اخواني لايثقون فيني وانا بعد لااثق فيهم
 

السلام عليكم

انا راح ادخل في موضوعي بسرعه اول شي انا طالبه طالعه سنه ثاني جامعه طبعا اول مادخلت الجامعه

كان عندي طلب كثيير على البحوث وشغلي كان اغلبه على النت وماكان عندي لاب بس كنت استخدم حق اخوي

بعدين حسيت انه خلاص جا الوقت الي الي اشتريه لانه مرره كان ضروري بالنسبه لي وخصوصا في الوقت الحالي كل شي

يمشي عن طريق النت فاتحة اهلي بالموضوع ماعجبهم ورفضوا قالي اخوي خلاص الوقت الي تبينه اعطيك حقي وسكت قلت

خلاص طبعا اوقات ابي ارسل بحوثي للدكتور للمجموعه الي انا فيها لازم استنى اخوي يخلص بعديين يعطيني واجلس

استناه تقريبا نص ساعه المهم انا الوضع مررره ماعجبني قلت لازم اشتري بعدين انا خلاص كبرت وصارضروري يكون عندي لاب

امي رفضت واخوااااني مرره معارضين جلست ابكي كل صديقاتي عندهم واهلهم ماقالولهم شي وانا ليش محرومه أي شي

ابيه مايعطوني المهم جلسنا على السالفه ذي شهرين تقريبا وانا خلاص نسيت الموضوع وجا مرره كان لازم

ارسل البحث واتناقش انا ورئيسة المجموعه على البحث المهم طلبت اخوي قال خلاص (جات الساع عشره)
وانا ابي اخلص واستناه طبعا بعدشد عطاني

اليوم الثاني فتحت لهم الموضوع قلت الحيين خلاص مصخت لازم اشتري يعني لازم اشتري ابوي ماقال شي وشد

علييهم ابوي اليين شريته الحمدلله وجلسست فتره بعيدن( كنت اسمع كثيرمن بنات الجامعه وبنات خالتي وبكل مكان عن الفيس بوك) وجاني فضول اني

افتح صفحه وسويت بأسم مستعار وكنت احط منشورات و صور حائط وماعمري تكلمت مع احد ابد بس مرره فتحتها تكلم معي ولد عمره تقريبا

عمره 17سنه وانا عشرين اول مرره اسولف مع احد بالدردشه دايم احط (اوف لاين) سولفت معه مره

كبر اصغر واحد في اخواني طلب ايميلي وعطيته بحكم انه اصغر مني قلت عادي اخذت معه تقريبا ثلاث جلسات وكل كلامنا سطحي وكنت اسولف

معه زي مااسولف مع اخوي وخالي الي كبره عن الدراسه واشاياء عاديه جدا المهم كان اخوي يطلبني الاب حقي

وكنت اعطيه عادي اخوي ولازم اعطيه طبعا ذا اخوي الكبيراكبر واحد فينا هو جلف شوي مايتفاهم كل شي عنده لا وليش ؟؟

المهم عرف اني فاتحه حساب عالفيس مدررري وشلوووووون وصار يقرا في سجل محادثاتي كل هذا وبدون ماادري وكل

المحادثات قراها وكلها مع صديقاتي بس جلستين اوثلاث الي سولفت فيها مع الولد طبعا واثقه في اخواني ماراح يسون هالشي


والاطرى على بالي ابد انهم راح يسوونها حتى ماكنت احذفها ثقه زاييد ه وقام يفتش في الصوركنت احمل صور حلووه وفيها

كلام حلو عادي يعني مااشوف فيها شي بس عند اخوي عيييييب!!! المهم جاء يوم وقال ابي جوالك جوالي

خرب وعطيته بحسن نيه وواثقه من نفسي ماعندي احد بالجوال غريب وطول معه الجوال حتى ماطلبته كل

هذا وانا عبالي جد جواله خرباان اثاريه يبي يشوف الزله علي المهم بدا يشك فيني وعلم اخوي الثاني (طبعا كلهم اكبر مني )

تغيروا معي مرره احط جوالي في غرفتي الاقيه في غرفه ثانيه كانوا يفتشون فيه فالصور فالاسماء بحركاتهم ذي عرفت انهم يشكون فيني ومراات اتكلم

مع صديقاتي احسهم يتجسسون علي وكنت مستغربه مرره من حركاتهم المهم جايوم سحب اخوي مني النت وقال خلاص نت

مافيه ماعندنا بنات عندهم فيس بوك ومحادثات ومدري ايش وهو براسه يسوي هالخرابيط طبعا( ذا اخوي الثاني الي تحت الكبير) انا جتني صدمه ذاك اليوم اثاريهم يفتشون علي ووانا ماادري امي عرفت ان اخوي شال الاب

مني شكت مايشلونه عدم قالي الغي حسابك بالفيس واحذفي كل الصور ولاعاد اشوفك

تتكلمين مع احد طبعا تعبت نفسيا خذيته جلست ابكي الغيت حسابي حذفت كل الصور بس مع الاسف خسرت ثقتة اهلي فيني امي صارت

تشك فيني من بعد ماخذاه اخوي مني صاارت تقول انتي ماخربك الى الجامعه ابكي اذا سمعتها تقولوله حتى امي ؟؟؟؟؟؟

بعدماصار معي هالشي وصارقبل امتحاناتي بسبوع صرت حامله ثلاث موااد من كثر ماافكر في هالموضوع من بعد ماكنت مااحمل والاشي

المهم قلت بكلم اخوي الثاني واشوف ليييش سووا كذا حتى ماتكلمت معه في وجهه داريه اني ببكي وماراح اتحمل تكلمت معه

عالمسن قال موانا الي فتشت اخوي الكبيير هو الي كان يفتش ودرى ان عندك حساب بالفيس وعصب كثيير وقالي من حقي

افتش الي ابي ولوا سوت ماسوت بعرف قلت لأخوي الثاني خلاص انا غلطت وماراح اعيدها سكت ماقال شي

اخوي الكبيير كان مخطط للعرس صار يقول انا ماعندي ثقه بالبنات ابد خلاص. وانا ادري انه يقصدني تعبت نفسيا كرهت

كل شي النت التلفزون اخواني حتى كنت ناويه اشتري جوال( بلاك بيري) اتكلم مع صديقاتي فالسفر قالي لا

مافيه اصلا ذا ماياخذه الى النااس الفاضيه ومايجي من وراه الى البلاوي ليييش ؟؟؟ قلت خلاص وسكت ماراددت مع انه كل صديقاتي بنات

خالي عمي عندهم ومحد حاسبهم الاانا فقت ثقتي بنفسي والسبه اخواني لييش؟؟ كذا كل البنات اهاليهم مايقلون لهم شي وانا

زلييت زله بسيطه وحتى مااسميها زله كل الناس تسويها كل صديقاتي بنات خالي وخالتي معهم حساب الفيس عندهم بلاك

وماعندهم احد يفتش عليهم بس خلاص الحين صاروا يشكون فيني أي شي اشوفه اسوييه لازم ينتقدوني علييه حتى ملابسي

برامج في التلفزون مرات تكون عاديه مااشوف فيها شي بس لازم ينتقدوني كرههههههههتم وكرهت نفسي انا اعرف

مصلحتي اكثر منهم مومعقوله راح اضر نفسي يعاملوني كني طفله ماافهم حسسوني بشوية ثقه ابوي مايقول شي بس امي

واخواني خصوصا انا خلاص صرت مااثق فيهم وهم بعد مايثقون فيني مثل اول يحاسبوني على اتفه شي انا شفت اشياء

كثييره بحياتي شفت ناس تغلط سواء من قريب اوبعييد بالمدرسه او بالجامعه بس ماسويت الي سووه لانه مو

من اخلاقي وكل مرره يقولون لي انتي اصلا ماخربك الى الجامعه مدري وش دخل؟؟؟؟؟؟

ابكي اذا سمعتهم يقولونها كرهتها وكرهت اليوم الي اروح لها وبعدين انا اول مرره اغلط بحياتي وحتى هم عندهم

فيس بوك وعلاقات (طبعا اخوي الكبير ماعنده بس اخواني الباقين عندهم)

يوم جت علي قوموا الدنيا انا كنت دايييم من الاوئل وشااطره وحرمت نفسي من اشيااء كثيرره الحين سار خلااص مافيه ثقه وسرت مااعرف مصلحت نفسي.

بصراحه يا اختي اخوانك ما يسوون كذا الا لانهم خايفين عليكي وخايفين على سمعتم
صحيح هم شادين عليكي والمفروض يتعاملون معك بعقلانية اكثر , لكن الي نشوف اليوم صراحه شي مؤسف من بعض البنات
واكيد اخوانك ما يبغونك تصيري مثل هذولي
لا تفكري في الموضوع بهذه الطريقة , انظري للموضوع من زاوية اخرى , اخوانك خايفين عليكي ويبغون مصلحتك
والحمد لله انتي احسن من غيرك في بعض الاخوان قلوبهم قاسين توصل بهم الى درجة الضرب
حسب كلامك انا اشوف انو اخوانك متفهمين بعض الشي لو جلستي وحاورتيهم ممكن يقتنعون
قولي لهم ترى البنت اذا ما وجدت الاهتمام في بيتها بتدور له في مكان ثاني

يا قلبي اخوانج غيورين عليج وعلى محارمهم..لازم تكونين عاقلة وقد ثقتهم فيهم
لما سمحوا لج باللاب توب كان لهدف محدد..للجامعة وبس مو للفيس بوك وللمحادثة الفاضية
للأسف ما كنت قد الثقة اللي عطوج اياها..فخيبتِ ظنهم وعلى هالأساس حرموج من اللاب

انا فاهمة ان اللي خلاج تسوين شات هو الفضول وبس..وشكثر بنات مثلج
بس با عمري انتي الفضول هذا اذا استمريتي فيه بدخلج متاهة كبيرة وضياع

الحين اذا تبين ترجعين ثقة اهلج فيج..خلج على طبيعتج الحلوة
لما يقولون لج ما خربج الا الجامعة..دافعي عن نفسج ولاتسكتين ورددي ان ربي هو الرقيب وان الله سبحانه وتعالى حافظج من كل شر..واثبتي لهم قول وفعل انج ندمانة على اللي سويتيه ولاتقارنين نفسج بفلانة وعلانة
اشمعنى هذيج عندها لاب توب واهلها واثقين فيها وانا لاء

اهلج لما يشوفون حرصج على نفسج ومحافظتج على سترج..ماراح يدققون ويفتشون من وراج فهمتي حبيبتي
الله ييسر لج كل امورج ويحفظج من كل شر

هذا مو خوف يا اخي هذا تصغير والمفروض من اخوانهه ميصيرون اعداءهه وشكاكين بيهه المفروض يتعاملون وياها بالتي هي احسن
والمفروض من اخوهه ينصحهه مو يدخل بخصوصياتهه
تحياتي الطيبة

الله يكون في عونك ياختي تدرين كل الي مانعينك منه الان بجي لزوجاتهم في المستقبل بكل سهولة لان دائم الي يشدد على اخواته يتهاون مع الزوجة لكن انتي حاولي تعززين ثقتك بنفسك واجهيهم باي شي يدقون فيه لاتقعدين مهزله اهم يفرغون عقدهم فيك وبكرة الزوجة لها الغلا والحشيمة

::

رد مكرر

::

ماشاء الله عليهم والله رجال بس المفروض مايزودونها عليك حاولي تتقربين منهم وترجعين ثقتهم فيك وتقولين لهم انا ماكان قصدي شي مو زين ولاراح اكرر هالشي بس ترى حتى لو اصغر منك هذا يعتبر رجل غريب وغير محرم المفروض ماكلمتيه لان هالاشياء تجرك للغلط شوي شوي من غير ماتحسين حبيبتي الله يحفظ لك اخوانك واهتمامهم بك شي طيب ماشاء الله بعد انتي شكلك وحده بعيده عن هالخرابيط اللي مالها داعي

ماشاء الله ...
حلو يا اختي يكون عندك أخوان كبار يهتمون فيك وحرصهم الزايد عليك لأنهم يحبونك
بس تقدري تتفاهمي معهم لأنهم أكيد بيسمعون لك ..

والله أتمنى يكون عندي اخوان أكبر مني يهتمون فيه .. عندي أخو كبير بس مو مره لأنه متزوج ومشغول بعمله وبيته

أحمدي ربك خيتوو

الله يوفقك

اختي انتي اللي جبتي هذا كله لنفسك
الواحد يستخدم الفيس بوك في اشياء مفيدة مو تضيفين ولد وتتكلمي معاه وبعدين تقولي ماتتعتبر زلة
من البداية انتي عارفة انه اخوانك مشددين كان حافظتيعلى نفسك وسمعتك قدامهم ........
الله يعينك