الياس سكن قلبي و السبب زوجي
 

السلام عليكم و رحمة الله بركاته

انا هنا ابغا افضفض لاني تعبت الحلول و اصلا ما في حلولول نافعه

انا متزوجه ليا 3 سنين و عندي بنت وحده و زوجي تعبني اتغير بين يوم و ليله انا اموووووووووووووت فيه و اعطيته كل الا عندي من حب و تضحيه و هو الان متغير اروح بلهفه و شوق اسلم عليه ما الاقي مقابل كل مرة اقول المرة الجيه إن شاء الله احسن الاقي انو زي ما هو ما اتغير جفا و صد و حرمان
و انا تعبت و الله من كتر ما ادعي انو ربي يهديه لدرجه وصلت للياس سرت خلاص ما ابغا ادعي و اصلي فرضي بس ما سرت افكر في السنن ولا ابغا ادعي لان الياس خلاص سيطر عليا

المصيبه انو هو عارف اني انا اموت فيه و لا اقدر اعيش من دونه هدا الشئ خلاه خلاص يشوف نفسو كل شئ اقله حاضر امرك لدرجه و الله العظيم ماسار عندي شخصيه قدامه

و الله ياناس يا عالم ياست ياست ياست و الله سرت اتمنى الموت

يا اختي انتي ذكرتي المشكلة وذكرتي الحل

الحل يكمن في ابتعادج عنه قليلا هو بعد يبي يحس انه يشتاق لج بس من كثر اقبالج عليه مو قادر

ما اقولج ابتعدي ابتعاد كلي ولكن ابتعدي بوسط بدون مبالغة

يعني مثلا اذا دخل البيت وسلم ردي السلام مع النساك خفيفة وبس

لا يحس انج ملهوفة عليه

باختصار ثقلي وتغلي عليه شوي


وربي يوفقج

ماقصرت اختي موهبة الكويت ..

شوفي اني عشت مثل اللي انتي تعيشي

لازم ماتتخبطي ..

اجلسي مع نفسك شوفي شنو سلبياتك شنو ايجابيتك شنو تغير بعد ماجبتي البنوتة ؟؟

صلحي نفسك ..

لاتعطي دائما بالهبل..

اوقفي مع نفسك الحين ..

اولا اخذي لك فترة نقاهة مع نفسك يعني قومي بكل واجباتك بس بصمت وهدوء اكتبي كثير شنو اللي صار استوقفي نفسك شنو اللي استجد بحياتكم شنو اللي تغير تذكري اذا لك يد بهالشي؟

ثانيا ..دوره هو بيكتشف ي صاير جديد وهو قيامك فقط بالواجبات وغيابك عنه وهو ان انتي دوم تراكضي وراه شنو يبي شنو مايبي بدون مايطلب ..

ثالثا جلسة الحوار الهادية بوقت حلو وانوار خافتة خليكي وسط متعطرة ولابسة شي حلو يعني عادي بس مرتبة وخليكي بحضنه وتصارحوا ..

خليه هو بعد يطلع كل اللي بخاطره شنو ملاحظظ عليكي اشياء حلوة واشياء مش حلوة وانتي بعد صارحيه بأشياءه الحلوة واللي مش حلوة ..

وكل واحد يذكر بشنو مقصر مع الثاني ..بكل هدوء ورومانسية ومن دون زعل ..بكل محبة ومودة وتبصموا ان انتوا من هاللحظة راح ترجعوا عرسان مثل ماكنتوا من قبل..

عطيه مساحة يجيكي ..

عطيه وقت يعبر ليكي ..

انتي ماخليتي اليه وقت انتي كاتمة عليه بكل وقت دوم انتي اللي تعبري ..

بعدي شوي ..

واهم شي فترة الصمت والهدوء فيها ..3 ايام او اربعة تفيد ..

الله يخليكم لبعض يارب..

واضح انكم حلوين واوكي مع بعض بس ناقصك التعبير منه ..

والله يسخره لك يارب

أسألك الدعاء للمؤمنين ولي..

لاتعطينه وجه وعامليه بمثل ما يعاملك

ان نفع فالحمد لله

اذا لم ينفع حاولي تتناقش معه

اذا لم ينفع حاولي مصادمته

اذا لم ينفع

فالصبر والدعاء والشكوي لله

وليش ما تناقشه قبل ما تطنشه وما تعطيه وجه ؟؟

بالله هدا كلام؟؟

في أحد يقول للمرأة لا تعطي زوجك وجه؟

هناك حلقة مفقودة في الكلام
لا يوجد رجل يتعامل مع زوجته بهدا الجفاء
الا ادا كان زعلان منها في شي

الصحيح تناقشه بهدوء ومودة ومحبة وتعرف سبب صدوده وجفاه

ما تخلي زوجك هو محور حياتك اشغلي حياتك با شياء تاني اتفرغي لبنتك دايما اشغلي وقتك ولما انتي اتطنشيه صدقيني هو اللي حيجري وراكي بس ما تنسي تأدي واجباتك بس زي ما عليك واجبات الك حقوق وان شاء الله خير الله يهدي زوجك الك يا رب