|
قولولي مين فينا الظالم
اخواتي واخواني في الله أولآ كل عام وانتم إلى الله أقرب وقدركم الله على قيام وصيام هذا الشهر
ثانيآ لقد غبت فتره لإنشغالي بهذا الشهر الكريم ولاكني عدت وفيني حيره ومازل ضميري يأنبني مره ويشجعني على الطلاق مره سأذكر لم حداث قصتي على السريع وبإختصار متزوجه من سنه ونص عمري الآن في العشرينات مطلقه من قبل عندي بنت عند ابوها وزوجي ال2 عنده مشكله بالخلفه والله بدون مبالغه وبشهادته والكل طيبه متسامحه متعلمه متدينه وجميله بعد مشاكل بيننا وجفا ووصلت لمده يده عليه وجوأهلي أول مره يتدخلون بس شافوه مستهتر تشابكو بس بدون ضرب فتح محضر شرطه على اخواني وانا مازلت بالبيت قام بشتى الطرق على إستفزازي في البيت بانه يبغا يخرجني لإني متمسكه ببيتي وهو وقتها العكس ارسل اهله لوالدي بانه خلاص من كثر المشاكل تعبو واتفقو على الطلاق ويتم على ارجاع جزء من المهر وتعهد اخوه وحلف انه بس اسبوع والورقه تجي مره 5 شهور ورفض يطلق بنيه الصلح يرسل رسايل على الجوال يبغا يصلح تراجع فكلامه بتقولون اعطيه فرصه اعطيته قبلها 3 فرص ونفس الشيء اروح اسبوع وارجع والمره الثانيه شهر والله العظيم والي بعدها هذي اذا انا عنده يتكبر ويطرد ومابيننا شيء كبير على اسباب تافهه يحب يعيش دور المظلوم ويشتكي وفقراره نفسه يدري انه ظلمني بس هو كذا يطردني دايمآ واذا رحت عنه بعد طرده لبيت اهلي يذل نفسه ويصالح في فتره سنه ونص 5 مرات زعل ومجالس رجال ويفضح كل اسراري عند اهله المهم آخر شيء قبل اسبوع ارسل لي كيس صغير حالته حاله فيه تحف اشتريتها بفلوسي للمطبخ 3 تحف والهدايا اللي جبتها له وتنوره ليه لقيها تأكدلي بحركته هذي ان لسه عقليته صغيره والي كذا عمره ماينضج لإنه طبعه يذل ويحسبني زيه تخيلو حتى حاليآ بالرسايل يذلني بأشياء خاصه بيني وبينه وبعدها بيومين ارسلي رساله يرمض فيها تناقض عجيب المهم جا اخوه يقول الولد يبغا فلوسه كامله حرام عليهم اهله واقفين معاه بهالنقطه وانامرررره زعلانه ماتوقعتها منهم كيف يطلعوني من البيت ويتفقون على الطلاق وعلى القيمه وبعدين ينقضون عهدهم ويبغونها كامله انا رفضت الرجعه تمامآ له محاولات وانا ارفض والله منهاره لا اريد الطلاق وفي نفس الوقت لا أريد العيشه هذي مافي استقرار ابدآ طرد وذله ويشتكي ويتكلم بأي شيء بحياتنا ياما حاولت بس للأسف كل اخوانه على هالحال ومتربين على كذا خايفه اظلمه بأصراري على الطلاق لانه يقول ظلمتيني وانا ابغاك وفي نفسي اقول لا هوه اللي يطرد فيك واهلي اعطوه فرص وهوه يقول روحي ولاترجعين وانا اقله المره هذي غير لو رحت مابرجع قال طز ودخل اهله وطلعوني بالغصب بعد الاتفاق تعبت نفسي استقر قولولي لانهم زعلو لمن ابويه قالهم انتو ظالمين تاخذون كل الفلوس ليش وباي حق وولدكم وانتو الي مابغيتوها انا ماطلعتها من بيتها ولاهيه خرجت من نفسها هذا طلبكم قالو خلاص نبغا نصلح قالهم البنت على كلامكم ماعاد تبغا أول كانت تبغا بيتها وحياتها وانتو مو بس ولدكم طلعتوها قالو خلاص فهذي الحاله هاتو حقنا كامل يارب رحماك صح المبلغ مايتجاوز العشرين الف برغم اننا عائله ولله الحمد مقتدره ولاكن ليش الظلم هل انا سلعه اوايجار تزوجني وبيطلقني وبلاش مين فينا الظالم اتمنى الرد والله اني مشوشره وتجربتي السابقه ماانكر هدتني وبعد بنتي كمان ومااقول غير (لاحول ولاقوة الابالله) ارجوكم لاتبخلون علي بردودكم |
نصيحه اشتري مزاجك وراحتك ... ودامه طرد مره مرتين ثلاث .. فا اسمحيلي لو انتي اختي والله ما ترجعين له لانها مذله ..!! شوفي ياقلبي الزواج ارزاق من رب العباد .. يعني اعرف وحده متزوجه خمس مرات وسبحان الله .. عايشه حياتها بالطول والعرض .. اتمنى ما نحصر حياتنا بزاويه ضيقه .. ترى الطلاق في مثل مسالتك رحمه لك ولنفسيتك .. انتبهي لصحتك وهذا انسان ما يستاهلك .. وشايفين كل مره ترجعين وتروحين عشان كذا تمادوا وتمادى ولدهم .. الله يعوضك ياشيخه ولا حياه المذله ... وانتي بكيفك .. |
أختي الكريمة/
-أعرف مقدار الحيرة التي تقعين فيها بين لهيب الطلاق، ولهيب الذل في استمرار المعيشة مع مثل هذا رجل. آمل منك فعل الخطوات التالية قبل الوصول إلى قرار حاسم على النحو التالي: 1) توضئي وضوءك للصلاة. 2) اجلسي في مكان هاديء. 3) اقرئي ما تيسر لك من الذكر الحكيم. 4) خذي نفساً عميقاً من الأنف لمدة 4 مرات بين الشهيق والزفير. 5) استرخي تماماً. 6) خذي ورقة وقلماً، ودونّي شريط ذكرياتك معه بالشكل الآتي: أ) إيجابيات زوجك. ب) سلبيات زوجك. ج) المقارنة بينهما، والنظر إلى أيهما تغلب. د) اطرحي التساؤلات التالية على نفسك: هل من الممكن أن يتغير هذا الرجل؟ هل من الممكن أن أعطيه فرصة أخيرة لا تقبل المساومة، وأخبره بشروطي، وأي خلاف لها فمعنى ذلك الانفصال؟ هل من الممكن أن أغيّر هذه الرجل بذكائي، وفطنتي، واستخدام الأسلحة الأنثوية؟...وما يأتيك من أسئلة في حينه. 7) قيّمي إجاباتك بكل أمانة وتجرد، وحلليها، واربطي بينها. 8) بعد وصولك للقرار من خلال كتاباتك استخيري حوله، ولو كررتِ الاستخارة. 9) إن وجدتِ انشراحاً فتوكلي على الله مهما كان قرارك. 10) إن لم تجدي انشراحاً فأعيدي الرأي، واستخيري حول الرأي الجديد. ::: ملاحظة: -استعملي سلاح الدعاء، وسلاح الصدقة، واطلبي الله أن يلهمك الرأي الأصوب والأحكم. -لا بأس أن تعرفي رأي والديك في القضية. ::: خاتمة: يمكنك كتابة كل ما فعلته فيما سبق هنا لأجل مساعدتك. |
الله يفرج همك يارب
ويكون بعونك |
|
حياكِ أختي الكريمه ..
من خلال عرضكِ للمشكلة وما فيها من سلبيات لزوجكِ .. وتعثر العشرة معه .. وأنه لاينجب وأنتِ في العشرين لازلت صغيره .. وقادرة أنتِ وأسرتكِ على دفع المبلغ المذكور سلفاً ، على ماسبق احكم بأن تدفعي وتريحي نفسكِ وأسرتكِ من هذا الرجل ذو العقلية الصغيرة كما حكمتي عليه أنتِ . حياتكِ السابقة تذكريها معه هل تستطيعين البقاء مع ايجابياته كما ذكرها أخانا البليغ ، هل تغلب سلبياته؟!! أنتِ وعقلكِ ، أسأل الله أن يوفقكِ وييسر الخير لكِ. |
الله يكون بعونج يا اختي
بس المكتوب مبين من عنوانه انا ما انصحج انج ترجعين له أبدا وانصحج وكلي محامي بنات الناس مو لعبة بيده يطلق وياخذ الفلوس ربنا معاج |
اقتباس:
|
صرخه حب اخي الثنيان اختي الفاضله سيده الموقف
جزاكم الله الف خير ويكفيني منكم الدعاء كان بداخلي لوم على نفسي ولاكن من كلامكم تشجعت لإتخاذ خطوه بعقل لا بخوف من المستقبل لإني أعلم إنه بيد الله لاكن أمري لله والعوض منه سبحانه اخي في الله البليغ كم يسعدني وجودك بمشكلتي اسأل الله لك الصلاح ولزوجتك وذريتك لي الآن 5 شهور واتذكر إني طرحت مشكلتي في بدايه الأيام الأولى وقلت لي هالكلام ودايم أكتب بورقه وراح أوضح ولاكن بدون تعداد زوجي طيب يقول انه عاطفي وماشفت هذا الشيء الا وانابعيده عنه يصلي يسمع اغاني يدخن يستخدم نشوق وأعلم وماقلت له حتى لاأكسر حاجز الإحترام بيني وبينه لإنه يحسب اني مادري يحط شيء على وجهه ويطفي النور عشان ماشوفه اكبر عيب بنظري وماأتحمله (نقلته للكلام الي يصير بيني وبينه ) دايم يخليني أبرر مثل المتهم أمام أهله وحتى اخوانه برغم انهم كانو يعزوني ويحترموني لمن يزعل يشيل الهدايا حقه مني عشان كذا أقولكم عقليته صغيره ويعطيني هداياتي يحبني جدآ في نفس الوقت مايحافظ عليه عند أول مشكله يظحي ويطرد وبعدها يندم عصبي انفعالي يحاول يحطمني مايبغاني أكمل جامعه ويسوي مشاكل ومره كسر بطاقتي الجامعيه مايبغاني أملك لابتوب لإني أدرس من خلاله دايم يقولي والله لو ألف الدنيا ماألقى زيك وانتي تستاهلين منه افضل مني مكانه وعلم ووظيفه وفلوس أرد له أقوله انا احبك ولاأشوف فيك عيب ليش دايم تقول كذا يقول انتي شيء أكبر مني برغم اني ماأحسسه بضعفه المادي والله ماأطلبه شيء لدرجه اني اصرف اناعلى نفسي حتى لاأضيق عليه انا ماتهمني الفلوس انا تهمني راحه البال بس الحمدلله على كل حال |
اسردي لنا إيجابياته كاملة.
ثم اسردي لنا سلبياته كاملة. ::: إلى ماذا يميل عقلك في القرار؟ كوني صادقة مع نفسك. |
| الساعة الآن 02:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©