|
قبل الملكه وبين الملكه والزواج انتظر توجيهاتكم واحتاجها
السلام عليكم ورحمه الله وبركاته
اعضاء المنتدى بعد التحيه والتقدير مسائكم خير وعشرين ذهبت على الطاعه والعشره الأواخر تعتق رقابكم من النيران اللهم آمين أخوكم ابو عبدالملك مقبل على الزواج بعد شهر من الآن ملكتي وينقصني كثير من التوجيهات التى اتمنى أن لا تفوتني حتى لايفوتني الخير الكثير أو انقص من حق زوجتي شركه العمر أن شاء الله المطلوب . أخوكم في الله لا يعرف من الملكه الأ مسماها فقط . ماهي متطلبات الملكه من البدايه وحتى النهايه .؟ الفحص ما قبل الزواج ماذا يعني وماهي مدته أنا من القصيم لأجل مراعاه اجرأءات بعض المناطق مختلفه.؟ ماهي الهدايا؟ ايهما الأفضل الأكثار منها أو التوسط وكم عددها اصلاه ؟ زواجي بعد عشره شهور من الملكه بأذن العزيز الغفار.هل هي مده طويله اتريث على الملكه او استعجل بالزواج بأقرب اجازه دراسيه . نصائح ننتظرها من من سبقنا بالزواج ايضاً كيف اقضي هذه المده 10شهور مثلاً الأهتمام بالمظهر وقرأه الكتب ونصائح الزواج تتغيير السلوك والعلم عندكم اكبر منك بيوم اعلم منك بسنه .... ايضاً أهم شىء بالموضوع الي انا جايكم على شأنه هو التفكير ذبحني وقتلي والسبب 10شهور قاتله بعيده انا احترق وقاعد انتظر الأيام تمشي كانت الأيام تمشي سرع لاكن يوم خطبت والله وقفت ماعادت تمشي مادري من الأيام والأ مني . على العموم الزواج مرحله مهمه بالعمر ولا بد من التريث والتأني والتعلم حيالها ومنكم نستفيد اتسبوا الأجر بالأجابات |
مبروك مقدما تختلف هاذي الامور من منطقه لاخر يعني الغربيه عندنا غير مدري في القصيم كيف
التحليل اخذ افتكر 2 اسبوع اشوف الملكه يكون حدها شهر بصراحه كل ما طالت مو حلوه |
الملكه شهر؟
ههههههههههههه حلاة الملكه تكون مده زي 6 شهوور مالي خبرره لاني لسه ماملكت |
اسمحلي اخي .. 10 شهور .. مررره طويله ..
خلك زواجك بعد ستة شهور والا خمسة ... وخير البر عاجلة ... ليه تستى العروس وقدامك .. انت قلتها قلت التفكير ذبحك ... طيب ليه تذبح نفسك عجل واخلص .. لاتخلي الشيب يجي من الحين وسبه هالتفكير ... مقوله ( وجع الضرس ... ولاهم العرس ) ومبروووووووووك مقدمآ .. اما مسآله التثقف بآمور الزواج .. تثقف يآخي محد مانعك صدقني بتاخذ منك شهر .. وبتعرف كل آمور الزوااااااج .. يالله دق عليهم وعجل الزواج .. بلا خرابيط قال 10 شهور .. آما مسآله الهدايا لاتكثر ... خلك ثقيل .. مو بطالعه ونازله جايب هدية .. خلهم يتشفقوونك وينتظرون هداياك .. وكم عددها .. ثنتين ... وحده اذا تملكت ... والثانيه خلها فجآه يعني جبها بدون مناسبة بس بس لاتكثر .. والله يوفقك .. ويسهل آمرك .. وشد حيلك ولاتشيل هم صدقني الايام تركض ..يعني تغمض وتفتح تلقى زواجك ان شاءالله |
الله يوفقك يارب
اذا انت من الان مستعجل ايش بتسوي بعد الملكه لمن تشوفها لك وماهي لك .. انظر لهذي النقطه .. اقولك شي اهم شي كون واثق من نفسك قدامها ولا تبين انك مرتبك حتئ لو كنت كذلك الهديه ماعندي خلفيه لان خطيبي ما اهداني في الملكه غير الدبله والشبكه لكن عندي كم نصيحه اتمنى تفيدك لانها راح تلطف الجو بينكم لو عندك اخت او ام وصل لها معهم سلام لها او وصل سؤالك عنها كمان خلي اختك او الوالده الاقرب لك يسالها هل تحب الدبله البيضا ام الصفرا ؟ الاساله هذي اثرها والله كبير عليهاا خصوصي اي شي يوصلها الان بالمرحله هذي لانك شخص تجهله ومتلهفه تعرف اي شي عنك انا مريت في التجربه هذي وما انساها اهم شي اذا دخلت في الملكه سلم على راسها احتراما لها راح تحس بشعور غريب حقيقة خطيبي ماسوا الشي هذا من الخجل والارباك لكن كنت اتمناه يحصل حبيت انبهك عنه اول شي تقوله تبارك لها .. الف مبروك يا عروس ثم كيفك مبسوطه او لا ايش شعورك واخيرا صرتي لي احبك حلو لمن تكون اول كلمه تنطقها حتى لو قبل المباركه ماراح تنساها ابدا .. الهديه اسال اخواتك هي ايش تحب انا كثير احب الهدايا الناعمه العطور والجوالات صارت جدا قديمه ومعتاده مثلا جيبلها خاتم ذهب او الماس زي ماتحب .. علبته بتكون صغيره وحاطه جوا جيبك والبنت تحب فكرة ان الرجل يهديها علبه هوا يفتحها زي المجوهرات او عقد ناعم جداا ذهب او اي شي قيم اما يكون بأسمها او اي شي انت تحبه راح تحتفظ فيه بل وتلبسه طول الوقت او اممم اعتقد هذي اكثر هدايا رومنسيه وتعجبني خلك واثق واثق واثق غير مرتبك .. هذا مايحضرني الان اتمنى اكون افدتك واخذ الاجر ان شاءلله دعواتك والله يسعدك |
نصيحه اذا امورك جاهزه وماعندك مشاكل ماليه ..
لا تطول الملكه عن اربع شهور كاحد اقصى تجهز العروس امورها وتجهز امورك .. لان كلما طالت المده دخلت مشاكل كثير حتى على اتفه الامور .. توكل على الله ولا تخليها تطول .. الا اذا كان فيه امور قهريه ويترتب عليها هالمده الطويله فالله يكون بالعون .. والله يوفقك ويارب .. هذي اضافتي بس ..والباقي الاخوات مايقصرون ... |
الف مبروك اخي الكريم اسال الله ان يجعلها قرة عين لك ويجعلك قرة
عين لها ويجمع بينكما على خير .. من الاشياء المهمة (اذا ما كان اهم شي ) انك تفهم طبيعة الانثى بشكل عام (بالقراءة وانصحك بكتاب : الرجال من المريخ والنساء من الزهرة ) وبشكل خاص من خلال تعاملك مع زوجتك .. لان كل انثى لها احتياجاتها الخاصة .. كلنا نعرف ان النساء يتشابهون بامور معينة ويختلفون باخرى كل امراة تحتاج الى الاحساس بالامان مع زوجها .. ولكن تختلف عن امراة اخرى بالاشياء الي تفضل تجيها كهدايا مثلا .. لذلك ماقدر انصحك طول فترة الملكة وش تجيب من هدايا .. بالحفلة ممكن تهديها مجوهرات وهذي احسن انواع الهدايا لكن بعد الملكة انت بتتواصل معها وبتعرف بشكل غير مباشر وش تحب .. بمعنى من سياق الكلام بتعرف وش تحب هي وليس من خلال السؤال المباشر : وش تحبين اهدي لك ! شي اخر : خليك صادق بالتعبير عن مشاعرك ناحيتها بعد الملكة بمعنى لا تتكلف الحب او الشوق او او .. الي تحس فيه انقله لها اما بالكلام او بالرسائل .. ووضح لها انك تتمنى تعيش معها حياة رائعة لكم كلكم وتتمنى تكون الانسان الي يسعدها .. لان تعبيرك هذا يوضح لها مستوى اهتمامك براحتها .. وبعد بكلامكم راح تلاحظ وش الاشياء الي تحبها وش الي ما تحبها وبناء عليه بتعرف كيف تتعامل معها بعد الزواج .. الله ييسر امورك يا رب |
الله يسعد صدوركم بالردود الخيره
وعسى الله أن يرزق كل وحده مكن ذريه صالحه من الجنسين ويزوج من لم تتزوج بعد ويوفق من هي متزوجه ردود شرحت صدري ونورت دربي ورفعت من همتى وزاذدت من معنوياتي بصدق وبصراحه اقوووووول لسى فيه ناس فيها خير وتحب الخير وهي أهل للخير اللله يكثر من امثالكم .. وانتظر مزيد من الخيررررررات من بقيه الأعضاء والزوار سبحان الله والحمد لله والله أكبر |
أسأل الله الكريم رب العرش العظيم في هذا الشهر الكريم أن يجمع فيما بينكما في خير ويسخركم لبعض ويجعل حياتكم يارب سعيدة ولا تنسى يا اخي العزيز قراءة سيرة الرسول عليه أفضل الصلاة والسلام مع زوجاته فهو خير سيرة وبالتوفيق يارب ,,,,
|
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©