هل بتصرفاتي ظلمت شغاالتي؟
 

السلام عليكم ورحمه الله وبركااته

الشهر عليكم مبااارك وتقبل الله منا ومنكم صالح الاعمال واعاننا على الصياام

ابي ردوود منطقيه وعااجله قبل لايفوت الوقت


عندي شغاله صوماااليه هذا الشهر الثالث لها معاي
هي متزوجه وعندها ولد صغيره وماشاءالله عليها صحه وقوه ونظافه عجيبه
خلت بيتي زي الورده بس فيها عيب رااافعه خشمهاا بشكل عجيب وتتشرط
في كل شي تحط خشمهااا

انا يوم اجيبها جبتها عشان ولدي ابيها تشيله عني وتلعبه وكذا
لاني حااامل وحملي مره متعب ووحااامي شديد جدااا
المهم شرطت انها مااتغير له نهائي ولاتعبي رضاعته وقبلت
بس انها تشيله وتلعبه وترتب البيت وكذا والمقابل 1500لها و250 لخالتها
طبعا يوم جت اكتشفت انها تبي تكرف ليل ونهار بس مااحد يامرها نهائي
ولاتطيق الاطفال
لدرجه سمعتها مره تصارخ ومعصبه واحسبها تكلم جواال اثرها تهاوش ولدي
عشانه يلعب بسلك المكنسه
انا مااعندي شغل يعني سااعتين وتخلص البيت كله
بس ولدي الله يصلحه حرك مره وانا ماافيني حيل له وهو توه مااامشى
يعني مايحوس عليها البيت بس يبي يلعب وهي كل ماامسكته هزته ونومته

تحملت لاني كل مادورت خدامه لقيتها غاليه وهذي سعرها ارحم شي موجود
اول شهر تنافخ ومشيتها ثاني شهر رجعت وصار نظامها من 3العصر للمغرب ع التي في

اول شهر انتهت من عندي الثلاثاء واعطيتها راتبها الاربعاء العصر وراحت
ورجعت لي السبت ويووم جاء بعدها بااسبوع خلطت فلاش مع كلوركس وجلست تغسل واغمى عليها
شلتها وغسلت وجهها وكان شكلها يخرع يووم اخذت شوي خفت
قلت شوفي بعطيك اجر تاكسي وروحي لبيتكم لاني خفت تتعب زياده
المهم زعلت وراحت دقت علي خالتها حرام عليك تطردينها وهي مافيها شي
قلت انا ارسلتها عشان تكشفون عليها قالت طيب مااعطيتيها حق الدكتوره
قلت ماامعاي ولاراح اعطيها هي المسؤله من قالها تخلط منظفين مع بعض

يوم جاء من بكره وادق اتطمن قالت كويسه مره واساسا مافيها شي
قلت خلاص الخميس تجيني ادق عليهم يوم الخميس وساااحبين علي مقفلين جوالتهم
يوم جاء الجمعه بعد الصلاه دقت خالتها قالت والله جوالتنا كانت خربانه ارسلي السواق
انا كنت حالفه اطردها خلاص
وحلفت علي امي اخليها قاالت انتي تعبانه خليها لين تجيك شغاله ثابته ولا لين تولدين

خليتها يوم جاء رمضاان قبله بيوم دقت علي خالتها قالت اعطيها راتب 26يوم
وابدي من 1رمضان تاريخ جديد عشان تعطينها 2000
قلت بشوف دفتري واشوف كم لها يوم
لقيت يوم 30/8 لها 23 وادق عليها قاالت والله وفي ذمتي لها 26 يوم

قلت يختي لاتحلفين كذب واساسا زوجي حاسب لها ولاراح يعطيها لو تطلع عيونها زياده يوم
جلست تهاوش وتقل ادبها ويووم كلمت شغالتي قلت كيف حسبتي الايام كذا

قالت انا حااسبه الخميس والجمعه اللي كانت بين الشعرين وراحتهم عند خالتها وحاسبه ايام الاجازه اللي تعبت فيها

احنا اتفاقنا من الاول ان لها اجازه يوم وراتبها ماشي فيها هي تبي تدوسني
حاسبه لنفسها3 ايام وراتبها يمشي فيها وهي منسدحه ببيتهم

قلت تبين راتبك عطيتك تبين تجلسين ولاكملتي30يوم اعطيك
قالت بجلس
بس لاكملت 30يوم اخذ1500
وعقبها لحد اخر رمضان يعتبر شهر تعطيني2000بدون مااتحسبين الايام
رمضان شهر حتي لو اشتغله يوم واحد

سكت وعلمت زوجي قال انا اتصرف لاكملت شهر اعطيها حقها وتروح

يوم جاء امس كنت ميته تعب واصيح العصر من الصيام والوحام
قلت خذي ولدي وروحي اتفرجي يوم اذن المغرب اخذته ونومته وافطرنا
بعد العشاء تعبت ودخت وجاالسه انتفظ دقيت على زوجي قلت بروح المستشفى
قاال خلي الشغاله تاخذ الولد وتروح لاهلي ساااكنين جنبي بيني وبينهم باب

جيتها وهي تكنس قلت روحي عندهم بروح المستشفى والا اللي تصارخ
وتحذف المكنسه في وجهي انتي مو مسلم انتي مو كويس ماتخافين ربي

تخليني امسك بيبي وانا صوم وتصااارخ مره توقعتها تضربني
قلت لاترفعين صوتك احنا رمضان وانا مريضه ماتبين تشغتلين اعطيك حقك وامشي

قاالت لا ابي شغل بس مااشتغل حق بيبي قلت انتي بس تلعبينه مااغيرتي له ولارضعتيه
قاالت خلاص ماافيه مشكله خلاص شهر اروح

عشان تبي راتبها كاامل

انا بغيت اموت منها طلعت وعلمت زوجي قاال تمشي اليوم بعد صلاه الظهر

انا حااسبه لها لين امس 25يوم واليوم نايمه هي لين الحين
وبعطيها 1250
وهي طبعا حااسبه لنفسها اكثر

هل لو اعطيتها حسابه علي عدد ايام شغلها ظلم لها
اخااف تدعي علي وزوجي حالف مايعطيها ريال زياده يقوول عشان تتربى

ثاني شي قريبتها تشتغل عند اهل زوجي واخاف تحقد علي وتسوي شي لي لو بعدين

زوجي بيمشيها بعد الصلاه وانا خايفه مررره من رده فعلها اخااف تتذابح معه

قال لاجيت امشيها قفلي غرفتك وانا اطردها

محتاااره ظلمتني بوقاحتها وطوله لسانها
مع عني دلعتها والله اخذها معاي لماااكدونالدز تتغدي معي

ابي رايكم بسرعه

لو مكانك ، بأعطيها الزيادة و أبري ذمتي حتى لو كنت مظلومة
و أقول لها إنه ربنا بيني و بينك و بأعطيك الفلوس ، و لو كنت ظالمتني فربنا ياخذ حقي و ما يبارك لك بالمال

الله يسلمكم جميعااا

اعطاها فلوسها العصر ورااحت
جت عااد شغاله اهل زوجي قاالت ليه يامدام هذا حراام
تطلعينها وهي صاايمه وكويسه وتبي تشتغل
قلت لاني بجيب شغاله اندنوسيه والحين بتجي

ويووم جت تطلع عيونها منتفخه واحسها مره زعلانه

ضااق صدري عليهااا احس تحسفت

الله يعين

طيب بناات ابي مكااتب استقداام تجيب شغالات بس بسرعه

وايش الجنسيات المسموح فيهاا حالياا؟؟

الرياض اختي

أختى:
عفوا لتدخلى .. لكن:

أولا : أنصحك بأن تصرفى هذه السيدة من الخدمة ...وأعطيها مرتبها حتى ولو بالزياده لن يضيع شيىء عند الله..
لأنك قلقة منها... وتخافين من هجومها عليكِ!!

ثانيا : وأتمنى أن تقبلى منى كلامى بصدر رحب...
لاحظت كثيرا تكرار نفس المشاكل فى مجتمعكم ... وشكوتكم المستمرة من نفس الظروف.... مع أن الحل بأيديكم...
أختى:
لماذا لاتتعودين أنتِ وغيرك على العمل بالمنزل بدون مساعدة خادمة مقيمة.... لذلك ميزات كثيرة ...
أولا : تكونى قريبة من أولادك وتعلميهم وتثقفيهم وتعرفى مشاكلهم فلا تتفاجئين بأى ظروف أو أفعال غريبة ....
ثانيا: تحافظى على اولادك وبيتك من أى عادات غريبة من هذه الوافدة الغريبة أو أى تحرشات وأفعال شاذة..( تكثر الشكوى من هذا الأمر )....
ثالثا: توفرين هذا المبلغ فى شيىء اكثر إفادة لكم .... وتخففين الضغط عن الزوج من مصروفات غير ضرورية...
ستقولين أنك ِ حامل ومشغولة ...إلخ ... أختى : وكيف كان تعيش امهاتكم ..؟؟
أنصحك كما نعمل نحن هنا .. بأن تمر عليك ِ كل فترة إحدى العاملات لأعمال التنظيف...( خادمة غير مقيمة)
أما أعمال المنزل من طبيخ ... فأنا اتعجب كثيرا كيف تثقين فى الاكل من تحت يد غريب..!!!
فأى متعة فى الدنيا لاتقارن ابدا بالاكل من يد الأم.... فلن تكون هنالك أنظف ولاأخلص من الام على أولادها..
تحياتى,,
أخوكمM.S