أيهما من الجهازين أفضل
 

السلام عليكم ورحمة الله تعالى وبركاته

أيها الإخوة والأخوات الكرام أختكم في الله قررت تشتري جهاز جوال جديد ومثل ماتعرفون مع كثرة الأجهزة والموديلات إللي نازلة أنا أحترت أي جهاز أختار منها وحابه أ خذ شوركم وخبرتكم في جهازين طبعا أنا عندي شلتي في البيت رجوني يبغوني أشتري آيفون أو آيباد أو جلكسي عيالي وزوجي كلن يشور عليه بشور وفي الحقيقة أنا كل هاذي الثلاثة الأجهزه ما دخلت مزاجي وما أرتحت لها بالإضافه إلى جهاز البلاك بيري لأن أنا من عشاق شركة نوكيا وما أحب إلا أجهزة نوكياإللي صناعتها فلندي لأن فيه عدة شركات لنوكيا في الصين وهنجاريا وأخيرا في المكسيك هاذي الشركات كل أجهزتها ماهي بجودة الصناعة الفلندية
ولا حتى تقرب لها نوكيا الأصلي إللي صناعته في فلندا هاذي جودتها وخدماتها عالية جدا وأجهزتها أسعارها مرتفعة شوي وأنا حابه آخذ رأيكم بأخر إصدار من نوكيا وهي جهاز ‏‎ NOKlA N8‎ ‎
أو NOKlA N9
وأرجو منكم إللي عنده معلومات عن خدماتها وعن مميزاتها وعيوبها وعن برامجها فأرجوا منكم من كان عنده معلومات أن يتفضل ويفيدني بمعلوماته وجزاكم الله خير .

انا طلقت نوكيا من زمان، و هي في فترة العدة دحين :D
ماقدر افيدك خسارة

بس المعلومة اللي قلتيها من جد خطيرة، اول مرة اعرفها
شكلي كنت ماخذة نوكيا صينية، مو فنلندية

دحين عرفت سبب كثرة المشاكل ، اهم شئ ما خلفنا بنات و صبيان
:D

هلا بالعزيزة والغالية رو ح الطير وكل عام وأنتي بخير وصحة وسلامة وإن شاء الله تولدي وتجيبي عروس مثل القمر وتقومي لنا بالسلامه يارب
شوفي ياقلبي شركة نوكيا بالأساس كانت شركة المانية والشركه هاذي فلست وباعت علامتها وإسمها التجاري من شركة فنلنديه وصار مقرها في فنلندا طبعا فيه شركات منافسة لشركة نوكيا وبنفس إسم نوكيا بس أجهزتها رديئة ولو تلاحظي معاي إن فيه عدة أجهزة نوكيا والسوق مليان منها بالإضافة إلى رخص أسعارها وأصبحت في متناول الجميع وأكثر الناس تثق بشركة نوكيا فيروحوا يشتروا جوالات نوكيا بس ما يدققوا على بلد الصنع أهم شئ عندهم المنظر والخدمات ورخص السعر ومع الوقت تظهر عيوب هاذي الأجهزه وأحيان يخرب الجهاز ماعاد تلاقي له قطع غيار طبعا أنا قلت في ردي السابق إن فيه شركات تقلد علامات نوكيا وموجودة في ثلاث دول ومنها هنجاريا والصين والثالثة كوريا
وليست المكسيك أنا خبطت في الدوله إللي تصنع جهاز بلاك بيري حسبتها هي نفسها تصنع نوكيا واليوم شفت مشاركتي وتذكرت إن الدوله الثالثه هي كوريا وليست المكسيك وكمان إنكشفت دولة رابعه وهي الهند تصنع أجهزة إسمها نوكيا عموما أنا ما أشتري اجهزة جوالاتي إلا من شركة تلكيوم إكسيوم عندي جهاز نوكيا إن 73 مطور أخذته تقريبا 1650 ريال أول مانزل لسوق له عندي تقريبا 5 سنوات والحمدالله ماقد وديته لأي ورشة تصليح ولاعمره دخل مستشفى جوالات وأكرفه كرف حتى الأرقام والحروف في الأزارير تمسحت من كثر ما أستخدمته وباقي يكد كد وعندي جهاز نوكيا إن 95 أخذته بمبلغ 2800 ريال أول ما نزل السوق له معي تقريبا 4 سنوات مستخدمته وخرب فيه إللي يزلق الشاشه تقريبا قبل سنة وصارت شاشته مطموسه وديته الورشة وضبطه في خلال دقايق والحين شغال معي ومافيه أي عيب الحمدالله ماشي معي مثل الفل وصناعتها كلهاالجهازين فنلنديه وحتى أسعار الأجهزه النوكيا فنلندية الصنع تختلف عن الأجهزه النوكيا المصنعة في دول أخرى صح سعرها غالي لاكن جودتها عالية وإذا بغيت تعرف صناعة جهازك النوكيا ماعليك غير إنك تقفل الجهازوتطلع البطارية إللي في داخله وتلاقي داخل الجوال تحت البطارية ملصق فيه
الموديل وتاريخ الصنع والمنشا
يعني الدولة إللي مصنو ع فيها
وشوفي أجهزة النوكيا إللي أسعارها أقل من 1200 ريال هاذي معظمها صيني أو هنقاري
أو كوري أنا أخذت لأبني جوال نوكيا سي 6 لمس وله لوحة مفاتيح مثل اللاب توب وينزلق بالعرض أخذته من إكسترا 979 ريال تقريبا وصناعته كوري بصراحة الولد عجبه أما أنا ما دخل مزاجي وشفت فيه تطورات وبرامج حلوة وبالبداية شفته أعجبني كشخه وحلو بس لما شفت مدينة الصنع كوريا صديت عنه بالرغم من إن هناك ناس يمدحون الشركات الكورية بس أختك في الله ماتحب تدفع في شئ إلا قيمته فيه ويستاهل وله شهرته بين المنتجات .

عموما أختي الغالية جزاك الله خير وأنت أم الفزعات مانسيت فزعتك معي يوم إنقلبت شاشة جوالي ماقصرتي معي بس مادام إنك طلقتي نوكيا خلاص عذرك معك يالغاليه وتسلمين وخلينا ننتظر آراء وخبرات الباقين من الأعضاء الكرام الله يجزاهم خير .

الايباد والجالكسي ابتعدي عنها غير عمليه أبداً

إلا إذا حبيتي تجربينها فتره كذا

عني أنا ما اشتري إلا الشيء الي متأكده إنه بيأخذ وقت معاي ما احب أغير كل شوي

جوالي بيبي بولد حلو وأنيق ويتحمل طيحات من بنتي الله يصلحها

بس بعد الكفر الي حطيته احسه الآن أفضل

والي بعده طلع البي بي باللمس

حلو بعد بس احسه رقيق مره يبغاله وحده ماعندها أطفال :)

ونوكيا راحت عليه خلاص مع انه منه اجهزه قويه وجيده

انا كان نفسي بالأيفون لأنه جهاز رائع فعلاً
بس ااغلب الناس الي يهمني امرهم معاهم بي بي علشان كذا اشتريت البي بي للتواصل
لو ما عندك نيه تشغلين خدمة البي بي
عليك بالآيفون اللون الأبيض رايق مره

هلا بالغالية ذكريات لاتغيب وجزاك الله خير على مشاركتك وأنا والله يا أختي كل أنواع إصدارات الأجهزه الجديدة ما حبيتها من الآيفون والبلاك بيري والآيباد والجالكسي وأخاف أشتري منها جهاز واجربه وما أرتاح له وأتوهق فيه وأنا أفضل منتجات نوكيا الأصلية لأن بيننا عشرة عمر وتفهمني وأفهمها
فما أبغى أشتري جهاز وأنا مو مقتنعه فيه وبعدين أخسره فخلينا على النوكيا أفضل وجزاك الله خير على أهتمامك وأشكر لك مساعدتك يالغلا .

هلا بالغالية سلامه وشاكرة لك هالتقرير المفصل عن جوال نوكيا إن 9 وأنا في الحقيقه عاجبتني خدماته ومواصفاته وبعد ماشفته في التقرير عجبني كمان شكله وأنا لو إشتريت بإذن الله إني بشتري من هالجهاز بالنسبه لجهاز الآيفون والله وأنا أختك مالي فيه والشئ إللي تاخذة وأنت منت مقتنع فيه حتى لو هو زين أنت بتشوفه في عينك شين
عموما حبيبتي مشكوره على جهدك وبارك الله فيك يالغالية.

حياك أختي الفاضله بالنسبه لأجهزة سوني أركسون هيه فعلا أجهزه حلوه وخدماتها ممتازه وشركتها لها وزنها وثقلها بالسوق وأجهزتها تتمتع بجوده عاليه لاكن أنا أفضل أجهزة شركة نوكيا ومقتنعه فيها يمكن لأني تعودت عليها وعلى معرفة خدماتها وأرتحت لها ففضلتها على باقي الأجهزه .

عموما غاليتي تسلمين و شاكره لك مشاركتك وجزاك الله خير على مرورك الطيب ودعواتك الجميله وبارك الله فيك .

انا كنت مثلك متمسكة جدا بنوكيا ومستحيل امسك غيره
ولكن عندما اردت تغيرة الفترة الماضية الاغلب من حولي اشار الي بشراء الايفون
وفعلا اشتريته ووجدته رائع
وفقك الله لشراء الجهاز المناسب لك