|
لاحول ولاقوة إلى بالله ...وش الحل معي
السلام عليكم
أنا من يوم كنت صغيره وحظي شيييييين في كل شئ شين مالي حظ ابداا (لافي حياة زوجيه ولاشئ ثاني ) وثاني شئ أنا أنسانه مسرفه لأبعد درجه يعني ماأعرف كيف اتصرف بالفلوس والله العظيم أنه مره كان معي 7000الاف ريال والله العظيم طيرتها في كم يوم موشهر وسبحان الله كل شئ يجي معي مايجي إلا بتعسر وبدف وهالحين طيرت خمسميه ريال في قماش ويوم جاء بعدين ماقتنعت ابداا ولا المشكله الأكبر اختي معطيتني فلوسها علشان اجيب لها قماش علشان تفصل واحس توهقت يوم جيت البيت ووديته الخياط ماعجبني ابداا وهالحين قلقانه أحس مو عاجبني أحس سبحان الله كل شئ ضدي واليوم تهاوشت أنا وصديقتي وسبه أني انسانه متقلبه وسراحه جرحتني كثيررر صديقتي زعلتني من أسلوبها تقول لي ليش ماتمشين على كلمه وحده ولاعاد تتراجعين مدري أحس اني انسانه غريبه أنا متضايقه من نفسي وهالحين يأنبني ضميري من اللعب بالفلوس وخايفه من الخياط لايهاوشني لأنه ودي اسحب الاقمشه واشتري جاهز مدري أنا انسانه متقلبه ووالله العظيم هذا شئ مأثر على نفسيتي كثير وسبحان الله حتى أي شئ يجيني لازم يتعسر وتجي مطبات على بال ماأوصل اللي ابيه صراحه انا أكتب ومخنوقه وودي أبكي بس مابكيت احس لو بأبكي بارتاح واحيان نفسيتي تنقلب واصير عصبيه ماتقبل أحد يتكلم معي واتعب كثير وراسي يتعب حتى لاصرت أسمع صوت إزعاج او اصوات الاطفال انا زعلانه من نفسي كثير فيني أشياء نفسي اصلحها يعني ودي أحفظ فلوسي وأجمع (ومن ناحية الدين فنا والله والحمدالله راعية صلاة وقيام اليل وكل شئ من ناحية الدين الحمدالله فيها ممتازه ) وسبحان الله والحمدالله والف شكر وسبحانك ياربي ماأغناك ترزق عبادك كيف تشاء لكن الحمدالله رزقي من ناحية الفلوس يجيني والله انها تروح فلوس وتجيني فلوس والله العظيم مايمديها تخلص إلا وتجيني فلوس اللهم للك الحمد بس أنا زعلانه على نفسي وزعلانه على حظي مدري متى الدنيا بتضحكلي وتقدم لي حظ لو مره وحده بس |
الله يسعدكم تكفون أدعولي ترا والله العظيم أني ادعيلكم ادعولي أن الله يزين حظي ويفرح قلبي
ونسيت اقول ششئ أنا أحس شخصيتي معدومه يعني كلمه توديني وكلمه تجيبني اسمع كلام صديقاتي وأي أحد يقول أي شئ على طول أسمع كلامه ياربي تفرج كربتي وتشرح لي صدري بس الحمدلله أنا قدام الناس اتصنع شخصيه ولكن من جو قلبي أحس اني خوافه وانجرح على طول لما أسمع أحد يزعلني |
ترا أول مره أحكي كذا عن نفسي بس مكبوته وش أسوي ابي اطلع اللي في قلبي ويوم رجعت وقريت كلامي الحمدالله بكيت
|
وينكم
|
وانتي ليش تفصلين اشتري جاهز احسن لك
انا اكره التفصيل على انه يناسبني بس احب الجاهز اكثرررر الله يطرح في ايدك البركه ويعينك لاتتشائمين الله يفرج همك ويرزقك من حيث لاتحتسبييين |
أختي عذاب الورد عادي حتى لو فصلتي وماعجبك بكذا تكوني أقتنعتي والمره الثانيه أشتري جاهز مافي حد إلا يمر بأخطاء
ومسئلة الفلوس حاولي ماتكوني مسرفه وحاولي تدربي نفسك على عدم التفريط بالفلوس إلا بشيء ضروري وبالنسبه لصديقتك أعتذري منها وكل شيء يتصلح وليش تضيقي نفسك أسئل الله العلي القدير أن يشرح صدرك وييسر أعمرك ويسدد خطاك وأن يزوجك بالزوج الصالح آمين يارب العالمين.....شاااب |
|
في اشياء كتبتيه تتكلم عني وهذا الشي اثر فيني ؟؟؟
من ناحيت الفلوس انا ادلع اهلي وبنتي واذا تطاقو اهلي على شي ناقص انا ادفع قيمته وفجئه القا نفسي مفلسه ولا احد يوقف معي... وارجع اكرر نفس الغلطه ؟؟؟ نفسي يجي اخر الشهر وفي حسابي مبلغ لو بسيط احس اني وفرته ؟؟؟ هذا الموضوع يتعبني كثير ؟؟ رمضان ابي اوفر شي للعيد القا نفسي اصرف في اليوم الكثير ...ولا ابي اشوف كم بقا في الحساب عشان ما انصدم انا ماني مبذره لكن اهتم في مصالح الغير على حساب نفسي الله يفرج همك وهمي وهم كل مسلم ثقي في قرارتك ولا تفتحين اذنك لاكثر من شخص تثقين فيه |
حبيبتي كوني وسط ..
يعني كويس انك تدلعي نفسك وتشتري يلي نفسك فيه .. بس ياحبيبتي برضوو احسبي حساب انو بكرا في حاجات مهمه وضرويات ( خزن قرشك الابيض ليومك الاسود ) . الله يغير احوالك الا احسن الاحوال ويكبر حظك ياوردة ويسعدك انتي وولدك ياارب =) |
حظك شين من كنتي صغيره >>
حبيبتي انت بصحة وغيرك فاقدها انت تجيك الفلوس غيرك ينذل علشان يحصله انت الان مطمئنه وغيرك في كدر وضيق ومصايب حبيبتي لا تنكري نعم الله عليك بل احمديه لكما داهمك الشيطان وسوس لك ليحزن قلبك رددي في اليوم 21 مره انا حظي قوي وحياتي سعيدة لمده 14 يوم قانون الجذب مهم لانتشال الافكار السوداوية من المخ |
| الساعة الآن 11:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©