|
مشاكلي العائليه وخطيبي هل ابوح له ؟
السلام عليكم ورحمه الله وبركأته ..
كل سنه والجميع بخير ..* اخوتي في الله انا الحمدالله عايشه مع ابوي وامي في مدينه غير المدينه الي فيها بقية اهلي ( اعمامي )* والحمدالله مخطوبه ( عقد قران )* عندنا مشاكل كثيير في العاائله وهالمشاكل تأثر علي وعلى نفسيتي بشكل كبيير* خطيبي يصير ولد عمي في الرضاع وولد خالتي ، لكن المشاكل الي نمر فيها مابين والدي وامي واهل والدي ..* مشكلتي الان اذا صارت اي مشكله نفسيتي تدهور جدا الله المستعان ولا احب احكي مع احد حتى خطيبي واقفل جوالي في الايام لمن تهدى نفسيتي ثم اكلمه عادي واتعذر منه لكن اوقات يعرف من صوتي اخر فتره صارت امور بسيطه وظغطت على نفسي وكلمته وهو عرف من صوتي انو صاير شي .. اصر انو يعرف لكن اكتفيت باني اقوله اشياء سطحيه جداا حتئ ماذكرت له ايش المشكله او مين الي قلته اني تعبت من الناس والمشاكل واتمنى الله يجمعنا على خير* اكتفيت باني قلته نفسيتي تعبانه من الناس ونقدهاا .. وكان قبلها في مشكله صايره وامي قالتلي خطيبك ( زوجك ) *ماعاد يجي عشان اهلي ومشاكلهم وكلامهم وفعلا اتظايقت بشكل كبير مع المشكله الي صارت نفسيتي صارت عدم ..* وكل هذا وخطيبي مايعرف عنه شي ولا اقوله * السبب الاول انا بطبيعتي قليل احكي والسبب الثاني اخاف لو اتكلمت معه او قلتله عن المشاكل وحالتي النفسيه السيئه بعد الزواج يعتب علي او شي من هالقبيل .. علما بأني الان ماعاد اتحممل شي والله ،* هو سندي في الدنيا من بعد الله ثم ابوي لكن ما اقدر اتكلم لابوي ونفسيتي جدا جدا محطمه تجيني لحظات افكر اني اشكي له فلا طاقه لي للتحمل ولحظات ثانيه اقول فكري بعقلك موب عواطفك مايصير يعرف بمشاكل العائله علما بان والدته خالتي ..* بشكل عام ايش رايكم سواءً انا او غيري لاني حقا ما اعرف ايش التصرف الصحيح* هل الوحده لو وضعها زي وضعي تحكي لزوجها او لا ..* وجزاكم الله خير |
حبيبتي حكيه عشان قلبك يرتااح ..
لكن مو كل شي وبالتفصيل .. أعطيه الموضوع بطريقه مبسطه وجميلة .. كرؤس اقلآم . إحتمال بيساعدك في تلك الامور للتخلص منها باذن الله . وحآآولى لو سارت اي مشكله بين العائلات .. شيلي نفسك وخطيبك منها كالشعره من العجينه عشان ترتاحي من هم المشاكل والتعب . والله يتمم لك على خير ياختي . دمتي باحسن الاحوال=) |
زهره يسعدك الاهي
المشاكل الحاصله الان خطيبي ماله علاقه فيها سابقا كان في نقد عشان كيذا والدتي منعت الزيارات و رؤوس اقلام كيف يعني ؟ مثلا الان مشكلتنا اعمامي مخاصمين ابوي عشان حاجه سواها لنا انا كيف اقوله علما بانه مازال يسال وكلمني يوم العيد شاف صوتي مخنوقه وهو بطبيعته مايرضى برؤس اقلام لازم يفهم الموضوع عشان يتطمن |
ويسعدك يارب ..
طيب ياغاليتي انتي خايفه تحكيه الموضوع باكمله خوفاً من اثارة المشاكل أكثر من قبل . أو انك ماتبغي تكدري خاطره وصفو حياته . وان شاءلله نقدر نساعدك =) |
لا لا تبوحين له الافضل لا لماذا لأن كثير من الرجال لايأتمنون وقد يسخر بك يوم ما بها لاقدر الله وحتى لو لم يكن لك ذنب
فيها |
عزيزتي زهره انا خايفه احكيه
لسبب انو يفقد ثقته فيني او يقول ان ماعندي خصوصيه احكي في مشاكلنا العائليه .. انثى جزاك الله خير رائيي من رآيك |
أختى ::
أنا مريت بنفس مشكلتك ... مشاكل كثيرة بينى وبين عائلتى... جعلتنى أترك البنت اللى كنت سأخطبها ... بعد ضغط شديد على... تعرفى ماذا ؟؟ أنا أخطأت ... لابد أن يعرف الشريك كل شيىء حتى يواجه معك المشاكل ... ويصبح ورقة ضغط عليهم وليس عليكِ لو صمتى... وخاصة أن مشاكلك مع عائلتك عن تجربة فى جميع الأحوال ستستمر سواء تركتى خطيبك أم لا او قلتى له ام لا... فأجعليه يعرف كل شيىء حتى لايجعلك الضغط تنفجرين وتخسرين كل شيىء ... أخوكمM.S |
اخي m,s
انا متأمله خير باذن الله اني لو اتروجت راح ابعد عن المشاكل لاني راح اترك مجتمع اعمامي وبتكون علاقتي في اهلي بس حقيقة في الاخر صرت متردده في اخباره مع اني كنت مقتنعه بوجهة نظري ان لا علاقة له بمشاكلنا وخط احممر عليهاا جزااك الله خخير |
دحين اتوقع بعض الرجال ينفروا من المشاكل لو قلتيله عنها.. لانه هوا لما يكلمك يبغا ينسى همومه تقومين تزيديه هم..! فينفر منك
انا اخاف من ذا الشي.. لكن لاتقوليله من نفسك مباشرة.. اذا سأل وأصر يعرف قوليله..لكن بشكل مختصر .. الرجال مايحبو الكلام الكثير..وقوليله انا ماابغا اتكلم عن المشاكل لاني ابغا انساها وانا معاك وماابغا اخليك تشيل هم .. اتمنى اكون افدتك.. الله يزيل عنكم الهم .. تقبلي مروري |
لاتدخلينه ابدا بمشاكل اهلج..يا اختي هذي خصوصية بحته
ابوج واخوانه..شدخل خطيبج في هالمشاكل العائلية هذا وانتم لالحين ما اجتمعتم..وبتعلمينه..اجل بعدين شنو راح تسوين مهما تضايقتي وتعبتي من مشاكلج العائلية..دام انه مو طرف فيها لاتجيبين له سيرة خليه يظن انج من عايلة مثالية ومتماسكة..مو حلوة يعرف اسراركم وان ابوج واخوانه متزاعلين وياليت لو تكلمين ابوج وتخلينه يصالح اخوانه وخوانج معاج..صلة الرحم معلقة عند كرسي عرش الرحمـــن الله يتمم لج على خير ويبارك لكم ويرزقكم الذرية الصالحة |
| الساعة الآن 10:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©