|
أرى أن فارق العمر كبير بيننا مارأيكم ؟
بسم الله الرحمن الرحيم والصلاة والسلام على اشرف الانبياء و المرسلين اما بعد كل عام وانتم بلف خير وتقبل الله منا ومنكم صالح الاعمال انا سجلت بالمنتدى بس عشان اخذ رايكم بحاجة مهمه اليوم ليلة العيد الساعه 2 ونص فجرا جاء يمي اخوي وقالي في احد الاشخاص من اصدقائه وده يخطبني وقال لااخوي شوف راي البنت اذا وافقت اخلي اهلي يجون يشوفنها المهم انا كنت مرة مستحية لانه اخوي اول مرة يكلمني بهالمواضيع . اخوي قالي هو شاب مثقف بقوة واخوي يعرف لانه صديقة وقالي بعض المعلومات عنه قالي اخوي زارة في شقته اكثر من مرة وكانت مليانه كتب وزي كذا وانه وظيفته محترمه ( صيدلي ) بااحد المستشفيات الحكومية وقال انه ولد فاهم ومتفتح وماسافر الا مرة وحده خارح السعودية راح نيوزيلندا واخذ لغه انجليزية لكنه يدخن بس راعي صلاة وبار بوالدينه اخوي بدا يقول ايش المميزات اللي بالولد وشفت اخوي متحمس وقلت له قلي السلبيات قالي مافية الا انه يدخن بس بعدين سكت قلت وش فيك قالي عمره 25 وانا عمري 30 سنه وضحكت قلت تبيني اصير امه قال انا حبيت اقولك لان الولد جاء من الباب وقالي يشرفني اناسبكم وقالي اخوي انه قاله عمر اختي 30 ورد على اخوي مايهمني العمر قد مايهمني تفكير البنت واخلاقها والبيت اللي طالعه منه .. وقالي اخوي فكري وردي لي خبر بااي وقت وانا من اليوم وانا افكر << اخوي على باله بيفرحني مادرى انه لعوزني واممممممم وخلاني اخوي اشوف للولد صورة بجواله ؟؟ قالي اخوي بعطيك كل شي وبوريك كل شي عشان تتخذين قرار يريحك الولد بصراحه حلووووووووو يجنن وقالي فكري وشوفي طبعا الولد اهلة بنفس حارتنا لكن هو يشتغل بالخبر وحنا بالرياض . وش رايكم انا عقلي يقولي لا الولد مرةةةةة صغير ريحوني وعطوني ارائكم |
الإرتباط بين الجنسين لا يقاس بمدى فوارق العمر بينهما بقدر ما يقاس بتلائم أفكارهما وتوافقهما سويا
والرسول صلي الله عليه وسلم يقول إذا جاء من ترضون دينه فزوجوه يعني اذا انتي شايفه انه هو رجل ذا خلق ودين وأخلاق حسنة فين المانع؟؟إستخيري وخلي الاهل يسألو عنه واذاعرفتو انه انسان ذو اخلاق فتوكلي على الله ولا تتأخري طالما أنك تشعرين براحة لهذا الزواج ولا يعيقك منه إلا فارق العمر، فالعمر ليس فارقاً مطلقاً ووفقك الله وعيد سعيد عليكم |
اولا كل عام وانتي بخير تقبل الله منا ومنك صالح الاعمال
استخيري والله يكتبلك الخيرة في هالامر وبالنسبة للعمر فلنا برسول الله صلى الله عليه وسلم اسوة حسنة حين تزوج من خديجة وكان عمره 25 عاما وعمرها 40 عاما رضي الله عنها واعرف امراءة توفي عنها زوجها وتقدم لها اخيه الذي يصغرها باعوام وماشاء الله عليهم كبرو اولادهم وتزوجو وزوجها ما فكر يتزوج عليها رغم انها كبرت بالسن والعينات كثر والله يوفقك |
صحيح أن التدخين مشكلة لكن مع خصاله الأخرى الجيدة إن شاء الله يكون فأل خير أنه يترك التدخين
استخيري الله أما عن العمر فمعروف أن عقل الرجل ينضج قبل المرأة عموماً |
اختي الكريمه لعله ان شاء الله نصيبك فلا تضيعينه
الرجل مادام عارف انه عمرك ال 30 وراغب فيكي ومتمسك واخلاق ودين فليش الحيره !!!! استخيري وتوكلي على الله وخلي اخوكي يلمح له انه ماعليه عيب ولاقصور بس حكايه الدخان وتركه للدخان ان شاء الله مو صعب مقابل يعيش حياه سعيده موفقه ان شاء الله |
أختي أيش المشكله في العمر او في التدخين إذا التدخين فصحيح أنها مشكله أما العمر فيكفي الرسول صلى الله عليه وسلم
وخديجه رضي الله عنها كم كان فارق العمر وكيف تم التوافق وأروع مثل لتوافق وكثير منى الشباب يعرف بنات أكبر منه ويريد أن يتقدم لها ويخاف أن تفكر بهذا التفكير أنه أصغر منه ......شااااب |
ياقلبي مافيها شي ..
دام الرجال شاريكم وودو يدخل من باب الحلال ليش محتاره ..!!؟ عشان فارق السن يلي بينكم .. وأنا اقولك مافيها شي وانا شخصياً اعرف وحده اكبر من زوجها بـ17 سنه والله وعايشين احلى حياه .. والفرق يلي بينك وبينه مو وااااجد ياقلبي .. من رأيي صلي الاستخاااره وخلي اهلهم يجو ويشوفوكي .. والله يتمم فرحتك على خير ياعسوله .. دمتي بووود=) |
كل عام وانت بخير
انا اشوفه شي عادي مدام الرجال اخلاقه زينه وشاريك وزي ماقالو الاخوان السن ماعمره كان مشكله لاتتردين استخيري ربك والله يكتب لك الي فيه الخير |
استخيري ... استخيري .. استخيري ...
ومن رآيي اذا خلاص وافقت .. تطلبين من أخوك يقول بطريقة غير مباشرة للعريس يخبر أهله بعمرك قبل لا يجون لا يقول انا اللي أبتزوج ولا أهم .. ترى والله يتأثر بكلامهم ... تدرين فيه واحد تقدم لي .. مع انه مطلق وعنده طفلين ... يوم درى اني أكبر منه بأشهر ماعاد رجع .. مع انه داري من قبل وجاء عندنا بس هذا تأثير الأهل أو الأصحاب أو .. والله أعلم ، وكان من قبل يقول أبغى وحدة كبيرة ناضجة .. ومن هالحكي الله يكتب لك اللي فيه الخيرويستر علي وعليك .. ويرزقنا عاجلا غير آجلا وجميع المسلمين |
اولا استخيري
ثانيا شفت وعايشت نماذج كثيير لكن عارفه ان هالنقطه ماتفيدك لان رجل عن رجل يفرق اعرف وحده اكبر من زوجها ب 14 سنه .. 5 سنوات مو كثيره وانتي شوفي هل بيجيك نفس مواصفاته بسنك ؟ صدقيني المعدد والمطلق مشاكلهم كثيره ايش الي يمنع تتمتعين بواحد اعزب وبنفس سنك ماتدرين ايش النصيب لو رفضتي ذا ارجعي استخيري وانا براءيي توافقي خصوصي انه عارف سنك والناس المثقفه الدكاتره ابدا مايهمها هالامور باين عليكي فاهمه الله يستر عليك |
| الساعة الآن 04:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©