هل ماأشعر به مراهقه أو حب وبماذا تنصحوني ؟
 

اخواني عندي مشكلة ان اعمامي استاجرو بشقة عندنا وهالشقة مواجهة لبيتنا يعنى شقتنا وشقتهم مافي فرق بينها 24 ساعة فاتحين البيت ونتغدا عندهم وهم بالمثل كانا ساكنين ببيت واحد وعندهم اخو كبير متتزوج والاخ الي بعدة عمرة 16 هو جسمة وعقلة يعطية اكبر من عمرة اهلة معتمدين علية بكل شي المهم 24 ساعة بالصدف نتواجهة ويشوفني وهو يودينا للمدرسة المهم لاحضت انة تعلق فيني يعنى احسة يتبع حركاتى يرفع صوتة لو كنت عندة مرة كان بالعمل وجاء بدري وانا توقعتة مو موجود المهم رحت عند عمتى ابي منها خضار وكنت اناظر التلفزيون انتظر تجيبة لي المهم نظرت فجاة الا ولقيت ولد عمي يناظر فيني وبعدين صرف بصرة ودخل المجلس ايضا وكثير احداث مثل كذا صارت وهم توهم من شهر سكنو جنبنا انا بديت والله اتعلق فية استغفر الله الشيطان بس المشكلة انة اصغر مني بسنتين اخاف اتعلق فية لانه شاب خلوق جدا في تعاملة حتى مع اختة وهو كمان يتعلق فيني ومستحيل نتزوج لانى اكبر منة ياالله والله مشكلة وماقدر ابعد عنة لان السكن مختلط وهو يودينا المدرسة ويطلعنا انا واختة تتوقعون عالتعلق مراهقة فقط او حب ووش تنصحوني


وعندي استفسار عن كثر النسل المراة الي ماتحب تجيب عيال غير 1 او 2 الازواج يرضون ولا يحبون الي تجيب درزن

وعندي عقدة من مشكلة الطلاق دايم اتوقع انى لاتزوجت بنقصل عن زوجي وعندى عقدة من تعدد النساء وانا بطبعي قوية شخصية ع كلام الناس وغيورة جدا وخصوصا لاحبيت شخص والحين ماخذين التعدد موضة وش اسوي؟؟؟؟؟؟؟


أختي الفاضله أرجوا منك الأنتباه للطريقه الصحيحه لكتابة لفظ الجلاله ((الله))

فهي تكتب بالهاء وليس كما تكتبيها أنتي بالتاء وفقك الله

اول شيء انتو صغار ع الارتباط
ثاني شيء اذا كبرتوا و يبغاكي عادي جدا الفرق بينكم مو كبير
ثالث شيء مسألة الاطفال كل رجل يختلف عن الثاني
رابع شيء التعدد امر ربي ادعي انه ما يكتبه لك و الغيره شيء طبيعي
الله يووفقك يااارب

يسلمو حبيبتي على الرد ادري ربي ادعا بة بس مشكلتى غيورة ورجال الحين ماخذينة موضة ومشكلة ولد عمي انة صغير حتى لو يبيني بيكون خجلان من عمري يسلمو

عادي أيش أحسن منها ولد عمك ومتعلقه فيه وإذا أخلاق ومحترم يعني مطلعه على جميع أموره ووضعكم ممتاز وبالنسبه
للعمر عادي حتى لو كنتي أصغر منه بعشر سنين أهم شيء التفاهم والحب وأما لللأولاد فيه رجال يرضو بعدد بسيط من العيال وفيه من يحب كثرة العيال وأسئل الله أن يوفقكم ويكتب لكم مافيه الخير يارب ........شااااب

فيه سؤال ممكن كيف عمره 16 سنه ويعمل .. يعني هو بصف أول ثانوي تقريباً ويعمل (ماشاء الله)

نفس الحاله
أنا أتخيل ممثلك تماما أتطلق وإلا يتزوج علي كاااااان أمووووووووووووووووووووت
الله يرحمني بس ويرحم كل مسلم ومسلمه

,’

ولد عمك لاتعطينه وجه مراهق ويبي أي أنثي يتعلق فيها

الله يوفقك

يا عزيزتي

مراهق و ماعمره تكلم مع بنت غير اخواته و محارمه
فبرأيي انه مجرد مراهق بيجذب انظار أنثى من غير محارمه

ليس حب و رغبة بالزواج و غيرره

فكري انه مازال أول ثانوي بالكثير و أمامه أقل شئ 5 سنوات
حتى ينضج و يكون نفسه و يخلص دراسته

الحياة ليست مجرد إعجاب و لفت نظر

و انت المفروض عليك انك تجعلي الطرحة دائماً على كتفك
و لابد من وجود حدود و ماينفع زي كذا

و مثل ماقلت لك عن ولد عمك، فهو مجرد تصرفات مراهق
بيجذب أنظار أي أنثى له فقط ليرضي غروره و إعجابه بنفسه

يعنى عفوا ..
المشاعر الإنسانية النبيلة بدون فعل أى شيىء يغضب الله ... هى شيىء جيد ..
لكن أنا تقريبا ضعف عمرك ... وأرى انك متعجلة قليلا على الزواج والتفكير فى الابناء والتعدد..!!
يعنى وأنا فى سنك والكثير من فى عمرك .. يشغلهم الإنتهاء من دراستهم أولا ... ثم بعد ذلك تأتى فكرة الزواج ...
لاأنصحك أبدا شغل نفسك الآن بهذه المشاعر التى قد تأثر على مستقبلك ...
أنتظرى قليلا بعد العشريين ... حتى تقتربى على إنتهاء دراستك .. وينضج فكرك وجسمك بشكل كافى يجعلك قادرة على تحمل مسئوليات الزواج..
لاتغضبى من كلامى ... فهو كلام لوتعلمين خبرة تجارب آخريين رأيتهم فى حياتى ... وأقدمها لك مجانا على طبق من ذهب..
أخوكمm.s

بالفعل الإختلاط رأس البلاء .. وباب للفتنة والشر
عموما كيف أين غيرة أهلك وأنتم تختلطين برجل ليس بمحرم لك ويوصل مدارس
ثم كيف ينظر اليك .. اين حجابك .. بالفعل بعض الناس يهلكون أنفسهم بانفسهم
لا حجاب .. واختلاط الرجال بالنساء ثم يتذمرون من الفتنة .. بلانا منا وفينا