زوجي موافق يطلقني بشرط اتنازل له عند ولدي بورقه وبيعطيني ثلاثين الف ريال
 

السلام عليكم ورحمه الله وبركاته

كل عام وانتم بخير وتقبل الله صيامكم وقيامكم

ابغى نصيحتكم خواتي واخواني ايش اسوي مع زوجي اهو طمعان براتبي ويبغاني عبده ذليله له وكان يخطط من قبل الزواج على كيف يسيطر علي وشاف ان اذا جبت اطفال راح يقدر يسوي كل شي واني راح اصبر عشانهم وكان مصر بشكل عجيب اني احمل بسرعه وماكنت ادري عنه وحملت بدري وولدت و من نفاسي وهو يطارد وراي يبغاني احمل وعرفت لنيته الخبيثه واستخدمت موانع من غير مايدري .. ولدي لسى ماخلص السنه ...وهو يسوي كل هالشي عشان اشتري ارض ونبني بيت مع بعض ونا رافضه لانه انسان مايخاف الله وماله امان ابدا لما عرف اني عارفه نواياه وخلاص مابحمل ومابعطيه شي صار يقولي اتركي الوظيفه ونا اقول لا انا شرطي بالعقد ماتمنعني من الوظيفه وراتبي لي قال اجل ايش استفدنا من وظيفتك؟؟؟؟مع انه مصاريفي ومصاريف الولد والشغاله علي والان صار يستدرجني اتقضى للبيت شويه اشتري اغراض الثلاجه شوي يطلبني اشتري تلفزيون شوي اشتري كنب

قلت له انا ماراح اترك وظيفتي لو ايش قالي مو بكيفك انا راح اقدملك اجازه غصبن عنك واجلسي بالبيت؟؟؟
قلت له ماحد ضربك على يدك وتاخذ موظفه واحنا كنا واضحين من البدايه وشرطنا عليك
قالي بكون صريح معاك انا قلت باخدها وبتساعدني وبخليها تجيب عيال وبتنشغل عن وظيفتها وبتتركها؟؟طبعا كذاب لو بعطيه الراتب مستحيل يخليني اتركها بيصير احرص مني على اني ابقى فيها

وكل بعد فتره يفتح معاي موضوع اترك الوظيفه او موضوع الحمل اني لازم احمل بسررررعه واني خلاص تاخرت ونه بيتزوج قلت له خلاص روح تزوج قالي ماغندي استعداد افتح بيتين يعني بطلقك ومره قالي انه تجيه افكار ونه يتعوذ بالشيطان يعني بطلقك قلت لاتخوفني بالطلاق تبغى تطلق طلق بس وظيفتي وراتبي خط احمر ولا تتكلم فيهم

اهو طبعا مقهور مني اني ماستسلمت وعطيته اللي براسه وحققت مناه وحملت واتوقع صار يفكر بالطلاق
وفاتحني قالي انا مستعد اطلقك واعطيك فلوس ثلاثين الف بس بشرط تكتبين بورقه انك متنازله عنه قلت له ليش الولد لك ماله داعي الورقه قالي عشان اذا كبر اوريه الورقه اقوله شوف امك تنازلت عنك

ونا طبعا ماصدقه بس اهو عارف ان الولد اقدر اخذه عشان كذا صاير يطاردني يبغاني احمل ودايم يدعي اجيب بنت
عشان طبعا يقهرني فيها المريض

والله مو عارفه ايش القرار اللي لازم اتاخذه

الله يرزقكم بالجنه ويسعدكم بالدنيا والاخره ويفرج كربكم عطوني ارائكم ايش المفروض اسوي

لااااا تتنازليييين عن ولدك
والله بيفرجها عليـك
اهم شي لاتتنازليييييين انتبهي ترا بتندمين لو تنازلتي
الله يكون في عونك

وسيلة ضغط لا أقل ولا أكثر ..
سبحان الله ... الإنسان إذا أخلص النية لله وسعى للرزق فتحت له أبواب السماء ورزقه الله من كل مكـان .... ولكن بعض الناس يعبد الريال عبادة ويذل نفسه لأجله ويبيع كرامته ورجولته لأجل الريال ....

أنصحك أختي ألا تستمعي له .. فهو في الغالب لا يريد طلاقـك بل يريد أن يضغط عليك فإما أن ترجعي له وبشروطـه أو تبقييـن معلقة للأبد بدون طلاق ....... ولو أنجبتي بنتاً لطلقـك منذ زمــن ولمنعك عـن زيارتها ومكالمتها حتى ترجعي له ... وهو يرغب بفعل نفس الشيء لابنـك

الله يجزاكم الف خير على رودوكم
انا مو ناويه اتنازل ابدا ابدا عن ولدي لو عرض علي ملايين بس اهو ليش يعرض علي هالشي وهو اللي دايم يقول الولد شرعا لي؟؟
اخوي واقعي لحد الالم انا لسى في بيته بس اهو مقهور جدا انه ماياخذ راتبي وكان يحاول يوصل له بالعيال الان عرف اني كاشفته فصار يضغط علي باشياء ثانيه مره يقولي اتركي الوظيفه ومره يقولي يلا نبني بيت مع بعض وهو انسان مخادع ومكار ويخطط ولا اضمنه ابدا وزياده على كا عشرته صعبه وبخيل جدا ولدي رافض يشتري له ملابس ويقول خليه عريان؟؟
واقوله طيب ايش تبغى بالعيال طالما مانت كفؤ تصرف عليهم

ودائما يقولي جيبي بنت والله لدللها دلال وادلعها واسويلها حسبي الله عليه ناوي يسوي العكس تماما وبيذلني وبيقهرني فيها
لانه داري ان البنت شرعا له اذا ارت سبع سنين بس الولد يخير وهو انا عارفه حاط بحساباته انه يمكن ماعطيه شي وتوصل امورنا للطلاق مثل ماهو حاصل الان ويبغى يهددني بانه بيحرمني منهم لكن مع الولد عارف انه مايقدر عشان كذا اهو يعرض على هالعرض لكن بيني وبينه المحاكم لو وصلنا للشي هذا وولدي بمشيئه الله لي

زوجي من كثر مايفكر بالفلوس ويعبدها عباده ويفكر كيف يوصل لراتبي ويلا متى احمل معيش نفسه بضغط نفسي كبيررررررر لدرجه انه جاته ثعلبه براسه كبيره الان وخاف مره على نفسه وصارحني انه مشغول بموضوع البيت ولازم نبني ولا اتركي الوظيفه ونه مايقدر يستمر بهالوضع يانك تتركي الوظيفه او تعطيني الفلوس ونبني بيت او نتطلق بس عطيني الولد؟؟؟خايف على صحته من السكر والضغط من كثر مايفكر بالمال اللي عندي وقالي هالشي بلسانه
انسان خسيس شحاث مايستحي ولا راح يبين شي بعيونه
قائمه بنفسي وبشغاله ومصاريف الولد ووالله احيانا اشتري اغراض للبيت من غير مايدري عشان بعد مايعتمد علي ومريحته بس مابان في عينه

اختي
مادام وصلت فيكم الحياه هو يخطط وانتي تخططين وانتي كاشفه خططه وهو كاشف خططك ماله داعي تستمرون مع بعض
كيف بتعيشون مع بعض في ظل التخطيطات مو حياة ذي فلم كوبوي
يعني هو يخطط يبي بنت على شان يظغط عليك وانتي تخططين على الموانع عشان ماينفذ مخططاته
برايك هل هذه حياه زوجين
اما ان يتخذ قرار حازم او افضل الانفصال اذا وصلت لهالدرجه
والله اعلم
تحياتي

اهو ماراح يطلق بسهوله
وراح يقهرني بالولد
يقول والله لطفشك فيه لحد ماتقولين خلاص خذه
واخاف اهلي مايقتنعون باسباب الطلاق

لا أدري لما يطلق على هذه الشاكله رجال فالأمور كلها على الرجل المصاريف وكل أمور الحياة أو عشان الزوجه موظفه أحاول استغل راتبها لا حول ولاقوة إلا بالله راتبها حره فيه تعبها وتتصرف فيه على كيفها حتى لو عندها راتب لابد يصرف
عليها الرجل وإلا ليش يسمى رجل إذا أعطت الزوجه شيء من حالها شيء بطيب نفس فلا بأس أما أجبرها فأعتقد ليست من
شيم الرجال وأقول اللهم لاتجعل الدنيا أكبر همنا ولامبلغ علمنا الزواج تفاهم وليس مسئلة ماده فقط وبعدين مايبيك يطلقك أو يحاول يسلك طرق ملتويه عشان ياخذ من ورائك كم قرش هههه والله رجال بحق وحقيقه الله يلهمه رشده وبعدين المحكمه
تفصل بينكم وأما تتنازلين عن ولدك لا مهما كان هذا فلذت كبدك ربي يخليه لك ويصلحه يارب ويقر عينك به والحكم الشرعي لا بأس به يرضي الطرفين وأقول الله يسهل أمرك ويحل مشكلتك ويسر ماتعسر لك يارب ........شااااب