|
أمي رفضت من تقدم لخطبتي لكي لاأبتعد عنها
السلام عليكم ورحمة الله وبركاته..
مبارك عليكم الشهر وعساه ينعاد عليكم وانتم بصحه وعافيه يارب بصراحه أنا مدري من وين ابتدي بس ابيكم تعرفون شي واحد ماعزمت ادخل اقولكم مشكلتي إلا عقب مالفيت على منتداكم الحلو..وقلت يابنت اكتبي مشكلتك يمكن احد يعطيك حل مالكم بالطويله.. أنا على علاقه مع شاب اربع سنيين بس ورب البيت على شرف وأكبر دليل خطبني بس للأسف رفضوا أهلي أو بالأصح أمي رفضت رفض قااااطع مع إن أبوي ماعرف بالموضوع إلا بعد ماصليت الإستخاره وشفت نفسي مرتاااحه من ناحيته وقلت للوالد بس ماصدقني المهم طلعوا عنه كلام راعي خرابيط ومو قد زواج وإنه وإنه...إلخ وطبعآ كله كلاااااااااااااام فاضيوالأربع سنوات هذه خلتني اعرفه عدل لاتقولون يتصنع ومدري شنو,,بالعربي اعرفه عدل.... بس المشكله في أمي شلون اقنعها حاولت مقدرت..حتى عمي دخلته بالموضوع بس لاحياه لمن تنادي حتى اهله يدرون وأبوه قال إذا وافقوا بروح وياك اخطب أولآ يوااافقون,, تدرون شنو قالت الوالده؟ أنا مابي بنتي تروح بعيد عني على اساس إني بقطر وهو سعودي قال أنا مستعد أخليك بملحق في بيت اهلك بس مدري شفيهم الرجال متمسك فيني لآخر حد لدرجة إن يجيه كلام عني ماني مظبوطه ومااصلح له مع ذالك ماعطاهم إهتمام(حتى الناس ماتخلي حد في حاله اعوذبالله) والله تعبت مقهوووووره وربي مقهوووووره كلام الناس وقف نصيبي مع الشخص اللي احبه والعمر يمشي وبصراحه قبل اعرفه اخطبوني اثنيين بس تم الرفض مع العلم إني مطلقه والحين عمري 24 تزوجت صغيره وتطلقت صغيره,,وهو تقريبآ وصل ال30 يعني كبير وعاقل شوروا علي شلون اقنعهم ..في آخر كلامي ابي الدعاء لي بتيسير اموري.. ,,,,,,,,أختكم,,,,,,, |
مرحبا اختي ....تفاهمي مع الوالده بهدوء واساليها عن اسباب الرفض
وقوليلها انك استخرتي وارتحتيله وقولي الطياره تقرب البعيد الله يوفقك ويسعدك ويكون من نصيبك اذا كان فيه خير لك |
سبحان الله على علاقه معه 4 سنوات ..!!
كيف سمحتِ لنفسك بذلك ؟ وكيف هي العلاقه معه طوال هذه المدة ؟ هل حدث بينكما لقاء ؟ وكيف حكمتي على حُسن أخلاقه؟ ____________________... قلب الأم مفتاحه في يد الخال !! أين هو وما دوره ..! ___________________... ثم إن كانت لديكم هذه الرغبة الجامحه منكم الإثنين .. فلماذا لايتقدم رسمياً هو وأبوه لعل الأمور تنحل بعد ذلك ، وبعد المشاهدة على الطبيعة من قبل والدكِ . بالتوفيق. |
يا أختي مداام امك رافضه مو معناتو ماتبغى فرقاكي بالعكس امك تحبك وتبالك الشي الطيب والاحسسن ..
دااام انكم سألتو عنه وطلع كلام شييين .. وانتي استخرتي صح حسيتي برااحه لأنو بس تعرفيه ويعرفك .. اختي ترى قلب الام دليل .. الله يعووووضك بالافضل باذن الله .. دمتي بسعاده=) |
هل تقدم رسمي للخطبة ولـآ مشآورات بينك وبين أهلك
|
مااظن امك ماتبي فراقك ولا ماكان زوجتك قبل
|
سامحيني اختي استخيري وبعد الاستخارة يكون خير
اختي لاتزعلين مايناسبك لأسباب وايد منها الجنسية راح تقولين كلنا مسلمين والشيء الآخر انا اعرف اهل بلدي الامارحم ربي على بالك راح يثق فيك مانظلمه لكن شوفي الشيء الي من ساسه خطأ فبنيانه خطأ راح تقولين لا اعرفه زين قبل مدة وحدة مثلك كتبت هنا تعرفت على واحد ولقت كذاب متزوج ومشت الامر قالت انا ابيه احبه وطلع فيه مس وفي النهاية بعد ماملك قال ماابيك يعني تطلقت لا بعد يقول لللناس انها موب زينة لاتصدقين رجال من وراء شاشة ولا بجوال اقطعي علاقتك وتوبي وحتى لو مطلقة توك صغيرة وربي قادر يكرمك رجال يخاف الله فيك ومابني على باطل فهو باطل بس نصحناك لأجلك اعلم ان كلامي يقهر لكن والله لأجلك موب تفأول عليك الا اريد لك الخير نت وخرابيط هذا كلها مافي فائده مرجوة منها الا الهم والكذب الله يسعدك اختي |
في الحقيقة مع احترامي لكل الاعضاء
ولارد فيها حل لمشكلتك صراحة والمشكلة بيد والدك وليست والدتك ليس لدي ما اقوله لك تحياتي |
ردين عجبني رد انثى ابكت القمر ورد الامير الحزين وكله نصيب هل وامك رفضت العرسان الي قبل وممكن السعودي هذا فيه شئ معقوله ترك بنات بلده وجاي قطر ولا ما فيه شئ اجل حاولي تكلمي امك وادعي الله يا بنات وربي اخر الليل له دور عظيم انا مجربه وربي سهام الليل ما يخظي
|
| الساعة الآن 11:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©