|
خطيبي طفشني
السلام عليكم ورحمه الله وبركاته
كل عام وانتم بخير :22: أنا عندي مشكله مع خطيبي أسلوبه مره مو عاجبني بس يقهر فيني ويعرف الاشياء اللي تزعلني ويسويها يعنني مثلا أنا زعلانه منه قبل وبعدها طنشني 3 ايام ماكلمني ولا فكر يراضيني وبعدين بداء بتصرفات غريبه يحط في البيبي حرف غير حرفي ويكتب عيدي بسماع ضحكتك ويصور محادثات وكلام مدح له وارسل اكلمه مايكلمني ماادري وش يقصد بترصفاته هذي انا صراحه من القهر الغيت الخدمه وناويه لو اتصل ماراح ارد بس قولولي وش اقوله بعدين ابغى كلام يحسسه بتأنيب الضمير |
وأنتِ بخير ;)
أولاً .. ما هي المشكلة التي أدت إلى زعلكِ منه؟ أما عن البي بي فلم أفهم كيف يعني يحط حرف غير حرفكِ؟ .. وتلك المحادثات والمدح ممن؟ |
المشكله اللي صارت 3 ايام العيد قال بيجي اعايد عليك وكنت انا خارجه من البيت لانه عيدنا مو في البيت
قلت تعال بكره قال بنزل جده مشغول وهو ماعنده شغل قلت خلاص شايف جده اهم من مني انزل جده وراح ولا كلمني من بعدها وبالنسبه للبلاك بيري بعد ماوص جده لاكلمته ولا كلمني بس يغير صوره العرض ويحط حرف غير حرفي ويصور محادثات كأنها من بنت وتمدح فيه ماعرف وش يقصد بحركاته هذي |
اقتباس:
|
ايوه ماعنده متأكده
وسالفه الحرف هو دايم يحط ذا الحرف ومره سئلته قال اقلد صاحبي وامزح مع صاحبي وانا سكت ماقلت شيء واحسه فرح لاني اغار بس تدرين اني حللت شخصيته انه يبني حياتنا على اني اشك فيه مدري ليش يسوي كذا مثل الحين ماعتذر ولا راضاني يسوي كل شيء يزعلني بيزعلني اكثر ومابقي على الزواج شيء كثير بس مدري ليش يسوي كذا ؟ |
اقتباس:
عشان ما تتعبي .. و خلي حياتكم مرحة و حلوة و سلسة و بسييطة مافي داعي لتحليلات المبالغ فيها الله يوفقكم |
بس فهميني ليش يسوي حركات
ماعمري شفت خطيب يخلي خطيبته تشك فيه وهي واثقه فيه وصح كلامك في البدايه بس هو عنده عزه نفس مايحب يعتذر |
ممكن يا انين ييسوي حركات لانه حابب يحس بغيرتك
بعض الرجال عندهم فكرة انه الغيرة دليل الحب خلاص انتي كوني من فترة للثانية بيني له غيرتك حتى لو انتي وااثقة منه .. مثلا قولي له لا تتعطر كثير ,, شوفني اغار .. امسكي تلفونه و اتعمدي تقرأي اسم بالغلط على انه بنت و قولي له مين هذه ياشيخة فرحيييه شوي و غيري :) لغاية مايتشبع و ساعتها بيبطل هالحركات ... |
تدرين اني جهزت رساله
لو اتصل برسلها وكتبت فيها كلام تهزيء يحبه قلبك بس حلفت لرسلها بس استناه يتصل ندرين مشكلتي تحسينه مايفكر في مشاعري مايحترمني واحس مابغى اوضحله اني اغار يشوف نفسه زياده |
اتعوذي من ابليس و امسحي الرسالة
ياقلبي .. طيب و حابب يشوف نفسه ... ايش يعني الواحد ليش يتزوج مش عشان يلاقي من يدلله و يحبه و يهتم فيه .. وبالمقابل بتجي اوقات ثانية انتي بتكلع براسك تدللي عليه و تشوفي نفسك عليه شوي مش الوحدة مننا تحب تسمع كلام الغزل و الدلال وانتي جميلة و انتي حلوة و انتي مافي مثلا وينفش ريشها :) .. طيب هو نفس الشي .. فا اعطيه قليل .. حبيبتي لا تاخذي الموضوع بندية و تكسير راس .. احتوويه و اعطيه الاهتمام و الحب عشان يتعلم منك و يبادلك لكن انتي اليوم تهزأيه وهو بكرة يرسلك رسالة تهزيئ؟؟ وين صرنا ماعاد زواج هذا وين راح الاحترام .. ابدأي حياتك بنية صافية و طيبة عشان تلاقي المثل طالما و انه يحبك و يحترمك و يحترم اهلك و يعاملك كويس خلاص مافي مشكلنة ... اكسبيه بالكلام الحلو و الطيبة بعيد عن اللوم و العتاب و المشاكل و النكد الله يوفقك |
| الساعة الآن 09:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©