|
أريد رأيكم بوضعي مع زوجتي
السلام عليكم حبيت اقول مشكلتي مع زوجتي وآخذ آراؤكم مشكلة زوجتي مايملأ عينها شيء تبي تشتري افخم الملابس ولا تراجع الا في افخم المستشفيات الخاصه فشرحت لها وضعي اني ساكن اجار وعلي قروض وراتبي يالله يكفي فقالت اذا كنت منت قد الزواج ليش تتزوج طبعا كنت طيب معها اول شهرين واذا تزاعلنا ابادر انا واحل المشكله مع ان المشاكل كلها منها حاولت اتغاضى وشفتها تمادت وتستغل طيبتي طبعا شهر العسل كله زعل في زعل واذا زعلت تقول انا مارضى الا بطقم ذهب قلت انا حالتي الان ماتسمح قالت اذا تحبني نفذ طلبي وجيب لي ذهب طبعا اذا زعلت دائما تحاول تدخل اهلها بس انا ماعطي لهم فرصه بعد مرور 2 شهور من الزواج تم الحمل وبعد الحمل بدأت المشاكل ورفضت تراجع في المستشفيات الحكومية تقول هذه مستشفيات وصخه ومن قبل الحمل كانت تدعي ان فيها حساسية واذا وديتها للمستشفى الحكومي تاخذ العلاج واذا رجعنا للبيت انطلت العلاج في الزباله وقالت العلاج مافاد مستشفاك >>>> ماعنده سالفه ونروح للدكتور مره ثانية وتقول له علاجك مافاد وهي ماستخدمته اتصلت بعدها بيوم وانا في الدوام وقالت تعال بسرعه يدي تؤلمني طبعا هي كل اسبوع تتصل علي في الدوام واستاذن واروح للبيت طبعا الاستئذان من الدوام شيء صعب احيانا اطلع ولا اقول لمديري وتسبب لي الاحراج واذا ذهبنا للمستشفى وأخذت العلاج ورجعنا للبيت حطت العلاج في الزباله طبعا طلعت من الدوام وذهبت للبيت واخذتها ودخلتها للمستشفى وجلست في قسم الانتظار طلعت لي وقالت انا ما أنتظر زحمه دخلت لمدير المستشفى وقلت زوجتي تعبانه ولا تقدر تنتظر قال اعطني رقمها وشاف الرقم قال قدامها فقط مريضة واحده قلت ارجعي قالت لا ورجعتها بالغصب واخذت العلاج ورجعنا للبيت وقالت انا مابي استعمل العلاج قلت ليش قالت علاجهم فاشل قلت احرجتيني في عملي وكل هذا ماتاخذين العلاج قالت ماهمني عملك اهم شيء نفسي قلت ايييييييييه من هنا وريتها العين الحمرااااااااااااا قلت انا ماراح اوديك من اليوم وطالع الى اي مستشفى وانتي انسانه لاتعانين من شيء الواحد اذا كان مريض صدق يستخدم العلاج المهم اخذت فراشي ونمت في الغرفه الثانية صحيت من بكره وجلست في الصاله بعدها طلعت من الغرفه لابسه وقالت ودني بيت اخوي قلت لا طبعا بيت ابوها في الرياض ولا فيه قريب من عندي الا بيت اخوها وقتها اخوها كان في الرياض المهم رفضت اوديها دخلت علي مره ثانيه قالت اذا ماوديتني بيصير شيء من انذر فقد اعذر قلت خير انشاء الله ماراح اوديك قالت اخوي جاي قلت الله يحييه المهم اخوها في الرياض جاء وقت دوامي ودخلت الغرفه علشان اللبس حصلتها تكلم اختها وتحش فيني انا دخلت بكل بساطه وجالس اغني لبست ملابسي وقلت اخوك تأخر ابي اسلم عليه قبل مامشي >>> :) قامت من القهر قالت انت ماتحس قلت لالالالالالالالا صارت تاخذ اشياء تحذفني فيها طبعا طلعت من البيت اتصل اخوها يهددني ويقول طلق اختي ولا تعذبها طبعا سكرت في وجهه بعد انتهاء دوامي رجعت للبيت وحصلت باب البيت مكسور دخلت البيت ويالا الهول حصلت الاثاث كله مكسور >>>> كل الاثاث وحصلت اوراقي الرسمية مقطعه طبعا جيت ابي اشتكي الشرطه نصحني قريب لي وقال تتمشكلون ياعيال العم بسبة إمرأه فقال كبر عقلك واسكت طبعا سكت ولا كلمتها وصارت ترسل لي رسائل استفزازية وكلمات بذيئه وقالت ابشرك الذي بيننا سوف ينتهي عن قريب قلت في نفسي خييييييييييير والله تبطي عظم طبعا اليوم الثاني اتصل عمي على اخوها وقال تعال بكره انت و.. علشان نحل المشكله قال ليش ماتجي انت قال انا والله شايب ولا اقدر اجي قال الحرمه ماتبيه قال عمي خير ان شاء الله صار يتصل علي اخوها ويقول تبيها تعال راضها قلت ماراح اجي واذا تبي بيتها تراه مفتوح صبعا طالت المشكله وراحت لبيت ابوها واتضح ان اساس المشكله ابوها اتصل علي ابوها بعد مرور 4 شهور وقال الحرمة ماتبيك قلت طيب وبعدين قال مادري عنك بس الحرمه الان حامل ولها 4 شهور عندي فلازم تعطيها نفقه 1500 ريال شهري قلت ماراح اعطيها ولا شيء قال اجل طلقها قلت لا قال اجل وش تبي قلت بيتها مفتوح تبي ترجع الله يحييها صار يتلفض بألفاظ بذيئه ثم قفلت في وجهه صار اخوها يضايقني في بيتي وفي عملي بذريعة انه يريد صوره من دفتر العائلة علشان تقدر الحرمة تراجع في المستشفى لانها حامل قلت عندها مستشفاها في مدينة الدمام قال الحرمه الان في الرياض قلت والله مو شغلي وصار يضايقني اكثر ويهدد طبعا رفعت عليه شكوى بذريعة التهديد والقتل وقفوه الشرطة واخذو عليه تعهد وفك بالكفاله وبعدها >>> نتفت ريشه قبل ماتولد الحرمه بـ 3 شهرو ذهبت الى الرياض وفتحت لها ملف في احدى المستشفيات الحكومية وصارت تراجع فيه طبعا ولدت ولا قالو لي وبعد مرور 10 ايام من الولاده دريت من الناس واتضح انهم سموه بدون ان يستشيروني طبعا رتبت انا والوالد وذهبنا لهم ثم طلبت من والدها بأن ارى الطفل فجابه وشفته واعطيته فلوس وقلت نبي يابو فلان نغير اسم الولد قال لا قلت طيب نبي اوراقه الرسمية قال لا قلت ليش ماشاورتوني في الاسم قال سمته امه قلت طيب انا بغيره قال والله تحلم قلت زين وقمت انا وابوي ثم ذهبت الى المستشفى الذي ولدت فيه وغيرت اسمه وطلعت بدل فاقد ثم ذهبت الى الاحوال وغيرت اسمه ثم وضعت التماميم ولا عزمته ارتفع ضغطه بعدها اتصل علي وقال انت تبي تطلق قلت لا قال انا بروح اشتكي قلت الي ماتطوله يدك وصله برجولك طبعا مايقدر يشتكي انا ماسكهم بيدهم الي تعورهم ليش لان خروج المرأه من بيت زوجها بدون اذنه أكبر خطأ طبعا سوف يحكم الشيخ بأنها >>>>> ناشز طبعا نشرت خبر بين الناس ووصل لهم انهم اذا يبوني اطلق يدفعون لي 140000 :d قالوو طلق ونعطيك ولدك وقالت امه انا مابي ولدك تعال اخذه بس اول شيء هات ورقة طلاقي قلت لا الولد ماله الا امه وطلاق مافيه طبعا زواجي له الان سنه وشهرين جلست عندي شهرين فقط ولها سنة عن ابوها وولدي ماشفته الا مره وحده ولي 3 شهور ماشفته طبعا قلبي يتقطع عليه بس انا ضاغط على نفسي الان المرأه تتصل على الناس وتقول انا وش اسوي واحسها انها ضايعه ومتورطه الان ابي حل اني اذا زرتهم مره ثانيه علشان اشوف ولدي انهم يسمحون لي لان اذا ماسمحو لي برؤيته لازم اني اشتكيهم وانا ما أبي اشتكي في الرياض لاني اذا انا ابي اشتكي لازم اشتكي في الرياض واذا هو يبي يشتكي لازم يشتكي في الدمام طبعا انا قلت ابي اتحمل ونفسي طويل بنتظر 6 شهور جايه واشوف وش راح يحصل مااااااااااا رأيكم |
رأينا بشنو بالضبط ؟ تبي تربي زوجتك وتعلمها انها غلطت ؟ ولا تبي تشوف ولدك وهم مانعينك ؟ ولا تبي تكسر خشم أبوها اللي هو عمك ؟ اوك هي غلطت والغلط راكبها من فوق لتحت لكن بعد انت غلطت وعاندت وغيرت اسم الولد واستخدمت النظام في إغاضتهم طلقها وريح راسك ولا يكون ابنكم الضحية كل واحد يحرق اعصاب الثاني فيه لا تدخل طفلك في مشاكل امه وأهلها لأنك انت الخسران قبلها انت الخسران لأنك جالس تحرق في كرت ابنك فلذة كبدك عشان خلافات شخصية الله يحرس ابنك ويحميه من نار خلافاتكم |
ماشاء الله عليك ياصبرك عليهم
وعرفت وشلون تتعامل معهم باين على زوجتك مدلعينها اهلها بس اذا هي مصره على الطلاق لا تعلقها ماراح تستفيد شي |
انا بطلقها
بس مو هالحين |
فقط نصيحة لا تستعمل ابنك في هذه المعركة فأنت الخاسر حينها قبل أمه |
اولاُ
وعليكم السلام ورحمه الله وبركاته مشكلتك باينه مع اهلها طويله !! وهالبنت بالها طويل وانت بالك نفس الشي وكل واحد يعاند الثاني!! طيب ماذنب الطفل ؟ اذا انت وزوجتك تعاندون بعض ؟ ماذنب هذا الطفل البريئ اللي مايدري عن شي .. اولاُ ابتدي : بان انا ما اشوف اي سبب يخليك ماتطلقها الا الآن وش تبي في أمراه عنيده!! وتحب المال ولو اني ما اعتقد انها هي اللي تسوي هالشي من نفسها انا اعتقد من اهلها لان من البدايه دامها عارفه حالتك الماديه وكيف وضعك وشغلك ماعتقد انها كانت راح توافق دام رضت فيك فالبدايه ف ماظن ان هي من نفسها راح تطلب الطلاق وتبي شيء غالي وفخم .. اعتقد السالفه فيها تدخل من الإهل ولكن نرجع للموضوع بالنسبه للطفل انا اشوف انك تشوفه كل يوم وتطلعه معاك .. ولا بأس بان ترجعه لهم ، لاتنسى انك ابوه ؟ يعني راح يكبر ويعيش ايام من غير مايشوف ابوه ولا حتى يتعرف فيه .. هذا أكبر خطاً وانا نصيحتي لك بأن تطلق البنت واذا عن الطفل ((( ماشوف اي مشكله بان تشوفه كل يوم )) بعد الطلاق وتاخذه معاك .. ماننسى انه من حقك كـ أب ان يبقى معاك وتشوفه وتجلس معاه ولا ننسى من حقهـأ كـ أم ان يجلس معها .. فـ أنا ارى ان هذا الشي احسن حل للطرفين لك ولها .. والله يكتب فيه الخير ولاتنسى الاستخاره استخر بالله وان شاءلله الله معك .. وراح يدلك ع الطريق الصحيح ، و مسأله العناد ماراح توصل ، لأي حل من الحلوُل .. والله الموفق لك و لهآ ، طلقها وخلها تشوف مستقبلها مع اللي تبيه وانت عيش حياتك وشوف مستقبلك مع اللي تستمر معها وتبني معها حياتك .. ولاتيأسّ يمكن تكوُن التجربه الثانيه خير من الاوُلى والله المستعان .. اعتذر عن الإطاله |
لاحول ولاقوة إلا بالله ..!!
شهرين وبعدها تبدأ المشاكل .. طبعاً البنت شكلها مدلعه .. ووالدها راح يدفع ثمن تهوره ..!! أنا لاأشجعك على أي شيئ فيه مضره لأي شخص آخر ..!! انت تقول أنك سوف تطلقها ولكن ليس الآن ...!!؟؟؟ متى ؟؟ هل ستذل والد زوجتك وزوجتك مثلا؟؟ !!.. ليس من حقك أخي الحبيب ان تفعل مثل هذا الأمر .. الحق الذي لك أن يعيدو لك المهر أو جزء منه ... وهذا يرجع لك أنت تحدد هذا .. إن كان هذا ماتريد فلك أن تطالبهم بهذا الأمر دون أن يكون هناك مشاكل وشرطة ومحاكم وأمور توجع وتضر ولاتنفع.. اسأل الله أن ييسر أمرك . |
أخوي تبي نصيحتي أقطع علاقتك فيهم حاليا
اهم شئ أفتح للك رقم حساب وخذ منهم رقم حساب علشان تحول مصروف الولد ويكون هناك امكانيه للحصول على كشف حساب لأنه توقع بأي لحظه راح يشتكون عليك ويقولون أنك ماتصرف على ولدك وصراحه أخوها همجي ليش يتصرف ذي التصرفات هل ياترى فيه أشياء اخرى لم تخبرنا بها للذلك تحاشاه قد ماتقدر والله يعينك انت اتركهم ألين يطيح اللي براسهم والله يصلح مابينكم ثاني شئ خذ مده طويله في عدم زيارتهم لأنهم راح يحتاجون للك في امور كثيره ومحد راح يقدر يتحمل الولد غير أبوه أو أمه ثاني شئ حبذا لو جاء بعد مده تحاول تصلح الأمور علشان الولد |
الله يعظم اجرك
وش ذا الزوجه ياخي والله انك صبور وبقوه بعد اهم شي وليدك خله يتربى عندك شكل عائلة زوجتك اسمح لي اقول انهم ماعندهم اخلاق ولادين لاحول ولاقوة الا بالله لكن لاتطلق الا لما يعطونك المهر وتزوج وحده اسأل عنها قبل عشان تضمن ولدك يتربى في حضن وحده تخاف الله |
والله اني اشوف لو تسترجع امورك وتحاول تصلح الوضع افضل مو عشان زوجتك طبعا اكيد بيكون عشان ولدك
بما انها ضايعه ومتورطه حاول اللي جاب لك الخبر انها ضايعه ومتورطه يسألونها لو تطلبها ترجع بترجع ؟.. يمكن هداها الله وعرفت مردها لزوجها وولدها ..منت خسران شي جرب . |
| الساعة الآن 12:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©