|
حشرية ام حب تتبع عورات النساء؟؟؟
السلام عليكم و رحمة الله و بركاته
حبيت احط موضوع ما ادري بأي خانه اصنفها هل هي حشرية اما انها تتبع لعورات النساء؟ اولاً انا عشت بعائلة السؤال عن بنات الناس من شكل و جسم و افعال امراً ممنوع من ناحية الرجال يعني ايش لابسة و من هيا و سمينة و الا نحيفة امر ممنوع انه يتحدث عنه اخواني و ممنوع من ناحيتنا كنساء الجواب عنه في بيت اهلي لكن لما تزوجت و شوفت زوجي و اهله انصدمت اولتها في زواج رحت فيه مع اهله و طبعاً انا اعيش مع اهله اشوف اهله يصوفونها من اولها لأخرها و زوجي بعد يسأل اكثر و اكثر طبعاً لحظتها تكلمت و قولت لزوجي" اشوفك مهتم... ليش رح تتزوجها؟" و هالشي كمان كان امام اهله و اللي كلمتهم مرات كثيره انه حرام وصف النساء للرجال دون قصد الزواج و نفس الشي مع زوجي لكن برضو ما في فايده و دايماً اتكلم معاه لما اسمعه يسأل و اقول لأهله ساعتها ما يردون عليه لكن لا حياة لمن تنادي انا تكلمت معهاه اذا هو بيحب حدا يوصفني لرجال بس ما اخذت منه جواب يرد عالسؤال بجواب فواااادي اخر لسى فيه هذا الطبع هو و اهله واللي اانا اسميها هواية اكثر من طبع لأنهم يتكلمون بحامسه عن مواضيع مشابهه لأنه ممكن يتكلمون حتى اذا ما سال زوجي مثلاً" كيف كان الزواج؟ يردون: حلو و العروسه ...." انا محتاره بأي طريقة ممكن اخليه يترك هالعادة اللي بصراحه انا ما اطيقها و اللي وصلت لدرجة انه يسأل اذا اختي سمينه ام نحيفه!!! حتى صديقاتي ما تركهن في حالهن و انا ما احب اسوي مشاكل بموضوع زي هذا و في نفس الوقت هذا الموضوع يزعجني مره لأني اشوفها حب معرفة اشكال انساء و افعالهن اكثر من حشريه ياريت تشاركونا بأرأكم و اللي ان شاء الله رح استفيد منها و السلام ختام |
متابعه بصمت
واتمنى اجد حل لاني اعاني من نفس المشكله وبصراحه اعتبرها قلة حيا اسمحيلي لا هم ولا اهلهم يحترموني انا الي عندي توصف الحريم بدون مااحد يسالها انا وبمحاوله يائسه صرت اسال عن الطرف المقابل لعل وعسى يحسون يعني لو كانت مذيعه فالمذيع الي قدامها احلى واانق واذا زوجه فزوجها احلى اكيد مو من قناعه الي اسويه بس زي ماقلت محاوله يائسه عشان لعل وعسى يستحون على دمهم زوجي الحبيب ادري انك تقرا الموضوع لك كل حبي واحترامي ودمت لي احلى واروع واانق زوج والله لايخليني منك ذخر توفي وفيصل |
هناك عوائل كذا متعودين و ماهم شايفين انه فيها شي
زوج اختي زي كذا بس ما اظن انه يقصد يهتم بشكل المرأة و كذا مجرد انه يحب هرجة الحريم و حكاويهم و الحمد لله زوجي ما يحب هرجة الحريم و صعب تغيري طبائعهم ؟ |
اذا هذا طبع فيهم فصعب انك تغيرينه وزوجك اخذ هالطبع الشين منهم لكن لو وحدة فيهم تفهم كان قالتله مالك شغل بسوالف الحريم واشكال الحريم ومرة عن مرة راح يسكت ويبطل يسال لكن اذا مافيه ولا وحدة تفهم وانتي حاولتي معاهم فماراح تقدري تغيري هالطبع فيهم بس انتي حاولي مع زوجك قولييله هذا الشي حرام ومايصير ولما يكون في سوالف عن الحريم بطريقتك حاولي تغيري الموضوع والله يعينك وتحياتي
|
والاذن تعشق قبل قبل احيانا
بعض الناس يحب ان يسمع وصف النساء وكلامهن وحديثهن هي الفطره التي تميل الى الجنس الاخر ومحاوله سبر معالم هذا الجنس ومعرفه خفاياه وما فيه هي عاده او اشباع لرغبه الميل للجنس الاخر |
بكل بساطة اختي
مثل ما تدين تدان .. انتي بعد اسألي عن ربعه واوصافهم واشكالهم .. يمكن يحس ويبطل أسئلة |
اقتباس:
وبالغت في تتبع الاوصاف يمكن يفهم لا حياة لمن تنادي لدرجه انه يسال عن اخواتي وزوجات اخواني ويقول انا ادري موب ازين منك بس ابي اعرف مادري وش فايدته من هالفضول |
تري فيه بعض مجتمعاتنا يربون الولد على الجلسة مع الحريم والبنات.. وينشء ما يستعيب هالشي.. انتي جايه من بيت فيه حدود وضوابط لبيت تلاشت فيه هذه الامور.. حاولي تتكلمين معه بهدوء وفهميه انه من حبك له ماتبينه يقول كذا وكذا.. اذا ما ترك هالشي طنشيه اذا قام ينخبز بذا السوالف.. لا تعانديه او تظهري امتعاضك
|
من يفعل ذلك يتلذذ لذة محرمه بسير النساء ومعرفة أخبارهن وأحوالهن
وهذا مرض من أمراض القلوب معروف منذ الأزل كفانا الله شره . |
مجتمع بعيد عن الدين .. وتقوى الله ..
والله يعلم خائنة الأعين وما تخفي الصدور.. واحذري معاملتهم بالند والمثل .. فيما حرم الله :: ( فكل نفس بما كسبت رهينه ) كل ما عليك امرهم بالمعروف ونهيهم عن المنكر.. والدعاااء لهم بالهدايه .. ولا تستعجلي التجاوب منهم .. وانتي على اجرك.. اعانك الله |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©