|
مستحيل أنسى هالموقف ,,,
السلام عليكم ورحمة الله وبركاته كل عام وانتم بألف خير انا متملك قبل شهر ونص تقريباً وزواجنا أن شاءالله بـ نص شهر 11 المووهم حصل موقف امس مررره أنحرجت منه وهو .. زوجتي صايمه الله يقبل يارب (ثاني أيام العيد) قلتلها العشاء بيكون علي طبعاً تمت الموافقه بعد ألحاح شديد قرب الوقت سريع سريع ويالله لقيت محل هدايا فاتح وجهزتها ورحت للمطعم المتفق عليه جيت للبيتهم أول ماوقفت عند البيت وفتحت باب سيارتي عشان انزل إلا أخوها الكبيره يدخل الحاره ويشوفني ماقدر أهج ولا شي خلااااص مدبس وش أسوي تمنيت أنشقت الأرض وبلعتني من الحياء مررره أستحيت حتى شكلي غير مؤهل ابداً ماعلينا سلمت عليه ونزلت الهديه والعشاء المصيبه اني نسيت البارد بالسياره ولا تذكرته إلا يوم وصلت بيتنا:d .. أدري مافيه مشكله انه أجيب هدايا وزي كذا أو حتى أني أشوفها بس وش أسوي انا اقول لنفسي خلني أجل الشوفات بعد الزواج أحس بيكون لها طعم غييييييييييير ... أخيراً دعواتكم أولآ أن الله يرحم أبيي ويسكنه فسيح جناته , ثانياً أن الله يشافي اميمتي الغاليه ويطول بعمره على العمل الصالح .. ثالثاً أن الله يتمم علينا بخير ويسخرنا لبعض ياااارب ... |
عريس جديد الله يهنيك ويرحم والدك ويسكنه فسيح جناته
ويشفي لك والدتك ويهيك بعروسك ولا تخجل غدا تصير من اعز الاصحاب انت واخو العروس وتتذكرو وتضحكو |
مافهمت الموقف
انت عزمتها ورحتوا اتعشيتوا براا ولا تبغى تجيب لها عشا في البيت |
عشان نسيت البارد قمت اسحيت وانحرجت ؟؟
ترى مررا عادي يااخي العزيز وبتحصل في احسن العائلات .. الله يتمم لكم على خير , ويرحم والدك , ويشفى اميمتك =) |
الله يرحم ابوووك ويسكنه الفردوس
والله يحفظ امك لك ويطول بعمرها اماشغلت انك نسيت البارد ذي مرره ماحبيتها اجل هديه واكل بدون بارد كيييف؟؟ خخخخخخخخ لالا امزح الله يهنيك ويسعدك ويتمم عليك بخير يارب~ |
الله يهنيـك ويسعدك
بس الموقف لحظي ويغيب مع الايام بل من ساعته ينسى وش دعوى تقول مستحيل انسى هالموقف احسه موقف عادي ويصير الي اكبر منه وننسـاه .. ياما مـــــــــــــــــــواقف صارت لنا اكبر من الي قلته ونسيناها ..... انسى وعيش حياتك على اجمل لحظاتها ولا تحطمك المواقف العاديه .. الله يهـنيك ويكتب لك التوفيق بحياتك |
وعليكم السلام ورحمة الله وبركآته
الله يجمع بينكم على خير .. حصب خير الحمدلله وموعد الزواج ليسَ ببعيد .. واكيد الشوفه بعد الزواج بتكون افضل لكل الطرفين والشوفه اثناء الملكه .. مافيها شي شرعا لكن عُرفا اغلب المجتمعات ترفضها ولهم الحق( من كثر ماسمعنا الله يستر على بنات المسلمين ..) اسأل الله العظيم ان يرحم والدك ويسكنه فسيح جناته .. وان يشفي والدتكِ ويمد بعمرها على الطآعه وتفرح فيك وتشوف عيالك وعيال عيالك بعد (: وييسر امرك ويجمعك بزوجتك ويوفقكم ويرزقكم الذريه الصالحه ويسخركم لبعض اللهم آمين .. |
شو الموقف طيب؟
|
|
بالعكس
بالعكس هذي نقطة في صالحك اخوها بيفخر انه حصل على زوج اخت طيب وحنون ويعشي اختة ويدللها ويطمئن انه بيسلمك اياها وهي بتفتخر عند اهلها واخوانها ان زوجها يحبها ويفكر فيها الله يجمعكم على خير ويوفقكم للخير والصلاح ويجعلكم قره عين لبعض والله يغفر لوالدك ويسكنة فسيح جناته ويطول عمر امك بالخير والصلاح ويجعلهم من المعتوقين من النار |
| الساعة الآن 01:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©