|
زوجي يخونني(المستجدات#85)
السلام عليكم اخواني واخواتي
بدون مقدمات انا متزوجة من 18 سنة عندي 5 أبناء وبنات أعاني من الاكتئاب الحاد من اكثر من 10 سنوات زوجي رجل طيب وحنون ووقف معي كثيرا في حياتي ومرضي وليس صاحب علاقات اثيمة في الماضي قريب من اولاده لكني اكتشفت انه على علاقة بفتاة وبينهم مزح وصداقة واضحة والموضوع بينهم ماشي في طريق الزواج لانهم يتفاهمون على الخطوبة وزيارة الاهل وصورها موجودة في جهازه انصدمت وانهرت وواجهته لكنه مرة يتهرب ومرة يقول بانهي علاقتي فيها من اجلك اذا شافني منهارة واذا تصادمت معاه يقول باتزوجها ايش اسوووووووووووي؟ هل افضحه عند بناته واهلي هل اطلب الطلاق انا محتارة ساعدوني بليز |
أختي الكريمة
كرد عاجل : لا أظن أن جزاء حنانه وحبه لك ووقفته معك هو الفضيحة عند بناته تحديدا ثم أهلك ... زوجك قريب من أولاده فلا تدخلي الأولاد بينكم وتجعليهم سلاح تهاجمينه فيه فارحمي ضعف أطفالكم تجاه وضعكم كانوا كبارا أو صغار ... الصبر ثم الصبر .. ولكن هل حاولتي أن تكتشفي ما الذي ينقص زوجك ؟ خصوصا أنه يريد الزواج وليس صاحب علاقات وهذا أمر طيب والحمدلله فما الذي استجد في حياتكم ؟ ولماذا اختار هذه الفتاة بالذات ؟ خصوصا أنه ليس بصاحب علاقات وقبل كل هذا هل أنت متأكدة انه يريد الزواج منها ؟ اياكِ والتهور فزوجك أظنه أعقل من أن تستخدمي معه أساليب فيها طيش |
ولماذا تطلبين الطلاق وتشتتين أبناءك ؟؟ ومن ثم تتركينه لها؟؟
أختي هذه الفتاة تمكنت من قلبه ولن يتركها إلا إذا احتللت قلبه من جديد.. وما زال أمامك الطريق -أنظري لجوانب تقصيرك وما ينقصه فيكِ ولماذا ذهب لهذه وأنت موجودة؟؟ بالتأكيد تعرفين الجواب... ولكن لا تجعلي هذه تفسد عليك التفكير في الخروج من المأزق -ولا تجعلي احساسك بخيانته يكبلك عن الإحتفاظ ببيتك وزوجك.. -ولا تجعلي الشيطان يريكِ شناعة فعلته ولكن من وجهة نظره.. لا تجعليه يسيطر عليكِ مطلقاً -إبدأي من جديد .... أعيدي أول أيام زواجك وشغف زوجك بكِ ... ضعي أبناءك فترة عند اهلك أو من تثقين به لتعيدي النشاط الزوجي في بيتك -وقبل كل شيء اهتمي بنفسك اولاً ... جمالك ... شعرك ... بشرتك... وزنك... -أنت أكثر من يعرف ماذا يحب زوجك في المرأة .... ثم تفنني في ذلك هل يحب عقلها .... هل يحب تدينها وتحفظها ... هل يحبها مرحة ... هل يحبها نشيطة في بيتها ومطبخها ... هل يحبها أنيقة..... وهكذا أنت أكثر من يعرف ماذا فقد زوجك ليبحث عنه خارج المنزل ... صدقيني إن استعاد ما فقد فلن يهتم لها وهذا أساس خيانات الأزواج أو بحثهن عن امرأة أخرى أصلح الله حالك وشفاك من عنده |
لا تفضحي زوجك مهما كان ابو اولادك ويمكن الفضيحه تخلي يسرع في اجراات الزواج من الثانيه
ولا دخلي الاوولاد بينكم وادعي الله في صلاتك واستخيري والله زميلتي زوجها اتزوج عليها بنت بعمر بناته وصبرت وكانت الزوجه الثانيه دلوعه عاش معاها بس سنه وطلقها ورجع لزوجته الاولى والابناء وعرف قيمتها وان ليس كل ما يلمع ذهب |
خواتي ماقصروا ..
بس نصيحه ابدااااا لا تفضحينه عند بناتك بالذات .. بناتك بسن صغير ومنهم بالمراهقه .. كذا انت ِ بتشوهيين ابوهم بعينهم وممكن لا سمح الله يقومون بامور ابد لاترضيك لان القدوه انت ِ شوهتيها بعيونهم .. ولا تنسين هو ابو بناتك ولهم سمعتهم .. لاتكونين سبب في جرحهم .. اذا اردت ِ ان تخبري سبب طلبك للطلاق اخبري فقط لانه يريد الزواج باخرى .. الله يهدي سركم .. |
تطلبيـن الطلآق !! ويـن الصبـر من قآموسك .؟
فكـرتي بآولآدك .؟ فكـرتي بنفسك عشرهـ 18 سنـه تتركيـنـه لآنـه قرر يتزوج .؟ خـلي همكـ اسرتك وآولآدك لآنـه مآبترتآحين اذا شتتي اولادك وبعديتهم عن ابوهم .؟ من رآيي آنهآ نزوهـ ويمكـن مع الوقت ينســى فكرهـ الزوآج حتى لو تزوج فعلآ مآبيدك تغيرين شي لكن اولادك آهم شي مآيتشتتون بينكم وانتو فـي هذآ العمـر : ( آلله يقويك ويصبرك : ( |
لا حول ولاقوه إلا بالله
الله المستعان رجل تعدي الأربعين وعلاقات هل يرضي لبناته هذا الحال ؟ والإخوان ردو حنان ولم يجد مهما كان مايبرر ربع الخيانه ومهما كان الرجل ناضج ابي اعرف الرجال عندنا متي تخلص مراهقته متي يكو رجل بمعني الكلمه متي يبداء يفكر في عياله والأخرة الله المستعان والله شي محزن للغايه خلاص مافيه رجال إلا من رحم ربي كلهم يركضون وراء عاطفه وحب وشهوه أختي الله يعينك ويصبرك خليه طنشيه خله يعرف قدره وقدر خيانه كلميه بعقل لاتفكرين في الطلاق أنتي من بيخسر عندنا الرجال في مجتمع سقيم مثل مجتمعنا خسايره أقل بس خلاص عامليه مثل الغريب أبتعدي عنه وفكري في نفسك وحبي نفسك وعيالك بس أي شي كان ودك تسويه بس أنشغلتي عنه بسبب العيال والزوج سويه ألحين دلعي نفسك أقري تثقفي أنسي عندك زوج بس عيالك وأنتي وقولي له هالكلام ونصيحه سوي رياضه حافظي علي صلاه الوتر والضحي وقراء القران يااختي نشقي عمرنا عشان رجال ومن أقل موقف مع السلامه عشان كذا حبي نفسك ودلعيها وماتسوي عليك الكابه عشان واحد خاين لا إحترم نفسه ولا عمره ولا عياله الله يصلح شانك وييسر أمرك |
اقتباس:
تقول لك الرجل عنده علاقه وبعد العلاقه زواج يعني حركات مراهقين وصور وين مهما كان مايبرر أي تصرف له إذا مقصر يقول لها صريحه إذا رجل وعنده تصرف يقول أنتي مقصره معي وكذا وكذا يعني إذا الرجال والأب سوي كذا وش ننتظر من العيال إلي خبرتهم في الحياه أقل وعمرهم أقل أنت لو تكتشف أختك أم 15 سنه تكلم والله تقوم الدنيا وتجلسها لكن لو نفكر نجدها صغيره لم تدرك الحياه قصرنا في تربيتها لكن رجل أضعاف هذا السن محصن وعنده ابناء وش المبرر تقصير زوجته أم يبحث عن الحنان أم ماذا هل هذا مبرر كافي أو يقنع من له عقل وبصيره لا والله مهما كان هذا الغلط غير مقبول من الشباب كيف الكبار أنا لو أشوف أخوي وهو في شبابه عنده صور بنت راح يطيح من نظري أنا أتكلم بصدق وبعيد عن المجاملات والمثاليه وأعجبني كلمه أعقل وهل العقل يقول كلم بنت صغيره وتواعد علي زواج والله مدري وش خلينا للأجيال الجايه أنا خلاص ماألوم أي شاب أو فتاة تنحرف إذا الأباء كذا الله المستعان الله يحسن لنا والمسلمين الميته والخاتمه ولا يفتنا في هاذي الدنيا |
ابي اعرف ليه تهون عليهم العشره والاكثر الي مثل زوجك لو سئلتيهم بيقول هاذيك ام العيال وانا ابي وحده اعيش معاها قصة حب يعني الاوله ام عياله للتربيه والثانيه عشيقه
الله المستعان الله يجبر بخاطرك وانشاء الله يرجع لك ويعرف قيمتك بس والله قهر يجرحون الوحده ويبغونها تسكت وتصبر يا ناس نحنه الحريم بشر محنا حديد بصراحه صرنا نتحمل فوق طاقتنا والرجال ولا همهم حسبي الله عليهم |
ماعليش وقفه ..
كم مره الاحظ بعض الاخوات من تسمع وحده زوجها بيتزوج عليها . انتقدت وكانه سيقوم بأمر جلل بأمر مخجل بأمر فيه تعدي ...؟ ماادري ليش تحكمون على كثير من الازواج هنا من خلال تجاربكم او تجارب من حولكم ..؟ ماادري ليش تحكمون على الرجال بشكل مطلق تماما ً ..؟ حكمتوا بشكل سريع ومباشر دون انتظار تفاصيل اكثر ...!! عجيب امركم .. |
| الساعة الآن 05:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©