|
اتمنى استخدم العدسات لكن خايفه ..
السلام عليكم اخواتي العزيزات ...
انا عندي مشكله بسيطه واتمنى انكم تعطوني نصايحكم لاني متررده كثير .. انا البس نظاره طبيه بسبب ضعف في النظر وصعب استغني عنها ومثل ما انتو عارفين مو حلو البسها في حفلات الزواج وحنا عندنا زواج خالي ان شاءالله بعد العيد وفي المناسبات الثانيه ايضا مع ان النظاره احسها احيانآ تعطي شكل حلو لكن ودي استغني عنها,,, وانا افكر استبدلها بعدسات لكن المشكله خايفه جدا منها ... وغير كذا ماعندي خلفيه عن طريقة لبسها ونزعها وكيف العنايه بها ,,,. اتمنى اللي عندها خبره تساعدني ... |
وعليكم السلام ..
في الان انتشرت عمليات الليزر للعين تعمليها و ترتاحي ممن النظارة طوول العمر . اختي عملتها و ارتااحت من النظارة المهم نرجع للعدسات .. سهله حبيبتي بس خلي حد يعلمك كيف تلبسيها و تشيليها وبعدها استخدميها لحالك واللي اعرفه عنها راح اكتبه لك على شكل نقاط. **يفضل شراء العدسات اليومية بدل الشهرية لانها انظف (ماتحتاجي تهمي تنظيفها و تخززينها و تبديل ميتها.. فقط شيليها من علبتها و البسيها و اخر اليوم ارميها **قبل لبسها اغسلي ايديك و نشفيها **من الافضل انك تحطيها بعد عمل المكياج (اذا استطعتي بس مش شرط) اذا حابة تلبسيها على الفرح . ابدأ بالتعود عليها من الان عشان يجي يوم العرس و انتي متعودة وماتصير عيونك تدمع وتلخبط لك المكياج و تحوسي :) |
ان شاء الله تسوي العمليه وترتاحي ..
ومثل ماقالت اختي نورا فيه اليوميه .. وفيه اللي تجلس معاك تقريبا 3-6 شهوور .. وتغسلي يدك اذا جيتي بتحطينها وتحطي شوي من المحلول باطراف اصابعك .. وماتكون اظافرك طويله افضل .. طريقة لبسها - طريقتي - احط العدسه على طرف اصبعي واخليها شوي يعني تخف من المحلول بعدها اناظر فوووق واشد الجفن السفلي لتحت والصق العدسه ببياض العين بعدين احط طرف اصبعي ع الجفن السفلي وادف العدسه باتجاه بؤبؤ العين بعدين اغمض عيوني وارجع افتح عيوني واشوف كيف ركبت تمام ولالا .. واذا جيت بااشيلها مااحب ادخل اصبعي بعيني فااستخدم عود الاذن اسحبها لتحت فاتطلع معايه .. ولا تحطيها الا قبل المكياج ... لان بعد المكياج ممكن تحمر عينك وتدمع وتخرب كل الميك اب ... بالتوفيق يااارب .. |
شوفي إذا بيكون استعمالك للعدسات قليل وفي المناسبات استخدمي اليومية أحسن لك وأريح وأنظف تلبسينها على طول وآخر اليوم ترمينها لازم تتدربين في البداية وتجربين ممكن تحسين إنك تعورين عينك لكن بتتعودين مثل تفضلوا اخواتي - يدك لازم نظيفة - تمسكين العدسة باصبعك والجفن على فوق باليد الثانية وفي ناس تسحب العين من تحت زي كذا http://www.kevinpaisleyfashioneyewea...act-lenses.jpg - وامسكي العدسة صح شوفي الصورة http://1.bp.blogspot.com/_A4UOYFZj0k...fit-247x96.jpg وحاولي تحطينها على عينك عادة أحطها على طول في موقعها وناس تحطها على بياض العين بعدين تسحبها كانت مشكلتي في السابق كيف أشيلها من عيني لكن مع المحاولة مشى الحال موفقه |
اشكركم من اعماق قلبي اخواتي
-noora- لاتظلمونه - colors ماقصرتوا ... ان شاءالله اليومين الجايه راح اشتريها وكنت ناويه قبل اشتري اللي كل 3 شهور على كلام صديقتي لكن فعلا اقتنعت من كلامكم ان اليوميه احسن للاستعمال... ان شاءالله ابشركم اني قدرت استعملها بسهوله قريبآ .. واما عن عمليه الليز عندي نيه اسويها ان شاءالله وارتاح.. لكن ظروفي الان ماتسمح ..الله ييسرها.. جزاكم الله خير .. وجعله في موازين حسناتكم .. |
ذكرتيني بمرة حبيت عدسات لونهم ازرق حبيت اجربهم
ييه حوسة والله لاني ماعرفت احطهم كل ما قرب للعين عشان الصقهم تلقين عيني تغمض وتدمع وحاولت مرات كثيرة لحين ما صارت عيني ملتهبة كلها دموع فالاخير ما قدرت وتراجعت هههههه بس اختي اصغر مني ما شاء الله عليها ما تستغرق ثواني وتلقينها حاطتهم بعيونها بس لا تسويين مثلي لاني فعلا جبانة بهاشغلات |
الله يعينك
بالنسبه للعدسات ضروري تستشيري الدكتور لأنه فيه البعض مايناسب تلبس عدسات عن نفسي راجعت أكثر من مستشفى و جميع الأطباء يقولو لاتلبسي عدسات إلا بقطره والحمدلله استعملت قطره وألبس عدسات في الأسبوع مره مثلا أو في المناسبات فقط وطريقة لبسها في البدايه أكيد راح يكون صعب لكن راح تتعودي \ وأهم شي تهتمي بنظافتها وتغسلي يديك قبل لاتلبسي العدسات وتغيري محلول العدسات على الاقل في الأأسبوع مره أو مرتين على حسب لبسك للعدسات وشي ضروري بعد ماترجعي من المناسبه غيري محلول العدسات والله يعينك يارب |
اقتباس:
انا الحمدلله شريتها قبل يومين اول مره تعبت حاولت حاولت حتى عرفت البسها الحمدلله.. لكن المره الثانيه حاولت لكن للاسف كانت محاولتي فاشله .. مدري .. يمكن يأست من المحاوله بسرعه .. لكن سؤالي لك : ليش نصحوك الاطباء العدسات الا بقطره .؟؟ جافه عيونك مثلا ..؟ لانني المره الثانيه لاحظت ان عيوني ماتأثرت ولا حتى دمعت مدري يمكن هذا السبب!! ومشكوره عزيزتي على المشاركه .. |
| الساعة الآن 09:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©