منتدى عالم الأسرة والمجتمع - وين محلات الاثاث المكتبي بالرياض

منتدى عالم الأسرة والمجتمع (http://www.66n.com/forums/index.php)

- الديكور والأعمال اليدوية (http://www.66n.com/forums/forumdisplay.php?f=100)

- - وين محلات الاثاث المكتبي بالرياض (http://www.66n.com/forums/showthread.php?t=228057)

وين محلات الاثاث المكتبي بالرياض

السلام عليكم ورحمة الله وبركاته

ابشركم جتني الموافقه من الجهه العليا <<<<زوجي

بتاثيث غرفة مكتب عشان يجمع حوسته وكتبه وقراطيسه فيها

بعد الحاح طال سنتين

فالرجاء الحار من اعضاء منتداي العزيز يدلوني على كل محلات الاثاث المكتبي بالرياض
غلى او رخص سعرها
لاني ابي اجمعها كلها وافرها بنهاية الاسبوع

وابشركم رحت للعويس ماعجبني فقط العويس الي رحت له

ميداس للأثاث المكتبي في طريق الملك عبدالله لكن الاسعار مبالغ فيها ..
مفروشات الرجاء اللي على طريق الملك عبدالله و اي دي ديزاين في طريق الملك عبدالله ايضا بجانب ايكيا على طول
سيتي دبليو ..رائع واسعاره معقولة طريق الدائري الشرقي مخرج 12
وفي محلات كثير على شارع التحلية

اختي سلامه 14

الله يسلمك من الشر
ميداس صحيح غالي بس ابروح له واخذ فكره عن الاثاث الراقي
عشان ادور عن الشبيه بسعر معقول

مفروشات الرجاء باذن الله سيتم الذهاب لها

وسيتي دبليو دائم اشوف شاحناته ولا ادري وينه

بانتظر الردود لين نهاية الاسبوع والله ييسر امري

بس وش رايك جدران الغرفه لونها سماوي معتق وش يناسبها اي درجة لونه
والباركيه لونه خشبي فاتح
واحس اللون الفاتح كاني بمدرسه او شركه ماعجبني

فيه عند مخرج 15 أو 16 رخيصة لأن بعضها بقايا المحلات الكبيرة أو إنها رجيع..

أسأل وأرد لك..

اخوي المقنع التميمي

اكون شاكره لك
اصلا بدون ماتسال انا اشكر لك ردك الجميل

بس وش معنى
رجيع

الله يستر لايلعبون علي واشتري رجيع
والله مدري وش هالرجيع

ابنتي الكريمة
سأضع لك مجموعة خيارات
1- محلات الأثاث في حراج بن قاسم ( الحراج المركزي لمدينة الرياض) والأفضل الذهاب بعد العشا للعوائل وهو في تقاطع طريق الملك عبدالعزيز ( البطحا ) مع الضلع الجنوبي للداري .
2- محلات حراج النسيم آخر مخرج 15 من الضلع الشمالي للدائري.
3- أسواق المدينة طريق الملك فهد قبل عتيقه من الشمال للجنوب.
4- أسواق بن دايل قبل أسواق المدينة من جهة الشمال .
5- إحضار نجار متخصص لتفصيل المطلوب حسب الغرفة.
6- بالتجربة ثبت أن الباركيه فاشل لأنه يجمع النمل ويتأثر بالماء ويتغير لونه بالغبار..
7- إحرصي على تسليك الكهرباء والنت بشكل جيد قبل البوية.
8- إحرصي على وسيلة تواصل بين مكتبه وغرفة الجلوس لمناداته للعشاء والغداء.
9- لا تزودي المكتب بوسائل خدمة ذاتية ( لا تحطين بوفيه صغير ) لئلا ينعزل حضرته عنكم ويستغني).
10- انتبهي للفرق بين ما هو موجود في المعرض أو المحل وبين ما يتم إحضاره وأفحصي الأثاث قبل الاستلام .
11- ستائر الشرائح من أفضل الأنواع للمكتب لعدم وجود أطفال يرتادون المحل.
12- كل ما يلزم تكسية الجدران والستائر والأرضيات وبأسعار منافسه بشارع الخزان الجزء الغربي منه بعد طريق الملك فهد.
اقتراحات لتزيين المكتب:
13- هناك رسامون عند الخطاطين يرسمون لوحات جميله على سقف المكتب وجدرانه بكامل السقف أو الجدار أو بعد وضع غطارات ثابته جبسية) كالمساء مع الغيوم والنجوم وتكمل المنظر معالجة الإضاءة ( موجودة بشارك الملك عبدالله بالملز .

جدا جدا شاكره لتجاوبك معي ياعم رجل الرجال

اما عن الباركيه
فكانك تشوف ممالك نمل تكرم (انا حطيت الدور العلوي بكامله باركيه لانه ادفى من السيراميك ولا اخاف يطيح عليه طفل زي الرخام والسيراميك واسهل بالتنظيف من الموكيت )

واذا جا نمل ولا تاثر بالغبار والمويه فانا استاهل بدال الباركيه باركيه ثاني .....

لي فتره شفت فرع لديموس للاثاث المكتبي بطريق العليا .

خذي فكره منه .

اقتباس:

المشاركة الأصلية كتبت بواسطة ...هدوء المشاعر... (المشاركة 2685608)

لي فتره شفت فرع لديموس للاثاث المكتبي بطريق العليا .

خذي فكره منه .

شكرا جزيلا للمعلومه الحلوه