة لا تكملي اختي و انتي ما زلتي صغيرة في السن راح يجيكي كتييير خطاب المهم ترتاحي لخطيبك و لا توني كترددة لكي لا تضلمييه او تضلمي نفسك في المستقبل و لا تجازفي تقول يكمن اتقبله بعد الزواج لماذا اجاز الله لنا الرؤية الشرعية مرة و ثنين و ثلاثه يا اختي لكي يرتاح الانسان و يشعر بالطمئنينة يعني الراحة النفسية و القبول اهم شيء في الزواج اذا لم تتوفر لا داعي للاستفسار عن الشخصية اذا مو متقبله للرجل و منزعجة لا تكملي |
ما دامكم على بر , لا تعلقي الرجل , واتركيه لمن تعرف قدره وقيمته ورجولته , وأنت ابحثي عن الطويل
وبعد الزواج ستعرفين ما معنى رجل ؟ |
نعم دعها تبحث عن الطويل الي ترتحالو مو عاجبها يعني الي ما ترتاح لشكل رجل يعني هي غلطانه!!!!!
ابحثي عن راحتك يا اختي و لا يهمك هذي حيااااااااااة و ليست يوم او يومين خوذي قرارك من الان لا تتزوجي الا من قبلته نفسك و لا تجبري نفسك من اجل الاخرين فالمراة تحب الرجل الطويل او يكون اطول منها بقليل و خاصة انت مترددة و لم تتقبليه عادي كل انسان و رااااحته |
القصار سبحان الله لهم مميزات ملحوظه صح الطول عزبس اغلب الرجال طول وجسم ع الفاضي اتمسكي فيه دامه طيب والله ييسر لك وبعدين قبل الزواج حالتك النفسيه تكون زفت بس لازم تتحملي الاستقرار بعد الزواج ولاتسمعي لاحد يعلق تعليق زي وجهه لانه بها الفتره ياكثر التعليقات واذا قالو لك قصير قولي مااااااالي عيني خشي في عيونهم من البدايه سكتيهم
|
| الساعة الآن 11:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©