|
ماهي الأشياء التي احرص على تواجدها في زوجة المستقبل ؟
السلام عليكم
ياخوان كل عام وانتم بخير واسال الله ان يجزيكم عن كل حرف تكتبونه بالخيرات والبركات والرضا والسرور حقيقا هذه الحروف تصبح كلمات والكلمات تصبح جمل والجمل هذه اشبه ماتكون بالبلسم الشافي باذن الله فهنينا لكم هذا المنتدى وادامه الله بالخير والبركه عموما انا موضوعي باختصار ان الاهل الان يبحثون لي عن عروس واختاروا وحده عن طريق اناس ولكن لايعرفوا هذه العائله وانا الصراحه لي تجربه سابقه حيث خطب لي الاهل فتاه وعقده عليها ولكن حدث الطلاق في اثناء فتره الملكه والصراحه كان السبب بالشكل الاكبر والد العروس والفتاه نفسها وانا اتحمل جزء والصراحه لم تكن لاهلي معرفه كذالك باهل العروس وانا اتضحت لي امور عن والد العروس هدانا الله واياه لكل خير حتى ان هناك شخص قال لي بصريح العباره كيف رحت عند هذا بعد حدوث اول مشكله مع الرجل وهو يعرفه من قبل وكانه يقصد بانه لو كان على علمي بالموضوع من قبل لكن حاول ان يثنني عن الموضوع لكن الحمد ان تم الموضوع قبل الدخله فلا تزال البنت بكر واسال الله ان يرزقها خير مني ويرزقني خيرا منها وانا الان الصراحه متخوف جدا الان والاهل عندي يحسنون النيه وانا الان اطالبهم بان يتاكد من كل شي فياريت يااخوات ان تفيدوني اش النقاط اللي احرص على سؤال الاهل عنها من ناحيه الاخلاق والدين يعني لو وحده او واحد راح يخطب لولده اش الاشياء اللي يحرص على توافرها في زوجه ابنه ولكم جزيل الشكر |
اول شي اسأل الله ان يرزقك ببنت الحلال اللي تسعدك وتسعدهآ
بشكل عآم النصيب هو ( حظ ) لكن انت فهم آهلك بالمواصفات اللي انت تبيهآ في البنت .. ممكن ان تكون خلوقه باره في والدينهآ ومتعلمه وتحافظ على الصلاه ..بس شرط مو تشرط وحده تحافظ على الصلاه وانت ماتحآفظ على الصلاه كذا راح تظلمهآ .. انت آختار البنت على مقيآس نفسك .. ومآفي مشكله لو تتعرف على اهلهآ اكثر وان شاءالله باقي الاعضاء يفيدونك موفق يارب |
ياختي باختصار شديد
انا شاب لو واحد جايني يسالني عن شاب تقدم لبنته حقولها اش الاشياء اللي ممكن تسال عنها حتى يعرف انه الشاب كويس او لا يعني حقوله اولا اسال وين يشتغل وين ساكن وين يصلي وين درس مين اصحابه لكن بالنسبه للبنت انا لا اعلم اش النقاط اللي الواحد يسال عنها واش اللي مايسال عنها واللهم اختر لنا مايرضيك عنا ويرضينا عن انفسنا ويرضي اهلنا عنا يارب فوضنا حاجتنا اليك فسهل لنا والهمنا من امرنا رشدا |
اقتباس:
وصراحه بقولك من الاخر ماراح تعرف اطباع البنت الا اذا تعرفت عليهآ وتقربت منهآ .. بس من بعيد لبعيد واسئله وو ماراح تطلع بنتيجه وجهة نظر .. = ) |
أنا بنت وأعرف مجتمع البنات يعني ماتدري عن البنت شكله حبوبه لكن بعد الكلام معها بصراحه غير كذا تماما
وفيه بنات شكلهم مو طيبات لكن بالكلام يتبين غير كذا والبنت تكون أخلاق عندنا في مجتمعنا البنت والولد قبل الزواج يحط يده علي قلبه ياساتر الكل يبي حياه زوجيه ناجحه وأهي سعاده الدنيا للشاب والبنت ,’ بالنسبه لسؤالك ممكن أم البنت تسألها أختك أو أمك عن البنت بعض الأسئله وشلونها في البيت يعني شغل البيت ومن هالكلام ودراستها في الغالب الأهل مايكونون صريحين لكن راح يوضح لكم من السؤال أحوال البنت أما وش تسأل ماراح تقدر تسأل عنها إلا في الشكل بس أهلك يشوفون شكل البنت وبس وهذا إلي في الغالب أخلاقها وتعاملها ماتقدر إلا إذا وحده تقرب لكم أو صديقه أختك وكذا الله يكتب لك إلي فيه خير |
يااخي اسال عن اخلاقها واخلاق امها وابوها وخصوصا من الجيران اللي في الحي
واذا عندك اخت خليها تتواصل معها كثير عشان تشوف اسلوبها صلاتها ولا تملك على طول انتظر فترة من شهرين لثلاثة وخلي اهلك يقوا علاقتهم بها واهلها اما عن ابوها تقدر تسال عنه في مكان عمله وشوف الناس اللي حوله ايش يقولو لك والله يسهل لك |
اسالو اقارب البنت عنها
الاسئله طبيبعيه بحاله الخطبه وانتا قول لاهلك عن المواصفات الشكليه الي تبغاها فيها |
للاسف لحين صار العكس اعرف وحده جاها عريس سئل عمتها وقالت البنت فيها وفيها وانا اعرفها والله ما فيها الا كل خير وانسانه طيبه بس وش نقول عمتها اخت ابوها وحاسده انها تتزوج
الافضل تملك وتجلس معها ولا اختك تتعرف عليها |
تنكح المرأة لأربع فاضفر بذات الدين تربت يداك
|
إذا كانت في الجامعة تدرس، فخلي اختك او اي وحدة من قريباتك
تسأل و تشوف كيف صحباتها ؟؟؟ و إذا كانت تشتغل، فنفس الشئ خلي احد يسال هناك عنها و لو عندكم شغالة و اهل البنت عندهم شغالة، فيوم اهلك يزوروا اهل البنت، خلي شغالتكم تسال الشغالة او وحدة من اخواتك تسال الشغالة زوجة اخوي قبل لا نخطبها لاخوي و لاني اعرف اهلها، فشغالتي مرة جات و قالت لي فلانة مرة طيبة ، شغالتهم دائماً تحكي لي عنها و لو عندها اخوات متزوجات فاسأل ازواج اخواتها او حريم إخوانها عنها و الام و تعاملها مع الناس و اهل زوجها |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©