اخت رجلي اذتني حسبي الله عليها ونعم الوكيل ..
 

السلام عليكم كيفكم انشاء الله تكونون بخير .. انا اول مره اسجل بمنتدا بس ما حاولت الا من القهر الي فيني ابي اتكلم قبل لا اموت من الحره انا وحيده امي وابوي منفصلين من يومي صغيره وكلن شاف نصيبه وتزوج ..وانا عمري الان 24سنه ولي 4سنووات متزوجه وعندي بنت ومليت من الوحده ما عندي احد اروح له ولا صداقات ولا اهل و24 ساعه جالسه بلبيت.. امي تزوجت وسكنت بديرة زوجها وزوجي لااهي عني بطلعاته ما اشوفه بل يوم الا 3 ساعات ومتفرقه بدخل بلموضوع مشكلتي مع اخوات زوجي عددهم 5وثنتين منهم اذا شافوني كانهم شايفين عزرائيل من اول يوم دخلت عندهم والمشكله ان وحده اكبرمني يوم اتزوج كان ولدها ب4 ابتدائي والثانيه عمرها 19 ما تزوجت بنات كل ما جيتهم يسوون حركات هل ثنتين وطبعا هم كلهم فيهم حقهم ويجتمعون على الشر بس ذولا بزود يحاولون بشتا الطرق يقهروني بذب كلام جارح احسهم يغارون مني بقوووه ما توقعت ان الغيره توصل الناس للجرح والاهانه ..يكتبون بل جوالات ويراسلو بعض ويضحكون بتريقه واضحه يحشون فيني ويناضرون لبسي وياشرون عليه ويتبسمون مع اني يوم ادخل عليهم ما قد شفت عليهم الا قمصان وان كشخو وخربوها البسو بنجابي يعني ما فيه مقارنه بيني وبينهم بشكل انا احلا بمراحل ولبس اكشخ منهم ..ومره عزمتنا عمتهم ودخلت تسلم اخت زوجي تخيلو الموقف بنات المجلس كان شبه مليان مديت يدي عليها وانا ابتسم بسلم ونا ضرتني من فوق لتحت وراحت تسلم على الي جمبي انا ضاق صدري وكل الحريم ناضروني وخاصه مرت ولدهم الي هي سلفتي شافت الموقف وبتسمت وصدت وانا ودي الارض بلحضتها انشقت وبلعتني وتخيلو من ذاك اليوم ونا اذا ذكرت الي سوته ابكي ودعي عليها من قلب ليل نهار ان الله يلهيها بعمرها. لدرجه اني ما يجيني النوم بليل لين اصلي ودعي عليها . لدرجه انهم اذا قعد زوجي معهم يقعدون يمدحون قدامه بنات وممثلات ومدحهم مايهمني لااني واثقه من حالي بس ببين انهم بيسوون المستحيل عشان يحروني بس..تخيلو اذا ذكرت حركاتهم معي وخاصه هل 2 دمي يغلي احس اني اذا شفتها بتهور وبسوي شي فيها اعذروني بس جرح الكرامه شين ..تخيلو اذا شااافو بنيتي ما يسلمون عليها ولا يشيلونها قمه النجاسه هذي بزر شدخلها ويحاولون يبينون قدام مرت ولدهم .. وامهم بس اداريهم وتشوف اغلاطهم علي وتسكت مع العلم اني كل اسبوعين اروح لهم وجيب معي شي وسولف مع خالتي انا بطبيعتي اجتماعيه مره بس طحت بناس معقدين غيورين.. الحين خلاص صرت منعزله عن البشر تماما لا اهل ولا عزوه ولا اخوان ولا وخوات والا عمان ولا اهل رجل مثل البشركنت اعزي روحي اذا رحت لهم واقول يابنت يمكنك تتوهمي لااكن طفح الكيل حسبي الله عليها انكانها حرمتني من الجمعه والوناسه وكرهت اهلها فيني وكرهتني جيتهم .. بنات تكفون ريحوني انصحوني حطونفسكم مكاني جعل الي ترد علي وتريحن ربي يرزقه ما تمناا ويصخرله القوي والضعيف وش قصدها من هل حركات وش سويت لها عشان تحقرني وتحرش اخواته علي ..مع العلم اني مسالمه وعلى نياتي جدا ...وحاولت اتعامل معهم كااخوات لي بس مالاقيت قبول منهم قمة القهر اذا عاملت الناس بنيه صافيه ومحبه واحترام وبسذاجه بعض الشئ وكان المقابل هل حركات والكيد ..

الله يفرجها لك ويعينك . ابي اقولك شي الانسان الراقي والي ذوق وناجح لايمكن تصدر منه مثل التصرفات هذي .والمشكله تحتارين ليش يسوون كذا ؟؟تخيلي صديقتي الروح بالروح مجننه بزوجه اخوها انصحها دايما احيان تقفل الخط بوجهي اذا اشترلها شي انجنت واذا راح معاها اتصلت تبكي . بس اهم شيء بموضوعك شخصيه زوجك اذا كانت قويه مايقدرون يسوون شيء ولا يتمادوون معاكي راح يخافون من رده فعله. وانتي لا تروحين لهم كثير واذا رحتي تاديه واجب وسلام بس خليكي رسميه كثير معاهم ولا يحزنك الي يسوونه اذا عرفتي الانسان ومعدنه ماتتفاجئين من تصرفاته. بس اهم شي كيف تتعاملين معاهم ومن جهه ثانيه حاولي تنشئين صداقات يعني ادخلي معهد والا تحفيظ قران والا تعرفي على الجيران. وادعي ربي يفرجلك بصديقه طيبه الله يفرجها لك ويسعدك قولي امين

أسهرني الجرح... سعدت بمرورك الجميل وكلامك الراقي الي اثلج صدري الله يجعلها بميزان حسناتك وانتي صادقه لوهم راقين ماسوو فيني كذا... وشخصية زوجي مسالم رسمي معهم لاابعد الحدود...

الله يعين بس لازم مضايقات من اهل الزوج
على قولت خالتي الصراع الازلي
عمري ولاتشيلي هم خلك عاديه لانهم لو شافوك محروقه بيفرحون ويزودون خلي علاقتك سطحيه مجرد سلام وسؤال عن الحال بس انتي سويتي الى عليك تبين تسرين اخت لهم هم الي رفضوا وخلك مسلامة وزجك كويس معاك غيرهم على طول يشب على زوجته حتى لو هي ماغلطت وعمري لاتهملين نفسك ولاشي خلك اجتماعيه زوري اهلك خالتك واقاربك عماتك صحباتك وفرفشي وقوي عشان يزيد مقدارك بين الناس وانسي وارمي ورا ظهرك واحتسبي الاجر لا تنسي الحقران يقطع المصران بيجيها وقت بتستحي من نفسها ومن هبالها وتحس نفسها صغيرة قدامك وتغار وتبغا زله على الطاير والنازل الاختصار خلي لاقتك صطحيه فيها وفي اهله عامه لو هم زيها وتقربي من الي يحبونك منهم خلك مع زوجك ولا تطولين قال انا بمشي قولي انا معك ورجلك على رجله ولاتروحين مناسبات مالها داعي اذا مايبغونك ولاتتصلي كثير وترى ياما بنات متزوجات زيك خاصه بداية الزواج لازم ذي الحركات لازم الله يهدي بس استغفر الله

كيلسي...مشكوره حبيبتي ما قصرتي الله يجزاك خير بس كلهم نفس الصنف بس فيه تفاوت بنسبه العانه وانا الحين تاركتهم ..

شكلهم يبغونك تتهاوشين معاهم ناوين على شي
انتبهي منهم ولاتعطينهم مجـااال يسببون مشاكل بينك وبين زوجك

واثق لخطوه يمشي ملكا

ما تخافي ومن ثم عندك اللي قرب اليك من حبل الوريد سبحانه وتعالى

يغنيكي عن كل الناس التقرب من الله سبحانه وتعالى اذا شكيتي له همك لن فضحك كما الناس

صدقيني اول ما تغربت فضلت سنتان نقريب ام اتكلم الا نادرا جداااا حى اني وقتها فقدت اللغه العربيه والاجنبيه ولا فكرت فيها ولحين كبرو شويه اولادي وصرت اتحدث معهم وتعرفت على ناس وقت كنت آخذ اولادي للمدرسه نلكم شويه لحين يرن الجرس ولكن لا ازور احد لاني ما اقدر استقبل احد زوجي كل الوقت بالبيت