زوجي يعاملني كغريبه
 

السلام عليكم

بصراحه هذا اول موضوع لي ابي اتكلم فيه عن مشكلتي واتمنى احد يشوفلي حل فيها
لان بصراحه تعبت منها ما ادري اذا كان هذا القسم المناسب اول لا بس بليز ساعدوني
انا لي سنه متزوجه طبعا زواجي ما كان بموافقتي كان غصب علي تزوجت من ولد عمي
مع الايام رضيت بالزواج غصب علي وقلت يالله يابنت شوفي حياتك وانبسطي الزواج بيصير بيصير
صار الزواج بس لين الحين ما احس باني وحده متزوجة معاملة زوجي لي كوحدة غريبه عايشين في بيت واحد بس كل واحد في حاله وماله دخل في الثاني لي سنه كامله ما نمت معه الا مرتين او ثلاث بس كلمته بالموضوع قالي انه مرتاح كذا انا وحيدة امي مالي خوات اشكيلهم حالي كلمت امي مره بالموضوع وعلمت اخواني عشان يتفاهمون معه وقالهم انه يعاملني احسن مايكون من بعدها تغرت معاملته لي قدام اهله واهلي يعني احيانا اذا كنا جالسين مع اهله يضمني يبوسني وهذا الشي يحرجني والله اتمناه يكون لحالنا مو قدام الكل يعني اول مانكون لحالنا يرجع زي ما كان حتى ابتسامته تختفي
علموني كيف اتعامل معه تكفون والله تعبت مو كافي متزوجه غصب *

اول شي

الله يسخركم لبعض

لكن اعتقد يا اختي ان الحل بيدك ، لايتسبب في طلاقك حيائك وعدم تقربك لزوجك طيب اذا هو ما يتقرب لك ليه انتي ما تتقربين منه وتدلعين له وتحسسينه باهتمامك به

حاولي تتقربين منه

بالتوفيق ان شاء الله

يمكن هو عارف انك مغصوبه على الزواج منه لكن انتي حاولي تفهمينه انكم خلاص الحين مالكم غير بعض وانه ممكن يحببك فيه بتصرفاته وبينيلوه ان هذا اللي يسويه يكرهك فيه ... الله ييسرلك امرك ان شاءالله

أختي أجلسي مع زوجك وكوني واضحه معه وهو كذالك
لاتضيعين عليك الوقت والايام تمشي
قولي تبيني ونمشي حياتنا وإلا عطني ورقتي والله يستر علي وعليك

ماينفع هالوضع أبدا
ولاتجلسن مكتوفه اليدين تنتظرين متي يرحمك ويتغير أنتي إلي بادري
وتصرفه قدام أهله أتوقع أنه متزوجك مغصوب أو لمصلحه مع أهلك


الله يصلح حالك ويكتب لك إلي فيه خير

أسأل الله أن يفرج همك

اختي ممكن سؤال
انتي تقولي سنه ومرتين او ثلاثه
اعتقد انه طبيعة المراه لو شعرت بالحرمان لتقدر تحسب عدد المرات بالذات لو كانت قليلة يعني من ثلاثين واقل
فما بالك باثنتين او ثلاث
اعتقد انتي ايضا لا تهتمين به
او ان هناك حلقه مفقدوه